© Совет на Европа/ Европски суд за човекови права, 2015. Овој превод е изработен со поддршка на Human Rights Trust Fund на Советот на Европа (/humanrightstrustfund). Преводот не е обврзувачки за Судот. За понатамошни информации видете ја целосната назнака за авторски права на крајот на овој документ.
© Council of Europe/European Court of Human Rights, 2015. This translation was commissioned with the support of the Human Rights Trust Fund of the Council of Europe (/humanrightstrustfund). It does not bind the Court. For further information see the full copyright indication at the end of this document.
© Conseil de l’Europe/Cour européenne des droits de l’homme, 2015. La présente traduction a été effectuée avec le soutien du Fonds fiduciaire pour les droits de l’homme du Conseil de l’Europe (/humanrightstrustfund). Elle ne lie pas la Cour. Pour plus de renseignements veuillez lire l’indication de copyright/droits d’auteur à la fin du présent document.
Информативна белешка од судската пракса на Судот бр. 177
Август-септември 2014
Грос против Швајцарија [ГСС] - 67810/10
Пресуда 30.9.2014 [ГСС]
Член 35
Член 35-3
Злоупотреба на правото на жалба
Пропуст да се информира Судот за смртта на жалителката во постапка за можноста таа да добие лек кој ќе ѝ помогнел да изврши самоубиство: недопуштено
Факти – Повеќе години жалителката искажувала желба да стави крај на својот живот бидејќи како што поминувало времето станувала сè покревка и не сакала да страда од опаѓањето на нејзината физичка и ментална моќ. Таа одлучила да стави крај на својот живот со тоа што би испила смртоносна доза на натриум пентобарбитал. Бидејќи наишла на проблеми околу добивањето на рецепт за супстанцата во прашање таа поднела жалба до Европскиот суд во 2010 г.
Во пресудата од 14 мај 2013 г. (види Информативна белешка 163), Судскиот совет на Судот одлучил дека имало повреда на членот 8 од Конвенцијата. Случајот бил упатен до Големиот судски совет.
Судот не бил запознаен за смртта на жалителката сè до јануари 2014 г., кога бил информиран од Владата дека при подготовката на своите писмени забелешки тие се распрашале за состојбата на жалителката и дознале за нејзината смрт и околностите на истата. Во октомври 2011 г. жалителката набавила лекарски рецепт за смртоносна доза на натриум пентобарбитал и ставила крај на својот живот со пиење на препишаните супстанци на 10 ноември 2011 г. Според полицискиот извештај со датум од 14 ноември 2011 г. тие не успеале да идентификуваат ниеден роднина на починатата. Во извештајот се заклучува дека жалителката извршила самоубиство и дека за ниедно трето лице не се сметало дека е кривично одговорно за истото.
Право - Член 35 § 3 (а): Една жалба може да биде одбиена заради злоупотреба на правото на индивидуална жалба ако меѓу другите причини истата намерно се заснова на неточни факти. Поднесувањето на нецелосни, а со тоа и погрешни информации, исто така може да се смета за злоупотреба на правото на жалба, особено ако информацијата се однесувала на суштината на случајот и во жалбата не е дадено задоволително објаснување зошто не биле обелодените релевантните информации. Истото важело и доколку се случела нова и важна ситуација во текот на постапката пред Судот и кога, и покрај тоа што изречно се барало така да се постапи согласно Правилото 47 § 7 од Деловникот на Судот, жалителката не успеала да му ги обелодени информациите на Судот, и со тоа го спречила да пресуди по случајот врз основа на целосна запознаеност со фактите. Меѓутоа, дури и во таквите случаи намерата на жалителката да го измами Судот мора секогаш да се утврди со доволно ниво на сигурност.
Адвокатот на жалителот објаснил дека тој бил во контакт со својата клиентка само преку посредник, кој – на нејзино барање - намерно се воздржал да не го извести адвокатот за нејзината смрт. Меѓутоа, со оглед на специфичната природа на случајот, фактот дека адвокатот на жалителката немал директен контакт со својата клиентка, туку се согласил со неа да комуницира индиректно преку посредник, ја наметнува како проблем неговата улога како правен застапник во постапките пред него. Покрај обврските на жалителот да соработува со Судот и обврската да го информира за сите околности релевантни за неговата или нејзината жалба, застапникот носи и одредена специфична одговорност да не дава погрешни информации.
Од објаснувањето на адвокатот произлегувало дека жалителката не само што не го информирала него, а последователно на тоа и Судот, за фактот дека го добила бараниот лекарски рецепт, туку исто така презела посебни мерки на претпазливост за да спречи информацијата за нејзината смрт да му биде обелоденета на адвокатот, а последователно и на Судот со цел да спречи нејзиниот случај да биде прекинат. Фактот и околностите во врска со смртта на жалителката навистина се однесувале на самата суштина на прашањето што било во сржта на нејзината жалба во однос на Конвенцијата. Исто така можело да се прифати дека доколку фактите му биле познати на Судскиот совет тие можеле да имаат одлучувачко влијание врз неговата пресуда од 14 мај 2013 г. со заклучок дека имало повреда на членот 8 од Конвенцијата. Меѓутоа немало никаква потреба за Големиот судски совет да шпекулира за ова, бидејќи во секој случај пресудата на Судски совет од 14 мај 2013 г. не станала правосилна.
Мотивот на жалителката да не ги сподели релевантните информации бил дека, без разлика на фактот дека несреќата во нејзиниот личен ситуација завршила, постапката во нејзиниот случај требала да продолжи во корист на луѓето кои биле во слична ситуација. Иако таквиот мотив може да биде разбирлив од перспектива на жалителката во невообичаената ситуација во која се наоѓала таа, Судот одлучи дека било доволно утврдено дека со намерниот пропуст да му ја обелодени таа информација на својот адвокат, жалителката имала намера да го донесе Судот во заблуда во однос на прашање што било во сржта на нејзината жалба согласно Конвенцијата.
Соодветно на тоа однесувањето на жалителката претставува злоупотреба на правото на индивидуална жалба.
Заклучок: Недопуштено (девет гласа наспроти осум).
© Совет на Европа / Европски суд за човекови права
Ова резиме на Регистратурата не го обврзува Судот.
На овој линк може да се најдат Информативни белешки од судската пракса
© Совет на Европа/Европски суд за човекови права 2015
Официјални јазици на Европскиот суд за човекови права се англискиот и францускиот. Овој превод е изработен со поддршка на Human Rights Trust Fund на Советот на Европа (/humanrightstrustfund). Преводот не е обврзувачки за Судот, ниту Судот презема било каква одговорност за неговиот квалитет. Преводот може да се префрли од HUDOC базата на податоци за судската пракса на Европскиот суд за човекови права () или од други бази на податоци со кои Судот го споделил. Може да биде репродуциран за некомерцијални цели под услов да се наведе потполниот наслов на предметот заедно со горната назнака за авторски права и споменувањето на Human Rights Trust Fund. Ако постои намера да се употреби некој дел од овој превод за комерцијални цели, Ве молиме контактирајте ги publishing@.
© Council of Europe/European Court of Human Rights, 2015.
The official languages of the European Court of Human Rights are English and French. This translation was commissioned with the support of the Human Rights Trust Fund of the Council of Europe (/humanrightstrustfund). It does not bind the Court, nor does the Court take any responsibility for the quality thereof. It may be downloaded from the HUDOC case-law database of the European Court of Human Rights () or from any other database with which the Court has shared it. It may be reproduced for non-commercial purposes on condition that the full title of the case is cited, together with the above copyright indication and reference to the Human Rights Trust Fund. If it is intended to use any part of this translation for commercial purposes, please contact publishing@.
© Conseil de l’Europe/Cour européenne des droits de l’homme, 2015.
Les langues officielles de la Cour européenne des droits de l’homme sont le français et l’anglais. La présente traduction a été effectuée avec le soutien du Fonds fiduciaire pour les droits de l’homme du Conseil de l’Europe (/humanrightstrustfund). Elle ne lie pas la Cour, et celle-ci décline toute responsabilité quant à sa qualité. Elle peut être téléchargée à partir de HUDOC, la base de jurisprudence de la Cour européenne des droits de l’homme (), ou de toute autre base de données à laquelle HUDOC l’a communiquée. Elle peut être reproduite à des fins non commerciales, sous réserve que le titre de l’affaire soit cité en entier et s’accompagne de l’indication de copyright ci-dessus ainsi que de la référence au Fonds fiduciaire pour les droits de l’homme. Toute personne souhaitant se servir de tout ou partie de la présente traduction à des fins commerciales est invitée à le signaler à l’adresse suivante : publishing@.
Full & Egal Universal Law Academy