Iris Oifigiúil
an Aontais Eorpaigh
GA
Sraith L
2026/121
20.1.2026
CINNEADH CUR CHUN FEIDHME (AE) 2026/121 ÓN gCOIMISIÚN
an 19 Eanáir 2026
lena leasaítear Cinneadh Cur Chun Feidhme (AE) 2016/2325 maidir le formáid an deimhnithe i ndáil le fardal na n-ábhar guaiseach a eisítear i gcomhréir le Rialachán (AE) Uimh. 1257/2013 ó Pharlaimint na hEorpa agus ón gComhairle maidir le hathchúrsáil long
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) Uimh 1257/2013 ó Pharlaimint na hEorpa agus ón gComhairle an 20 Samhain 2013 maidir le hathchúrsáil long agus lena leasaítear Rialachán (CE) Uimh. 1013/2006 agus Treoir 2009/16/CE (1) agus go háirithe Airteagal 9(1), an tríú fomhír, de,
De bharr an mhéid seo a leanas:
(1)
Leagtar amach formáid an deimhnithe fardail i gCinneadh Cur Chun Feidhme (AE) 2016/2325 ón gCoimisiún (2). Forbraíodh é le bheith comhsheasmhach le Foscríbhinn 3 a ghabhann leis an gCoinbhinsiún Idirnáisiúnta maidir le hAthchúrsáil Long ar Bhealach atá Sábháilte agus Neamhdhíobhálach don Chomhshaol a glacadh i Hong Cong an 15 Bealtaine 2009 (‘Coinbhinsiún Hong Cong’).
(2)
Tar éis theacht i bhfeidhm Choinbhinsiún Hong Cong an 26 Meitheamh 2025, ba cheart a áirithiú gur féidir formáid an deimhnithe fardail a eisítear faoi Rialachán (AE) Uimh. 1257/2013 a úsáid faoi Choinbhinsiún Hong Cong agus faoi Rialachán (AE) Uimh. 1257/2013 araon ar mhaithe le deimhneacht dhlíthiúil agus simpliú riaracháin.
(3)
Tá na bearta dá bhforáiltear sa Chinneadh seo i gcomhréir leis an tuairim ón gcoiste a bunaíodh le hAirteagal 25 de Rialachán (AE) Uimh. 1257/2013,
TAR ÉIS AN CINNEADH SEO A GHLACADH:
Airteagal 1
Cuirtear an téacs atá san Iarscríbhinn a ghabhann leis an gCinneadh seo in ionad na hIarscríbhinne a ghabhann le Cinneadh Cur Chun Feidhme (AE) 2016/2325.
Airteagal 2
Tiocfaidh an Cinneadh seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Arna dhéanamh sa Bhruiséil, an 19 Eanáir 2026.
Thar ceann an Choimisiúin
An tUachtarán
Ursula VON DER LEYEN
(1) IO L 330, 10.12.2013, lch. 1, ELI: http://data.europa.eu/eli/reg/2013/1257/oj.
(2) Cinneadh Cur Chun Feidhme (AE) 2016/2325 ón gCoimisiún an 19 Nollaig 2016 maidir le formáid an deimhnithe i ndáil le fardal na n-ábhar guaiseach arna eisiúint i gcomhréir le Rialachán (AE) Uimh. 1257/2013 ó Pharlaimint na hEorpa agus ón gComhairle maidir le hathchúrsáil long (IO L 345, 20.12.2016, lch. 131, ELI: http://data.europa.eu/eli/dec_impl/2016/2325/oj).
IARSCRÍBHINN
‘IARSCRÍBHINN
DEIMHNIÚ IDIRNÁISIÚNTA MAIDIR LE FARDAL NA nÁBHAR GUAISEACH
(Tabhair faoi deara: Forlíonfar an deimhniú seo le Cuid I d’fhardal na n-ábhar guaiseach)
(Séala Oifigiúil)
(Stát)
Arna eisiúint faoi fhorálacha Choinbhinsiún Idirnáisiúnta Hong Cong maidir le hAthchúrsáil Long ar Bhealach atá Sábháilte agus Neamhdhíobhálach don Chomhshaol a glacadh i Hong Cong an 15 Bealtaine 2009 (‘Coinbhinsiún Hong Cong’) le haghaidh na mBallstát sin atá ina bPáirtithe i gCoinbhinsiún Hong Cong, agus faoi Rialachán (AE) Uimh. 1257/2013 ó Pharlaimint na hEorpa agus ón gComhairle maidir le hathchúrsáil long faoi údarú Rialtas
…
(Ainm an Stáit)
ag …
(Ainmniú iomlán an duine nó na heagraíochta arna údarú faoi fhorálacha Choinbhinsiún Hong Cong agus faoi Rialachán (AE) Uimh. 1257/2013)
Sonraí na Loinge
Ainm na Loinge
Sainuimhir nó sainlitreacha
Calafort Clárúcháin
Olltonnáiste
Uimhir IMO
Ainm agus seoladh an longúinéara
Uimhir aitheantais IMO an úinéara chláraithe
Uimhir aitheantais IMO na cuideachta
Dáta Tógála
Sonraí Chuid I d’fhardal na n-ábhar guaiseach
Uimhir aitheantais/fíoraithe Chuid I d’fhardal na n-ábhar guaiseach: …
Tabhair faoi deara: Cuid fhíor-riachtanach den Deimhniú Idirnáisiúnta maidir le Fardal na nÁbhar Guaiseach is ea Cuid I d’fhardal na n-ábhar guaiseach, mar a cheanglaítear le rialachán 5 den Iarscríbhinn a ghabhann le Coinbhinsiún Hong Cong agus le hAirteagal 9(1) de Rialachán (AE) Uimh. 1257/2013, agus ní mór é a bheith ag gabháil leis an deimhniú sin i gcónaí. Ba cheart Cuid I d’fhardal na n-ábhar guaiseach a thiomsú ar bhonn na formáide caighdeánaí a léirítear sna treoirlínte a d’fhorbair an Eagraíocht Mhuirí Idirnáisiúnta, a fhorlíontar, i gcás inarb infheidhme, le treoirlínte maidir le gnéithe a bhaineann go sonrach le Rialachán (AE) Uimh. 1257/2013, amhail substaintí a liostaítear sa Rialachán sin ach nach liostaítear i gCoinbhinsiún Hong Cong.
LEIS SEO DEIMHNÍTEAR:
1.
go ndearnadh suirbhé ar an long i gcomhréir le rialachán 10 den Iarscríbhinn a ghabhann le Coinbhinsiún Hong Cong, i gcás na mBallstát sin atá ina bpáirtithe i gCoinbhinsiún Hong Cong, agus le hAirteagal 8 de Rialachán (AE) Uimh. 1257/2013; agus
2.
go léirítear sa suirbhé go gcomhlíonann Cuid I d’fhardal na n-ábhar guaiseach go hiomlán na ceanglais is infheidhme de Choinbhinsiún Hong Cong, maidir leis na Ballstáit sin atá ina bpáirtithe i gCoinbhinsiún Hong Cong, agus Rialachán (AE) Uimh. 1257/2013.
Dáta críochnaithe an tsuirbhé ar a bhfuil an deimhniú seo bunaithe: … (ll/mm/bbbb)
Tá an deimhniú seo bailí go dtí … (ll/mm/bbbb)
Arna eisiúint …
(Áit eisiúna an deimhnithe)
(ll/mm/bbbb) …
…
(Dáta eisiúna)
(Síniú an oifigigh chuí-údaraithe a eisíonn an deimhnithe)
(Séala nó stampa an údaráis, de réir mar is iomchuí)
FORMHUINIÚ CHUN SÍNEADH A CHUR LEIS AN DEIMHNIÚ MÁ TÁ SÉ BAILÍ AR FEADH TRÉIMHSE IS LÚ NÁ 5 BLIANA I gCÁS INA BHFUIL FEIDHM AG RIALACHÁN 11.6 DEN IARSCRÍBHINN A GHABHANN LE COINBHINSIÚN HONG CONG AGUS AG AIRTEAGAL 9(5) DE RIALACHÁN (AE) UIMH. 1257/2013 (*1)
Comhlíonann an long forálacha ábhartha Choinbhinsiún Hong Cong, i gcás na mBallstát sin is páirtithe i gCoinbhinsiún Hong Cong, agus forálacha ábhartha Rialachán (AE) Uimh. 1257/2013, agus glacfar leis an deimhniú seo, i gcomhréir le rialachán 11.6 den Iarscríbhinn a ghabhann le Coinbhinsiún Hong Cong agus le hAirteagal 9(5) de Rialachán (AE) Uimh. 1257/2013, mar dheimhniú bailí go dtí (ll/mm/bbbb): …
Sínithe: …
(Síniú an oifigigh chuí-údaraithe)
Áit: …
Dáta: (ll/mm/bbbb) …
(Séala nó stampa an údaráis, de réir mar is iomchuí)
FORMHUINIÚ I gCÁS INAR CRÍOCHNAÍODH AN SUIRBHÉ ATHNUACHANA AGUS I gCÁS INA BHFUIL FEIDHM AG RIALACHÁN 11.7 DEN IARSCRÍBHINN A GHABHANN LE COINBHINSIÚN HONG CONG AGUS AG AIRTEAGAL 9(4) DE RIALACHÁN (AE) UIMH. 1257/2013 *
Comhlíonann an long forálacha ábhartha Choinbhinsiún Hong Cong, i gcás na mBallstát sin is páirtithe i gCoinbhinsiún Hong Cong, agus forálacha ábhartha Rialachán (AE) Uimh. 1257/2013, agus glacfar leis an deimhniú seo, i gcomhréir le rialachán 11.7 den Iarscríbhinn a ghabhann le Coinbhinsiún Hong Cong agus le hAirteagal 9(4) de Rialachán (AE) Uimh. 1257/2013, mar dheimhniú bailí go dtí (ll/mm/bbbb): …
Sínithe: …
(Síniú an oifigigh chuí-údaraithe)
Áit: …
Dáta:(ll/mm/bbbb) …
(Séala nó stampa an údaráis, de réir mar is iomchuí)
FORMHUINIÚ CHUN SÍNEADH A CHUR LE BAILÍOCHT AN DEIMHNITHE GO DTÍ GO mBAINFEAR AMACH AN CALAFORT AG A nDÉANFAR AN SUIRBHÉ NÓ GO CEANN TRÉIMHSE CHAIRDE I gCÁS INA BHFUIL FEIDHM AG RIALACHÁN 11.8 NÓ 11.9 DEN IARSCRÍBHINN A GHABHANN LE COINBHINSIÚN HONG CONG AGUS AG AIRTEAGAL 9(7) NÓ (8) DE RIALACHÁN (AE) UIMH. 1257/2013 *
Glacfar leis an deimhniú seo, i gcomhréir le rialachán 11.8 nó 11.9 (*2) den Iarscríbhinn a ghabhann le Coinbhinsiún Hong Cong, i gcás na mBallstát sin is páirtithe i gCoinbhinsiún Hong Cong, agus le hAirteagal 9(7) nó 9(8) ** de Rialachán (AE) Uimh. 1257/2013, mar dheimhniú bailí go dtí (ll/mm/bbbb): …
Sínithe: …
(Síniú an oifigigh chuí-údaraithe)
Áit: …
Dáta: (ll/mm/bbbb) …
(Séala nó stampa an údaráis, de réir mar is iomchuí)
FORMHUINIÚ LE hAGHAIDH SUIRBHÉ BREISE I gCÁS INA BHFUIL FEIDHM AG RIALACHÁN 10 DEN IARSCRÍBHINN A GHABHANN LE COINBHINSIÚN HONG CONG AGUS AG AIRTEAGAL 9(2) DE RIALACHÁN (AE) UIMH. 1257/2013 *
Agus suirbhé breise ar siúl i gcomhréir le Rialachán 10 den Iarscríbhinn a ghabhann le Coinbhinsiún Hong Cong, i gcás na mBallstát sin atá ina bpáirtithe i gCoinbhinsiún Hong Cong, agus le hAirteagal 8(6) de Rialachán (AE) Uimh. 1257/2013, fuarthas amach go gcomhlíonann an long forálacha ábhartha Choinbhinsiún Hong Cong agus Rialachán (AE) Uimh. 1257/2013.
Sínithe: …
(Síniú an oifigigh chuí-údaraithe)
Áit: …
Dáta: (ll/mm/bbbb) …
(Séala nó stampa an údaráis, de réir mar is iomchuí)
’(*1) AGUS AN SUIRBHÉ AR SIÚL, DÉANFAR AN LEATHANACH SEO DEN FHORMHUINIÚ A ATÁIRGEADH AGUS A CHUR LEIS AN DEIMHNIÚ MÁ MHEASANN AN RIARACHÁN GUR GÁ SIN.
(*2) Scrios de réir mar is iomchuí.
ELI: http://data.europa.eu/eli/dec_impl/2026/121/oj
ISSN 1977-0839 (electronic edition)
Top