Sentenza tal-Qorti tal-Ġustizzja (Is-Sitt Awla) tas-16 ta’ Lulju 2009 – SELEX Sistemi Integrati vs Il-Kummissjoni
(Kawża C‑481/07 P)
“Appell – Responsabbiltà mhux kuntrattwali tal-Komunità – Deċiżjoni tal-Kummissjoni li tiċħad ilment imressaq kontra Eurocontrol – Dannu reali u ċert”
1. Responsabbiltà mhux kuntrattwali - Kundizzjonijiet - Rabta kawżali - Dannu kkostitwit mill-ispejjeż relatati mal-proċedura prekontenzjuża (it-tieni paragrafu tal-Artikolu 288 KE; Regoli tal-Proċedura tal-Qorti tal-Prim’Istanza, Artikolu 87) (ara l-punti 20-23)
2. Responsabbiltà mhux kuntrattwali - Kundizzjonijiet - Illegalità - Dannu - Rabta kawżali (it-tieni paragrafu tal-Artikolu 288 KE; Regoli tal-Proċedura tal-Qorti tal-Prim’Istanza, Artikolu 44(1)(e)) (ara l-punti 36-43)
Suġġett
Appell mid-digriet tal-Qorti tal-Prim’Istanza (It-Tieni Awla), tad-29 ta’ Awwissu 2007, SELEX Sistemi Integrati vs Il-Kummissjoni (T-186/05) li permezz tagħha l-Qorti tal-Prim’Istanza tiċħad bħala parzjalment manifestament inammissibbli u parzjalment manifestament infondata fil-liġi t-talba għall-ħlas ta’ kumpens għad-danni allegatament subiti mir-rikorrenti b’riżultat tad-deċiżjoni tal-Kummissjoni, tat-12 ta’ Frar 2004, li tiċħad l-ilment tar-rikorrenti fir-rigward ta’ allegat ksur minn Eurocontrol tad-dispożizzjonijiet tat-Trattat KE dwar il-kompetizzjoni.
Dispożittiv
1)
L-appell huwa miċħud.
2)
SELEX Sistemi Integrati SpA hija kkundannata għall-ispejjeż.
Full & Egal Universal Law Academy