7.11.2009
MT
Il-Ġurnal Uffiċjali tal-Unjoni Ewropea
C 267/64
Digriet tal-Qorti tal-Prim’Istanza tal-4 ta’ Settembru 2009 — Pioneer Hi-Bred International vs Il-Kummissjoni
(Kawża T-139/07) (1)
(“Approssimazzjoni tal-liġijiet - Rilaxx intenzjonat fl-ambjent ta’ organiżmi modifikati ġenetikament - Proċedura ta’ awtorizzazzjoni ta’ tpoġġija fis-suq- Nuqqas tal-Kummissjoni li tressaq quddiem il-kumitat regolatorju abbozz ta’ miżuri - Rikors għal nuqqas li tittieħed azzjoni - Telf tas-suġġett tal-kawża - M’hemmx lok li tingħata deċiżjoni”)
2009/C 267/115
Lingwa tal-kawża: L-Ingliż
Partijiet
Rikorrenti: Pioneer Hi-Bred International, Inc. (Iowa, l-Istati Uniti) (rappreżentant: J. Temple Lang, solicitor)
Konvenuta: Il-Kummissjoni tal-Komunitajiet Ewropej (rappreżentanti: inizjalment D. Lawunmi u C. Zadra, aġenti, sussegwentement P. Oliver u C. Zadra, aġenti)
Suġġett
Talba intiża sabiex jiġi kkonstatat, skont l-Artikolu 232 KE, li billi naqset milli tressaq quddiem il-kumitat regolatorju, skont l-Artikolu 5(2) tad-Deċiżjoni tal-Kunsill 1999/468/KE, tat-28 ta’ Ġunju 1999, li tipprovi l-proċeduri għall-eżerċizzju tas-setgħat tal-implimentazzjoni konferiti fuq il-Kummissjoni (ĠU L 184, p. 23), abbozz tal-miżuri li għandhom jittieħdu fir-rigward tan-notifika tar-rikorrenti dwar it-tpoġġja fis-suq ta’ qamħirrum modifikat ġenetikament 1507, il-Kummissjoni naqset milli twettaq l-obbligi tagħha taħt l-Artikolu 18(1) tad-Direttiva 2001/18/KE tal-Parlament Ewropew u tal-Kunsill, tat-12 ta’ Marzu 2001, dwar ir-rilaxx intenzjonat fl-ambjent ta’ organiżmi modifikati ġenetikament u li tħassar id-Direttiva tal-Kunsill 90/220/KEE (ĠU L 106, p. 1).
Dispożittiv
1)
M’għadx hemm lok li tingħata deċiżjoni dwar dan ir-rikors
2)
Il-Kummissjoni tal-Komunitajiet Ewropej għandha tbati l-ispejjeż tagħha kif ukoll dawk sostnuti minn Pioneer Hi-Bred International, Inc
(1) ĠU C 155, 7.7.2007
Full & Egal Universal Law Academy