EUR-Lex -  62008CA0016 - MT

1.8.2009   

MT

Il-Ġurnal Uffiċjali tal-Unjoni Ewropea

C 180/13

Sentenza tal-Qorti tal-Ġustizzja (Is-Sitt Awla) tal-11 ta’ Ġunju 2009 (talba għal deċiżjoni preliminari tal-Administratīvā apgabaltiesa — ir-Repubblika tal-Latvja) — Schenker SIA vs Valsts ieņēmumu dienests

(Kawża C-16/08) (1)

(Tariffa Doganali Komuni - Klassifika tat-tariffi - Nomenklatura magħquda - Apparat ta’ matriċi attiva ta’ kristall likwidu)

2009/C 180/21

Lingwa tal-kawża: Il-Latvjan

Qorti tar-rinviju

Administratīvā apgabaltiesa.

Partijiet fil-kawża prinċipali

Rikorrenti: Schenker SIA

Konvenuta: Valsts ieņēmumu dienests

Suġġett

Talba għal deċiżjoni preliminari — Administratīvā apgabaltiesa — Interpretazzjoni tar-Regolament tal-Kunsill (KEE) Nru 2658/87, tat-23 ta’ Lulju 1987, dwar in-nomenklatura tat-tariffa u l-istatistika u dwar it-Tariffa Doganali Komuni ta’ Dwana (ĠU L 256, p. 1) — Apparat ta’ matriċi attiva ta’ kristall likwidu (LCD) — Klassifikazzjoni fl-intestatura 8528 21 90 jew 9013 80 20 tan-nomenklatura magħquda — Oġġett li jippreżenta jew le l-karatteristiċi essenzjali ta’ prodott komplut jew mitmum.

Dispożittiv

Is-subintestatura 8528 21 90 tan-Nomenklatura Magħquda li tikkostitwixxi l-Anness I tar-Regolament tal-Kunsill (KEE) Nru 2658/87, tat-23 ta’ Lulju, 1987, dwar in-nomenklatura tat-tariffa u l-istatistika u dwar it-Tariffa Doganali Komuni ta’ Dwana, kif emendat bir-Regolament tal-Kummissjoni (KE) Nru 1789/2003, tal-11 ta’ Settembru 2003, għandha tiġi interpretata fis-sens li, fid-29 ta’ Diċembru 2004, l-imsemmija subintestatura ma kinitx tapplika għall-apparat ta’ matriċi attiva ta’ kristall likwidu (LCD) li huwa kompost prinċipalment mill-elementi li ġejjin:

—

żewġ folji tal-ħġieġ;

—

saff ta’ kristalli likwidi mdaħħla bejn il-folji;

—

signal drivers vertikali u orizzontali;

—

unità ta’ dawl minn wara l-iskrin;

—

power supply li jiġġenera vultaġġ għoli għall-unità ta’ dawl minn wara l-iskrin, u

—

ċentru ta’ kontroll — interface ta’ trażmissjoni ta’ data (PCB jew PWB tal-kontroll) li jassigura t-trażmissjoni sekwenzjali tad-data lil kull pixel (punt) tal-modulu LCD permezz ta’ teknoloġija speċifika — LVDS (sinjal differenzjali b’vultaġġ baxx).

(1)  ĠU C 92, 12.4.2008.

Full & Egal Universal Law Academy