18.12.2010
MT
Il-Ġurnal Uffiċjali tal-Unjoni Ewropea
C 346/3
Sentenza tal-Qorti tal-Ġustizzja (It-Tielet Awla) tal-21 ta’ Ottubru 2010 (talba għal deċiżjoni preliminari mir-Rechtbank ’s-Gravenhage — il-Pajjiżi l-Baxxi) — Latchways plc, Eurosafe Solutions BV vs Kedge Safety Systems BV, Consolidated Nederland BV
(Kawża C-185/08) (1)
(Direttiva 89/106/KEE - Prodotti għal bini - Direttiva 89/686/KEE - Apparat personali protettiv - Deċiżjoni 93/465/KEE - Marka KE - Apparat ta’ rbit kontra l-waqgħat mill-għoli waqt xogħlijet imwettqa fuq bjut - Standard EN 795)
2010/C 346/05
Lingwa tal-kawża: l-Olandiż
Qorti tar-rinviju
Rechtbank ’s-Gravenhage
Partijiet fil-kawża prinċipali
Rikorrenti: Latchways plc, Eurosafe Solutions BV
Konvenuti: Kedge Safety Systems BV, Consolidated Nederland BV
Suġġett
Talba għal deċiżjoni preliminari — Rechtbank ’s-Gravenhage — Interpretazzjoni tad-Direttivi tal-Kunsill 89/106/KEE, tal-21 ta’ Diċembru 1989 [1988], dwar l-approssimazzjoni ta’ liġijiet, regolamenti u dispożizzjonijiet amministrattivi tal-Istati Membri dwar il-prodotti għall-bini (ĠU Edizzjoni Speċjali bil-Malti, Kapitolu 13, Vol. 9, p. 296), tad-Direttiva 89/686/KEE, tal-21 ta’ Diċembru 1989, dwar l approssimazzjoni tal-liġijiet tal-Istati Membri rigward l-apparat personali protettiv (ĠU Edizzjoni Speċjali bil-Malti, Kapitolu 13, Vol. 10, p. 98) u tad- Deċiżjoni tal-Kunsill 93/465/KEE, tat-22 ta’ Lulju 1993, dwar il moduli għall-fażijiet diversi tal-proċeduri ta’ valutazzjoni tal-konformità u r-regoli għat-twaħħil u għall-użu tal-marka ta’ konformità “CE” li huma maħsubin sabiex jintużaw fid-direttivi ta’ armonizzazzjoni teknika (ĠU Edizzjoni Speċjali bil-Malti, Kapitolu 13, Vol. 12, p. 195) — Apparat ta’ rbit kontra l-waqgħat mill-għoli waqt xogħlijet imwettqa fuq bjut — Standard Ewropew EN 795
Dispożittiv
(1)
Id-dispożizzjonijiet tal-Istandard Ewropew EN 795 dwar l-apparat ta’ rbit ta’ klassi A1 ma jaqgħux taħt il-kamp ta’ applikazzjoni tad-Direttiva tal-Kunsill 89/686/KEE, tal-21 ta’ Diċembru 1989, dwar l-approssimazzjoni tal-liġijiet tal-Istati Membri rigward l-apparat personali protettiv, kif emendata bir-Regolament (KE) Nru°1882/2003 tal-Parlament Ewropew u tal-Kunsill, tad-29 ta’ Settembru 2003, għalhekk huma ma jagħmlux parti mill-qafas tad-dritt tal-Unjoni u, għaldaqstant, il-Qorti tal-Ġustizzja ma għandhiex ġurisdizzjoni sabiex tinterpretahom.
(2)
Apparat ta’ rbit, bħal dak inkwistjoni fil-kawża prinċipali, li ma huwiex maħsub sabiex jinżamm jew jintlibes mill-utent tiegħu ma jaqax taħt il kamp ta’ applikazzjoni tad-Direttiva 89/686, kif emendata bir-Regolament Nru 1882/2003, la inkwantu tali u lanqas minħabba l-fatt li huwa maħsub sabiex jitwaħħal ma’ apparat personali protettiv.
(3)
Apparat ta’ rbit, bħal dak inkwistjoni fil-kawża prinċipali, li huwa parti mix-xogħol ta’ bini li miegħu huwa mwaħħal sabiex jiggarantixxi s-sigurtà ta’ użu jew tal-operat tal-bejt ta’ dan ix-xogħol jaqa’ taħt il kamp ta’ applikazzjoni tad-Direttiva tal-Kunsill 89/106/KEE, tal-21 ta’ Diċembru 1989 [1988], dwar l-approssimazzjoni ta’ liġijiet, regolamenti u dispożizzjonijiet amministrattivi tal-Istati Membri dwar il-prodotti għall-bini, kif emendata bir-Regolament (KE) Nru 1882/2003.
(4)
Id-Deċiżjoni tal-Kunsill 93/465/KEE, tat-22 ta’ Lulju 1993, dwar il-moduli għall-fażijiet diversi tal-proċeduri ta’ valutazzjoni tal-konformità u r-regoli għat-twaħħil u għall-użu tal-marka ta’ konformità “CE” li huma maħsubin sabiex jintużaw fid-direttivi ta’ armonizzazzjoni teknika tipprekludi li titwaħħal, fuq bażi fakultattiva, il-marka “CE” fuq prodott li ma jaqax taħt il-kamp ta’ applikazzjoni tad-direttiva li taħtha hija tiġi mwaħħla, minkejja li dan il-prodott jissodisfa r-rekwiżiti tekniċi definiti minnha.
(1) ĠU C 197, 02.08.2008.
Full & Egal Universal Law Academy