Sentenza tal-Qorti tal-Ġustizzja (It-Tielet Awla) tal-24 ta’ Ġunju 2010 – Il‑Kummissjoni vs L-Italja
(Kawża C-571/08)
“Nuqqas ta’ Stat li jwettaq obbligu – Direttiva 95/59/KE – Taxxi oħra għajr it-taxxi fuq id-dħul mill-bejgħ li jolqtu l-konsum tat-tabakk immanifatturat – Artikolu 9(1) – Iffissar liberu tal-manifatturi u tal-importaturi tal-prezzijiet massimi tal-bejgħ bl-imnut tal-prodotti tagħhom – Leġiżlazzjoni nazzjonali li timponi prezz minimu ta’ bejgħ bl-imnut tas-sigaretti – Ġustifikazzjoni – Protezzjoni tas-saħħa pubblika”
Dispożizzjonijiet fiskali - Armonizzazzjoni tal-liġijiet - Taxxi oħra għajr it-taxxi fuq id-dħul mill-bejgħ imposti fuq il-konsum tat-tabakk immanifatturat (Direttiva tal-Kunsill 95/59, Artikolu 9(1)) (ara l-punti 39, 40, 43, 47-52)
Suġġett
Nuqqas ta’ Stat li jwettaq obbligu - Ksur tal-Artikolu 9 tad-Direttiva tal-Kunsill 95/59/KE, tas-27 ta’ Novembru 1995, dwar taxxi li mhumiex taxxi fuq il-qliegħ li jaffettwaw il-konsum ta’ tabakk manifatturat (ĠU Edizzjoni Speciali bil-Malti, Kapitolu 9, Vol. 1, p. 283) - Iffissar ta’ prezzijiet minimi - Omologazzjoni tal-prezzijiet.
Dispożittiv
1)
Billi imponiet prezz minimu ta’ bejgħ għas-sigaretti, ir-Repubblika Taljana naqset milli twettaq l-obbligi tagħha taħt l-Artikolu 9(1) tad-Direttiva tal-Kunsill 95/59/KE, tas-27 ta’ Novembru 1995 dwar taxxi li mhumiex taxxi fuq il-qliegħ li jaffettwaw il-konsum ta’ tabakk manifatturat, hekk kif emendata bid-Direttiva tal-Kunsill 2002/10/KE, tat-12 ta’ Frar 2002.
2)
Ir-Repubblika Taljana hija kkundannata għall-ispejjeż.
Full & Egal Universal Law Academy