12.4.2008
MT
Il-Ġurnal Uffiċjali ta’ l-Unjoni Ewropea
C 92/19
Talba għal deċiżjoni preliminari magħmula mit-Tallinna Halduskohus (L-Estonja) fit-13 ta' Frar 2008 — Pärlitigu OÜ vs Maksu- ja Tolliameti Põhja maksu- ja tollikeskus
(Kawża C-56/08)
(2008/C 92/36)
Lingwa tal-kawża: L-Estonjan
Qorti tar-rinviju
Tallinna Halduskohus
Partijiet fil-kawża prinċipali
Rikorrenti: Pärlitigu OÜ
Konvenut: Maksu- ja Tolliameti Põhja maksu- ja tollikeskus
Domandi preliminari
1)
In-Nomenklatura Magħquda tat-Tariffa Doganali Komuni li tifforma l-Anness I tar-Regolament tal-Kunsill (KEE) Nru 2658/87 (1), tat-23 ta' Lulju 1987, dwar in-nomenklatura tat-tariffa u l-istatistika u dwar it-Tariffa Doganali Komuni ta' Dwana għandha tiġi interpretata fis-sens li għadam tas-sinsla ffriżat (għadam bil-laħam tal-ħut) ta' salamun ta' l-Atlantiku mrobbi (Salmo salar), miksub wara li l-ħut jinqata' f'qatgħat, adegwat għall-konsum mill-bniedem u normalment ikkummerċjalizzat bħala ikel, jaqa' taħt
(a)
is-subintestatura 0511 91 10, “fdal tal-ħut”,
jew
(b)
is-subintestatura 0303 22 00 15, “Salamun ta' l-Atlantiku (Salmo salar) — oħrajn — oħrajn”?
2)
Jekk ir-risposta għad-domanda 1 hija l-alternattiva (b), it-tabella fl-Artikolu 1(5) tar-Regolament tal-Kunsill (KE) Nru 85/2006 (2), tas-17 ta' Jannar 2006, li jimponi dazju definittiv kontra d-dumping u jiġbor definittivament id-dazju provviżorju impost fuq importazzjonijiet ta' salamun imrobbi li joriġina min-Norveġja, hija nulla peress li tmur kontra l-prinċipju ta' proporzjonalità stabbilit fl-Artikolu 5 tat-Trattat KE safejn, skond din it-talbella, il-prezz ta' importazzjoni minimu stabbilit għas-sinsli ta' salamun iffriżati huwa ogħla mill-prezz ta' importazzjoni minimu għal ħut sħiħ u ħut bir-ras imsewwi?
(1) ĠU 1987 L 256, p. 1.
(2) ĠU 2006 L 15, p. 1.
Full & Egal Universal Law Academy