9.2.2013
MT
Il-Ġurnal Uffiċjali tal-Unjoni Ewropea
C 38/18
Sentenza tal-Qorti Ġenerali tat-13 ta’ Diċembru 2012 — Versalis u Eni vs Il-Kummissjoni
(Kawża T-103/08) (1)
(Kompetizzjoni - Akkordji - Suq tal-Gomma Chloroprene - Deċiżjoni li tikkonstata ksur tal-Artikolu 81 KE - Iffissar tal-prezzijiet u tqassim tas-suq - Imputabbiltà tal-aġir li jikkostitwixxi ksur - Obbligu ta’ motivazzjoni - Drittijiet tad-difiża - Prova tal-parteċipazzjoni fl-akkordju - Ksur uniku u kontinwu - Multi - Gravità u tul tal-ksur - Reċidiva - Effett dissważiv - Ċirkustanzi attenwanti - Limitu massimu ta’ 10 % tad-dħul mill-bejgħ - Kooperazzjoni - Komunikazzjoni dwar il-kooperazzjoni tal-2002 - Ugwaljanza fit-trattament - Proporzjonalità)
2013/C 38/28
Lingwa tal-kawża: it-Taljan
Partijiet
Rikorrenti: Versalis SpA, li qabel kienet Polimeri Europa SpA (Brindisi, l-Italja); u Eni SpA (Ruma, l-Italja) (rappreżentanti: inizjalment M. Siragusa, G.M. Roberti, F. Moretti, I. Perego, F. Cannizzaro, V. Ruotolo, V. Larocca u D. Durante, sussegwentement M. Siragusa, G.M. Roberti, F. Moretti, I. Perego, F. Cannizzaro, V. Larocca u D. Durante, avukati)
Konvenuta: Il-Kummissjoni Ewropea (rappreżentanti: V. Di Bucci, G. Conte u V. Bottka, aġenti)
Suġġett
Prinċipalment, talba għal annullament parzjali tad-Deċiżjoni tal-Kummissjoni C(2007) 5910 finali, tal-5 ta’ Diċembru 2007, dwar proċedura skont l-Artikolu 81 [KE] u l-Artikolu 53 tal-Ftehim ŻEE (Każ COMP/F/38.629 — Gomma Chloroprene), sa fejn din tikkonċerna r-rikorrenti, u, sussidjarjament, talba għall-annullament jew għat-tnaqqis tal-ammont tal-multa imposta in solidum fuq ir-rikorrenti permezz ta’ din id-deċiżjoni.
Dispożittiv
(1)
L’ammont tal-multa imposta in solidum lil Eni SpA u lil Versalis SpA, għall-ksur ikkonstatat fl-Artikolu 1(d) tad-Deċiżjoni tal-Kummissjoni C(2007) 5910 finali, tal-5 ta’ Diċembru 2007, dwar proċedura skont l-Artikolu 81 [KE] u l-Artikolu 53 tal-Ftehim ŻEE (Każ COMP/F/38.629 — Gomma Chloroprene), hija ffissata għal EUR 106 200 000.
(2)
Il-kumplament tar-rikors huwa miċħud.
(3)
Eni u Versalis għandhom ibatu 80 % tal-ispejjeż tagħhom kif ukoll 80 % tal-ispejjeż tal-Kummissjoni Ewropea. Il-Kummissjoni għandha tbati 20 % tal-ispejjeż tagħha kif ukoll 20 % tal-ispejjeż ta’ Eni u ta’ Versalis.
(1) ĠU C 92, 12.04.2008.
Full & Egal Universal Law Academy