7.6.2008
MT
Il-Ġurnal Uffiċjali ta’ l-Unjoni Ewropea
C 142/33
Rikors ippreżentat fit-3 ta' April 2008 — Cavankee Fishing et vs Il-Kummissjoni
(Kawża T-138/08)
(2008/C 142/61)
Lingwa tal-kawża: L-Ingliż
Partijiet
Rikorrenti: Cavankee Fishing Co. Ltd (Lifford, l-Irlanda), Ocean Trawlers Limited (Killybegs, l-Irlanda), Mullglen Limited (Balbriggan, l-Irlanda), Eamon McHugh (Killybegs, l-Irlanda), Joseph Doherty (Burtonport, l-Irlanda), Brendan Gill (Lifford, l-Irlanda), Eileen Oglesby (Burtonport, l-Irlanda), Noel McGing (Killybegs, l-Irlanda), Larry Murphy (Castletownbere, l-Irlanda), Thomas Flaherty (Aran Islands, l-Irlanda), Pauric Conneely (Claregalway, l-Irlanda), Island Trawlers Limited (Killybegs, l-Irlanda), Cathal Boyle (Killybegs, l-Irlanda), Eugene Hannigan (Milford, l-Irlanda), Peter McBride (Downings, l-Irlanda), Hugh McBride (Downings, l-Irlanda), Patrick Fitzpatrick (Aran Islands, l-Irlanda), Patrick O'Malley (Galway, l-Irlanda), Cecil Sharkey (Clogherhead, l-Irlanda) (rappreżentanti: A. Collins, SC, N. Travers, barrister, D. Barry, solicitor)
Konvenuta: Il-Kummissjoni tal-Komunitajiet Ewropej
Talbiet tar-rikorrenti
—
tikkundanna l-Kummissjoni tħallas bħala kumpens tad-dannu lil kull rikkorent is-somom li ġejja (esklużi l-interessi), miżjuda bl-ispejjeż ta' self, li dwarhom informazzjoni iktar iddettaljata ser tiġi pprovduta matul is-seduta:
Pelaġiku
— Cavankee Fishing Company EUR 2 748 276,00
— Ocean Trawlers Ltd EUR 6 740 000,00
— Mullglen Ltd. EUR 2 690 000,00
— Eamon McHugh EUR 3 036 187,00
— Joseph Doherty EUR 2 640 408,00
— Brendan Gill EUR 2 717 665,00
— Eileen Oglesby EUR 2 994 349,00
— Noel McGing EUR 2 444 000,00
— Larry Murphy EUR 4 150 000,00
— Thomas Flaherty EUR 2 140 000,00
— Pauric Conneely EUR 1 930 000,00
Polivalenti
— Island Trawlers Limited EUR 672 000,00
— Cathal Boyle EUR 651 200,00
— Eugene Hannigan EUR 125 000,00
— Peter McBride EUR 106 848,00
— Hugh McBride EUR 106 848,00
— Partick Fitzpatrick EUR 177 573,00
— Patrick O'Malley
(a) “Capal Ban” EUR 205 698,00
(b) “Capal Or” EUR 496 800,00
— Cecil Sharkey EUR 205 697,88
—
tikkundanna l-Kummissjoni għall-ispejjeż
Motivi u argumenti prinċipali
F'din il-kawża, ir-rikorrenti qed jippreżentaw rikors għal responsabbiltà mhux kuntrattwali minħabba telf li huma jiddikjaraw li soffrew bħala riżultat tad-Deċiżjoni tal-Kummissjoni 2003/245/KE, ta' l-4 ta' April 2003, fuq it-talbiet imressqa mill-Istati Membri (1) safejn hija ċaħdet it-talbiet ippreżentati mill-Irlanda dwar il-vapuri tar-rikorrenti. Din id-deċiżjoni kienet parzjalment annullata permezz tas-sentenza tal-Qorti tal-Prim'Istanza tat-13 ta' Ġunju 2006 (2).
Sabiex isostnu l-allegazzjonijiet tagħhom, ir-rikorrenti jiddikjaraw li, billi adottat id-deċiżjoni annullata, il-Kummissjoni kisret diversi regoli superjuri ta' dritt li għandhom bħala għan li jagħtu drittijiet lill-individwi, billi kisret b'mod manifest u gravi l-limiti tas-setgħa diskrezzjonali mogħtija lill-Kummissjoni permezz ta' l-Artikolu 4(2) tad-Deċiżjoni 97/413/KE (3), kif deċiż mill-Qorti tal-Prim'Istanza fil-kawżi magħquda T-218/03 sa T-240/03. Ir-rikorrenti jallegaw li l-Kummissjoni kisret ukoll il-prinċipju ta' trattament ugwali, il-prinċipju ta' premura solleċitudni u ta' amministrazzjoni tajba, il-libertà ta' eżerċizzju ta' attivitajiet professjonali, u l-prinċipju ta' proporzjonalità. Huma jiddikjaraw li, f'ċirkustanzi tali, is-sempliċi ksur tad-dritt Komunitarju huwa ksur suffiċjentement serju tad-dritt.
Ir-rikorrenti jallegaw barra minn dan li huma soffrew, u għadhom isofru, telf u dannu sinjifikanti bħala konsegwenza diretta ta' l-adozzjoni mill-Kummissjoni tad-deċiżjoni annullata, billi huma kellhom jakkwistaw tunnellaġġ fuq is-suq sabiex jissostitwixxu t-tunnellaġġ ta' sigurtà mitlub iżda mhux mogħti, u li ċerti minnhom ukoll soffrew telf li jirriżulta mit-tnaqqis tan-numru ta' ġranet fil-baħar. Għaldaqstant, ir-rikorrenti ddikjaraw li d-dannu tagħhom huwa reali u ċert.
Sabiex jippruvaw ir-rabta kawżali bejn l-imġiba u d-dannu invokat, ir-rikorrenti jiddikjaraw li, jekk il-Kummissjoni ma aġixxitx b'mod illegali meta rrifjutat li teżamina b'mod xieraq it-talbiet tagħhom ta' tunnellaġġ ta' sigurtà, ebda wieħed minnhom ma kien ikollu jakkwista tunnellaġġ addizzjonali.
(1) Deċiżjoni C(2003)1113 finali dwar it-talbiet irċevuti mill-Kummissjoni sabiex iżżid l-objettivi tar-raba' programm ta' linji gwida pluriannwali (POP IV) bl-għan li jtejbu s-sigurtà, in-navigazzjoni fil-baħar, l-iġjene, il-kwalità tal-prodott u kundizzjonijiet ta' xogħol għal dgħajjes ta' tul approsimattiv ta' iktar minn 12-il metru (ĠU L 90, p. 48).
(2) Sentenza tal-Qorti tal-Prim'Istanza, tat-13 ta' Ġunju 2006, Boyle vs Il-Kummissjoni (T-218/03 sa T-240/03, Ġabra p. II-1699).
(3) Deċiżjoni tal-Kunsill, tas-26 ta' Ġunju 1997, dwar l-objettivi u l-modalitajiet intiżi sabiex jirristrutturaw, għall-perijodu bejn l-1 ta' Jannar 1997 sal-31 ta' Diċembru 2001, is-settur tas-sajd Komunitarju bl-għan li jintlaħaq ekwilibru sostenibbli bejn ir-riżorsi u l-użu tagħhom (ĠU L 175, p. 27).
Full & Egal Universal Law Academy