5.7.2008
MT
Il-Ġurnal Uffiċjali ta’ l-Unjoni Ewropea
C 171/47
Rikors ippreżentat fis-16 ta' Mejju 2008 — Schuhpark Fascies. vs L-UASI — Leder & Schuh (jello SCHUHPARK)
(Kawża T-183/08)
(2008/C 171/89)
Lingwa tar-rikors: Il-Ġermaniż
Partijiet
Rikorrenti: Schuhpark Fascies GmbH (Warendorf, il-Ġermanja) (rappreżentanti: A. Peter u J. Braune, Rechtsanwälte)
Konvenut: L-Uffiċċju għall-Armonizzazzjoni fis-Suq Intern (Trade marks u Disinni)
Parti oħra quddiem il-Bord ta' l-Appell: Leder & Schuh AG (Graz, l-Awstrija)
Talbiet tar-rikorrenti
—
tannulla d-deċiżjoni tar-Raba' Bord ta' l-Appell ta' l-Uffiċċju għall-Armonizzazzjoni fis-Suq Intern (Trade marks u Disinni) tat-13 ta' Marzu 2008, Każ R 1560/2006-4;
—
tikkundanna lill-konvenut għall-ispejjeż tal-proċeduri.
Motivi u argumenti prinċipali
Applikant għat-trade mark Komunitarja: Leder & Schuh AG
Trade mark Komunitarja kkonċernata: trade mark verbali u figurattiva “jello SCHUHPARK” għal prodotti fil-klassijiet 1, 3, 9, 14, 16, 18, 21, 24-26 u 28 (applikazzjoni Nru 1 269 372)
Proprjetarju tat-trade mark jew tas-sinjal invokat in sostenn ta' l-oppożizzjoni: ir-rikorrenti
Trade mark jew sinjal invokat in sostenn ta' l-oppożizzjoni: it-trade mark verbali Ġermaniż “Schuhpark” għal prodotti fil-klassi 25 (Nru 1 007 149), fir-rigward ta' l-oppożizzjoni għar-reġistrazzjoni fil-klassijiet 18, 21, 25 u 26
Deċiżjoni tad-Diviżjoni ta' l-Oppożizzjoni: tilqa' parzjalment l-oppożizzjoni u tiċħad parzjalment it-talba
Deċiżjoni tal-Bord ta' l-Appell: tannulla d-deċiżjoni kkontestata u tiċħad l-oppożizzjoni
Motivi invokati: Ksur tat-tieni sentenza ta' l-Artikolu 43(2) u ta' l-Artikolu 43(3) tar-Regolament Nru 40/94 (1), kif ukoll tat-tieni sentenza tar-Regola 22(2) tar-Regolament (KE) Nru 2868/95 (2), billi r-rikorrenti ġabet prova suffiċjenti ta' l-użu ġenwin tat-trade mark opponenti.
(1) Regolament tal-Kunsill (KE) Nru 40/94, ta' l-20 ta' Diċembru 1993, dwar it-trade mark Komunitarja (ĠU L 11, 1994, p. 1).
(2) Regolament tal-Kummissjoni (KE) Nru 2868/95, tat-13 ta' Diċembru 1995, li jimplimenta r-Regolament tal-Kunsill (KE) Nru 40/94 dwar it-trade mark tal-Komunità (ĠU L 303, p. 1).
Full & Egal Universal Law Academy