Digriet tal-Qorti tal-Prim’Istanza (Is-Seba’ Awla) tal-5 ta’ Ottubru 2009 – Landesanstalt für Medien Nordrhein-Westfalen vs Il-Kummissjoni
(Kawża T-2/08)
“Rikors għal annullament – Għajnuna mill-Istat – Nuqqas ta’ interess individwali – Inammissibbiltà”
Rikors għal annullament - Persuni fiżiċi jew ġuridiċi - Atti li jikkonċernawhom direttament u individwalment - Deċiżjoni tal-Kummissjoni li tikkonstata l‑inkompatibbiltà ta’ għajnuna mas-suq komuni - Rikors ippreżentat minn awtorità li tifforma parti integrali mill-Istat, li ma għandhiex awtonomija finanzjarja u li hija suġġetta għall-kontroll mill-istat - Inammissibbiltà (ir-raba’ paragrafu tal-Artikolu 230 KE) (ara l-punti 31, 38, 42)
Suġġett
Talba għall-annullament tad-Deċiżjoni tal-Kummissjoni 2008/708/KE, tat-23 ta’ Ottubru 2007, dwar l-għajnuna mill-Istat C 34/06 (eks N 29/05 u eks CP 13/04), li r-Repubblika Federali tal-Ġermanja trid tagħti għall-introduzzjoni tat-televiżjoni diġitali terrestri (DVB-T) fin-North Rhine-Westphalia (ĠU 2008, L 236, p. 10).
Dispożittiv
1)
Ir-rikors huwa miċħud bħala inammissibbli.
2)
Il-Landesanstalt für Medien Nordrhein-Westfalen għandha tbati l-ispejjeż tagħha kif ukoll dawk tal-Kummissjoni tal-Komunitajiet Ewropej.
3)
Ir-Repubblika Federali tal-Ġermanja għandha tbati l-ispejjeż tagħha.
Full & Egal Universal Law Academy