17.7.2010
MT
Il-Ġurnal Uffiċjali tal-Unjoni Ewropea
C 195/15
Talba għal deċiżjoni preliminari mressqa mir-Regeringsrätten (l-Isveżja) fil-25 ta’ Mejju 2010 — Försäkringskässan vs Elisabeth Bergström
(Kawża C-257/10)
2010/C 195/22
Lingwa tal-kawża: l-Isvediż
Qorti tar-rinviju
Regeringsrätten
Partijiet fil-kawża prinċipali
Rikorrenti: Försäkringskässan
Konvenuta: Elisabeth Bergström
Domandi preliminari
(1)
Skont id-dritt tal-Unjoni, b’mod partikolari l-Ftehim mal-Isvizzera dwar il-moviment liberu tal-persuni u l-Artikolu 72 tar-Regolament Nru 1408/71 (1), jista’ perijodu ta’ kwalifika għal benefiċċju tal-familja fil-forma ta’ benefiċċju għall-kura tat-tfal bbażat fuq id-dħul jiġi kkompletat kollu kemm hu permezz ta’ impjieg u assigurazzjoni fl-Isvizzera?
(2)
Skont id-dritt tal-Unjoni, b’mod partikolari, il-Ftehim mal-Isvizzera dwar il-moviment liberu tal-persuni u l-Artikoli 3(1) u 72 tar-Regolament Nru 1408/71, dħul magħmul fl-Isvizzera għandu jitqabbel ma’ dħul domestiku fid-determinazzjoni tad-dritt għal benefiċċju tal-familja fil-forma ta’ benefiċċju għall-kura tat-tfal bbażat fuq id-dħul?
(1) ĠU Edizzjoni Speċjali bil-Malti, Kapitolu 5, Vol. 1. p. 35.
Full & Egal Universal Law Academy