17.4.2010
MT
Il-Ġurnal Uffiċjali tal-Unjoni Ewropea
C 100/70
Rikors ippreżentat fid-29 ta’ Jannar 2010 — Hecq vs Il-Kummissjoni
(Kawża F-10/10)
2010/C 100/103
Lingwa tal-kawża: il-Franċiż
Partijiet
Rikorrent: André Hecq (Chaumont-Gistoux, il-Belġju) (rappreżentant: L. Vogel, avukat)
Konvenuta: Il-Kummissjoni Ewropeja
Suġġett u deskrizzjoni tal-kawża
L-annullament tad-deċiżjoni tal-Kummissjoni li tiċħad talba ta’ rimbors ta’ 100 % ta’ spejjeż mediċi diversi.
Talbiet tar-rikorrent
—
jannulla d-deċiżjoni impliċita li l-Awtorità tal-Ħatra hija preżunta li adottat fis-7 ta’ April 2009, li tiċħad it-talba tar-rikorrent, tas-7 ta’ Diċembru 2008, li biha huwa talab ir-rimbors kollu, skont l-Artikolu 73 tar-Regolamenti tal-Persunal, ta’ tliet prestazzjonijiet ta’ servizzi mediċi, jiġifieri konsulta ma’ psikjatra, fis-6 ta’ Ottubru 2008, prodotti mediċinali preskritti mill-istess psikjatra u mogħija lir-rikorrent fil-21 ta’ Ottubru 2008 kif ukoll konsulta ma’ tabib fl-1 ta’ Diċembru 2008;
—
sa fejn huwa neċessarju, jannulla d-deċiżjoni adottata mill-Awtorità tal-Ħatra fl-20 ta’ Ottubru 2009, li biha inċaħad l-ilment tar-rikorrent magħmul fil-25 ta’ Ġunju 2009, kontra l-imsemmija deċiżjoni impliċita tas-7 ta’ April 2009;
—
jikkundanna lill-Kummissjoni Ewropea għall-ispejjeż.
Full & Egal Universal Law Academy