4.2.2012
MT
Il-Ġurnal Uffiċjali tal-Unjoni Ewropea
C 32/25
Sentenza tal-Qorti Ġenerali tal-14 ta’ Diċembru 2011 — Il-Kummissjoni vs Vicente Carbajosa et
(Kawża T-6/11 P) (1)
(Appell - Servizz pubbliku - Uffiċjali - Reklutaġġ - Avviż ta’ kompetizzjoni - Kompetizzjoni ġenerali - Esklużjoni mill-parteċipazzjoni fl-eżami bil-miktub wara r-riżultat miksub fit-test tal-aċċess - Tqassim tal-kompetenzi bejn l-EPSO u l-Bord tal-Għażla - Prinċipju ta’ kontradittorju)
2012/C 32/52
Lingwa tal-kawża: il-Franċiż
Partijiet
Appellanti: Il-Kummissjoni Ewropea (rappreżentanti: J. Currall u B. Eggers, aġenti)
Partijiet oħra fil-proċeduri: Isabel Vicente Carbajosa (Brussell, il-Belġju); Niina Lehtinen (Brussell); u Myriam Menchén (Brussell) (rappreżentanti: S. Orlandi, A. Coolen, J.-N. Louis, E. Marchal u D. Abreu Caldas, avukati)
Suġġett
Appell mis-sentenza tat-Tribunal għas-Servizz Pubbliku tal-Unjoni Ewropea (L-Ewwel Awla) tat-28 ta’ Ottubru 2010, Vicente Carbajosa et vs Il-Kummissjoni (F-9/09, li għadha ma ġietx ippubblikata fil-Ġabra), u intiż għall-annullament parzjali ta’ din is-sentenza.
Dispożittiv
(1)
Is-sentenza tat-Tribunal għas-Servizz Pubbliku tal-Unjoni Ewropea tat-28 ta’ Ottubru 2010, Vicente Carbajosa et vs Il-Kummissjoni (F-9/09), hija annullata sa fejn tannulla d-deċiżjonijiet tal-Uffiċċju Ewropew għas-Selezzjoni tal-Persunal (EPSO) li I. Vicente Carbajosa fir-rigward tal-kompetizzjoni EPSO/AD/117/08 u N. Lehtinen u M. Menchén fir-rigward tal-kompetizzjoni EPSO/AD/116/08 ma jiġux inklużi fil-lista ta’ kandidati mistiedna jissottomettu applikazzjoni kompleta.
(2)
Id-deċiżjonijiet tal-EPSO li I. Vicente Carbajosa fir-rigward tal-kompetizzjoni EPSO/AD/117/08 u N. Lehtinen u M. Menchén fir-rigward tal-kompetizzjoni EPSO/AD/116/08 ma jiġux inklużi fil-lista ta’ kandidati mistiedna jissottomettu applikazzjoni kompleta huma annullati.
(3)
I. Vicente Carbajosa, N. Lehtinen, M. Menchén u l-Kummissjoni Ewropea għandhom ibatu l-ispejjeż tagħhom relatati ma’ din l-istanza.
(1) ĠU C 72, 5.3.2011.
Full & Egal Universal Law Academy