9.3.2013
MT
Il-Ġurnal Uffiċjali tal-Unjoni Ewropea
C 71/29
Rikors ippreżentat fit-2 ta’ Novembru 2012 — ZZ vs Il-Parlament
(Kawża F-130/12)
2013/C 71/51
Lingwa tal-kawża: il-Franċiż
Partijiet
Rikorrent: ZZ (rappreżentanti: B. Cortese u A. Salerno, avukati)
Konvenut: Il-Parlament Ewropew
Suġġett
L-annullament tad-deċiżjoni li tiċħad l-għoti ta’ allowance doppja għall-ulied dipendenti skont l-Artikolu 67(3) tar-Regolamenti tal-Persunal.
Talbiet tar-rikorrent
—
jannulla d-deċiżjoni tal-Kap tal-Unità tad-Drittijiet Individwali tal-4 ta’ Awwissu 2008, li tillimita d-dritt tar-rikorrent għall-għoti ta’ allowance doppja għall-ulied dipendenti għall-kundizzjoni li “l-ispejjeż speċifiċi kollha rikjesti min-natura tad-diżabbiltà u li jkunu għadhom jinkombu fuq” ir-rikorrent ikunu ta’ iktar minn EUR 333,19 fix-xahar, kif ukoll id-deċiżjoni tal-24 ta’ Ottubru 2008 tal-Kap tal-Unità tad-Drittijiet Individwali, li f’dan il-każ tirrifjuta l-għoti ta’ allowance doppja, kif dawn ġew ikkonfermati wara l-ftuħ mill-ġdid tal-fajl permezz tad-deċiżjoni tal-Kap tal-Unità tad-Drittijiet Individwali tal-5 ta’ Diċembru 2011, li min-naħa tagħha ġiet ikkonfermata permezz tad-deċiżjoni tal-20 ta’ Lulju 2012 tas-Segretarjat Ġenerali tal-Parlament Ewropew, li tiċħad l-ilment tar-rikorrent, innotifikat lil dan tal-aħħar fit-23 ta’ Lulju 2012;
—
tikkundanna lil Parlament Ewropew għall-ispejjeż.
Full & Egal Universal Law Academy