2.3.2015
MT
Il-Ġurnal Uffiċjali tal-Unjoni Ewropea
C 73/7
Sentenza tal-Qorti tal-Ġustizzja (It-tmien Awla) tal-15 ta’ Jannar 2015 (talba għal deċiżjoni preliminari tal-Oberster Patent- und Markensenat – l-Awstrija) – Arne Forsgren vs Österreichisches Patentamt
(Kawża C-631/13) (1)
((Rinviju għal deċiżjoni preliminari - Prodotti mediċinali għall-użu mill-bniedem - Ċertifikat ta’ protezzjoni supplimentari - Regolament (KE) Nru 469/2009 - Kunċett ta’ “ingredjent attiv” - Vaċċin konjugat ta’ polysaccharide pnewmokokkali - Użu pedjatriku - Proteina carrier - Rabta kovalenti))
(2015/C 073/09)
Lingwa tal-kawża: il-Ġermaniż
Qorti tar-rinviju
Oberster Patent- und Markensenat
Partijiet fil-kawża prinċipali
Rikorrent: Arne Forsgren
Konvenuta: Österreichisches Patentamt
Dispożittiv
1)
L-Artikoli 1(b) u 3(a) tar-Regolament (KE) Nru 469/2009 tal-Parlament Ewropew u tal-Kunsill, tas-6 ta’ Mejju 2009, dwar iċ-ċertifikat ta’ protezzjoni supplimentari għal prodotti mediċinali, għandhom jiġu interpretati fis-sens li ma jipprekludux, bħala prinċipju, il-ħruġ ta’ ċertifikat ta’ protezzjoni supplimentari għal ingredjent attiv meta dan l-ingredjent huwa f’rabta kovalenti ma ingredjenti attivi oħra li jifformaw il-kompożizzjoni ta’ prodott mediċinali.
2)
L-Artikolu 3(b) tar-Regolament Nru 469/2009 għandu jiġi interpretat fis-sens li jipprekludi l-ħruġ ta’ ċertifikat ta’ protezzjoni supplimentari għal ingredjent attiv li l-effett terapewtiku tiegħu ma huwiex inkluż fost l-indikazzjonijiet terapewtiċi koperti mill-kliem tal-awtorizzazzjoni ta’ tqegħid fis-suq.
3)
L-Artikolu 1(b) tar-Regolament Nru 469/2009 għandu jiġi interpretat fis-sens li proteina carrier kkonjugata ma antiġenu polysaccharidi permezz ta’ rabta kovalenti tista’ tiġi kklassifikata bħala “ingredjent attiv”, fis-sens ta’ din id-dispożizzjoni, biss jekk jiġi stabbilit li din tipproduċi effett farmakoloġiku, immunoloġiku jew metaboliku indipendenti kopert mill-indikazzjonijiet terapewtiċi tal-awtorizzazzjoni ta’ tqegħid fis-suq, u li hija l-qorti tar-rinviju li għandha tivverifika dan fid-dawl tal-fatti kollha li jikkaratterizzaw it-tilwima fil-kawża prinċipali.
(1) ĠU C 61, 01.03.2014.
Full & Egal Universal Law Academy