15.2.2014
MT
Il-Ġurnal Uffiċjali tal-Unjoni Ewropea
C 45/41
Rikors ippreżentat fis-16 ta’ Diċembru 2013 — K Chimica vs ECHA
(Kawża T-675/13)
2014/C 45/72
Lingwa tal-kawża: it-Taljan
Partijiet
Rikorrenti: K Chimica Srl (Mirano (VE), l-Italja) (rappreżentanti: R. Buizza u M. Rota, avukati)
Konvenuta: L-Aġenzija Ewropea għas-Sustanzi Kimiċi (ECHA)
Talbiet tar-rikorrenti
—
tannulla d-Deċiżjoni tal-ECHA (2013)3665, tal-15 ta’ Ottubru 2013, u tirrikonoxxi lil K Chimica l-istatus ta’ impriża ta’ daqs żgħir jew medju;
—
tapplika t-tnaqqis ta’ dħul previst għall-impriżi ta’ daqs żgħir jew medju;
—
tannulla l-fattura Nru 10029302 ta’ EUR 9 300 mitluba bħala differenza dovuta għad-dħul mit-taxxa sħiħa applikata fuq K Chimica,
—
tannulla s-sanzjoni amministrattiva ta’ ammont ta’ EUR 19 900 imposta mill-ECHA skont il-fattura Nru 10043954.
Motivi u argumenti prinċipali
Insostenn tar-rikors tagħha, ir-rikorrenti tinvoka żewġ motivi.
(1)
L-ewwel motiv huwa bbażat fuq l-interpretazzjoni tar-Rakkomandazzjoni tal-Kummissjoni 2003/361/KE, dwar id-definizzjoni ta’ impriżi mikro, żgħar u medji.
(i)
F’dan ir-rigward, ir-rikorrenti ssostni li, għall-finijiet tal-klassifikazzjoni fil-kategorija ta’ impriżi ta’ daqs żgħir jew medju, għandu jiġi vverifikat jekk l-impriża kkonċernata hijiex impriża awtonoma jew jekk tidħolx f’grupp ta’ impriżi. Skont l-irwol eżerċitat mill-impriża kkonċernata, hemm bżonn li tittieħed inkunsiderazzjoni d-data finanzjarja tal-impriżi tal-grupp u, b’mod partikolari, dik tal-impriżi “msieħba” u dik tal-impriżi “relatati”.
(ii)
Fir-rigward ta’ dan is-suġġett, hija ssostni li, skont ir-regola bażika għall-evalwazzjoni tad-dimensjoni tal-impriża kkonċernata, mad-data għandhom jiżdiedu:
(i)
Id-data ta’ impriżi eventwali msieħba tal-impriża kkonċernata, li jinsabu mill-ewwel qabilha jew waraha, b’mod ugwali għas-sehem fil-kapital jew għall-perċentwali tad-drittijiet għal vot. Mad-data tal-impriżi msieħba mal-impriża kkonċernata mill-kalkoli, għandu jiżdied 100 % tad-data ta’ impriżi “relatati” eventwali mal-imsemmija impriżi “msieħba”,
(ii)
100 % tad-data tal-impriżi eventwali direttament jew indirettament “marbuta” mal-impriża kkonċernata. Mal-100 % tad-data tal-impriżi marbuta mal-impriża kkonċernata, għandu jiżdied, b’mod ugwali għas-sehem fil-kapital jew għall-perċentwal tad-drittijiet għal vot, id-data ta’ impriżi msieħba eventwali tal-impriżi marbuta mal-impriża kkonċernata, li jinsabu mill-ewwel qabilha jew waraha.
(2)
It-tieni motiv huwa bbażat fuq l-assenza ta’ rikonoxximent ta’ K Chimica bħala impriża ta’ daqs żgħir jew medju
—
F’dan ir-rigward, ir-rikorrenti ssostni, fuq il-bażi tal-Artikolu 6 tal-Anness tar-Rakkomandazzjoni, li d-data rilevanti li tippermetti li K Chimica tiġi kklassifikata bħala impriża ta’ daqs żgħir jew medju huma s-segwenti:
(i)
100 % tad-data ta’ K Chimica;
(ii)
100 % tad-data ta’ I.C.B S.r.l;
(iii)
40 % tad-data ta’ Medini Ltd;
(iv)
36.66 % tad-data ta’ ALO Immobilien GmbH.
Full & Egal Universal Law Academy