28.7.2014
MT
Il-Ġurnal Uffiċjali tal-Unjoni Ewropea
C 245/2
Talba għal deċiżjoni preliminari mressqa mit-Tribunale di Milano (l-Italja) fis-27 ta’ Frar 2014 – Unione nazionale industria conciaria (UNIC), Unione Nazionale dei Consumatori di Prodotti in Pelle, Materie Concianti, Accessori e Componenti (Unicopel) vs FS Retail, Luna srl, Gatsby srl
(Kawża C-95/14)
2014/C 245/03
Lingwa tal-kawża: it-Taljan
Qorti tar-rinviju
Tribunale di Milano
Partijiet fil-kawża prinċipali
Rikorrenti: Unione nazionale industria conciaria (UNIC), Unione Nazionale dei Consumatori di Prodotti in Pelle, Materie Concianti, Accessori e Componenti (Unicopel)
Konvenuti: FS Retail, Luna srl, Gatsby srl
Domandi preliminari
1)
L-Artikoli 34 TFUE, 35 TFUE u 36 TFUE, korrettament interpretati, jipprekludu l-applikazzjoni tal-Artikolu 3(2) tal-Liġi Nazzjonali Nru 8/2013 – li timponi ttikkettjar li jindika l-pajjiż ta’ oriġini għall-prodotti miksuba permezz ta’ xogħol li sar f’pajjiżi terzi u li għandhom it-terminu bit-Taljan “pelle” – għall-prodotti tal-ġilda legalment ipproċessati u kkumerċjalizzati fi Stati Membri oħra tal-Unjoni Ewropea, peress li din il-liġi nazzjonali tissarraf f’miżura li għandha effett ekwivalenti għal restrizzjoni kwantitattiva prekluża mill-Artikolu 34 TFUE u mhux iġġustifikata mill-Artikolu 36 TFUE?
2)
L-Artikoli 34 TFUE, 35 TFUE u 36 TFUE, korrettament interpretati, jipprekludu l-applikazzjoni tal-Artikolu 3(2), tal-Liġi Nazzjonali Nru 8/2013 – timponi ttikkettjar li jindika l-pajjiż ta’ oriġini għall-prodotti miksuba permezz ta’ xogħol li sar f’pajjiżi terzi u li għandhom it-terminu bit-Taljan “pelle” – għall-prodotti tal-ġilda miksuba permezz ta’ xogħol f’pajjiżi terzi u mhux legalment ikkumerċjalizzati diġà fl-Unjoni Ewropea, peress li din il-liġi nazzjonali tissarraf f’miżura li għandha effett ekwivalenti għal restrizzjoni kwantitattiva prekluża mill-Artikolu 34 TFUE u mhux iġġustifikata mill-Artikolu 36 TFUE?
3)
L-Artikoli 3 u 5 tad-Direttiva 94/11/KE (1), korrettament interpretati, jipprekludu l-applikazzjoni tal-Artikolu 3(2) tal-Liġi Nazzjonali Nru 8/2013 – li timponi ttikkettjar li jindika l-pajjiż ta’ oriġini għall-prodotti miksuba permezz ta’ xogħol li sar f’pajjiżi terzi u li għandhom it-terminu bit-Taljan “pelle” – għall-prodotti tal-ġilda legalment ipproċessati u kkumerċjalizzati fi Stati Membri oħra tal-Unjoni Ewropea?
4)
L-Artikoli 3 u 5 tad-Direttiva 94/11/KE, korrettament interpretati, jipprekludu l-applikazzjoni tal-Artikolu 3(2) tal-Liġi Nazzjonali Nru 8/2013 – li timponi ttikkettjar li jindika l-pajjiż ta’ oriġini għall-prodotti tal-ġilda miksuba permezz ta’ xogħol li sar fi Stati mhux membri tal-Unjoni u li għadhom ma ġewx legalment ikkummerċjalizzati fl-Unjoni Ewropea?
5)
L-Artikolu 60 tar-Regolament tal-Parlament u tal-Kunsill (UE) Nru 952/2013 (2) tad-9 ta’ Novembru 2013, korrettament interpretat, jipprekludu l-applikazzjoni tal-Artikolu 3(2) tal-Liġi Nazzjonali Nruo8/2013 – li timponi ttikkettjar li jindika l-pajjiż ta’ oriġini għall-prodotti miksuba permezz ta’ xogħol li sar f’pajjiżi terzi u li għandhom it-terminu bit-Taljan “pelle” – għall-prodotti tal-ġilda miksuba permezz ta’ xogħol li sar fi Stati Membri tal-Unjoni Ewropea u li għadhom ma ġewx legalment ikkummerċjalizzati fl-Unjoni Ewropea?
6)
L-Artikolu 60 tar-Regolament tal-Parlament u tal-Kunsill (UE) Nru 952/2013, tad-9 ta’ Novembru 2013, korrettament interpretat, jipprekludu l-applikazzjoni tal-Artikolu 3(2) tal-Liġi Nazzjonali Nruo8/2013 – li timponi ttikkettjar li jindika l-pajjiż ta’ oriġini għall-prodotti miksuba permezz ta’ xogħol li sar fuqhom f’pajjiżi terzi u li għandhom it-terminu bit-Taljan “pelle” – għall-prodotti tal-ġilda miksuba permezz ta’ xogħol li sar fuqhom fi Stati mhux membri tal-Unjoni Ewropea li għadhom ma ġewx legalment ikkummerċjalizzati fl-Unjoni Ewropea?
(1) ĠU L 100, p. 37.
(2) ĠU L 269, p. 1.
Full & Egal Universal Law Academy