25.8.2014
MT
Il-Ġurnal Uffiċjali tal-Unjoni Ewropea
C 282/53
Rikors ippreżentat fit-2 ta’ Lulju 2014 – Derivados del Flúor vs Il-Kummissjoni
(Kawża T-500/14)
2014/C 282/69
Lingwa tal-kawża: l-Ispanjol
Partijiet
Rikorrenti: Derivados del Flúor, SA (Bilbao, Spanja) (rappreżentanti: J. De Juan Casadevall, avukat)
Konvenuta: Il-Kummissjoni Ewropea
Talbiet
—
tannulla d-deċiżjoni kkontestata;
—
sussidjarjament, u fil-każ li s-Sistema Spanjola tat-Taxxa tal-Lokazzjoni titqies li hija għajnuna mill-Istat illegali, li l-irkupru jiġi llimitat sad-data tal-pubblikazzjoni f’Il-Ġurnal Uffiċjali tal-Unjoni Ewropea tad-deċiżjoni li tiftaħ il-proċedura ta’ investigazzjoni formali, fil-21 ta’ Settembru 2011, u
—
tikkundanna lill-Kummissjoni Ewropea għall-ispejjeż.
Motivi u argumenti prinċipali
Dan ir-rikors huwa ppreżentat kontra d-Deċiżjoni tal-Kummissjoni Ewropea, tas-17 ta’ Lulju 2013, dwar ir-reġim tat-taxxa applikabbli għal ċerti ftehimiet ta’ lokazzjoni finanzjarja magħruf ukoll bħala s-Sistema Spanjola tat-Taxxa tal-Lokazzjoni (Għajnuna mill-Istat SA. 21233, ex NN/2011, ex CP 137/2006).
Il-motivi u l-argumenti prinċipali huma simili għal dawk li diġà ġew invokati fil-Kawżi T-401/14, Duro Felguera vs Il-Kummissjoni, u T-700/13, Bankia vs Il-Kummissjoni.
B’mod konkret, qiegħed jiġi allegat li fil-każ ineżami ma ġewx applikati, b’mod żbaljat, l-Artikoli 17, 18 u 19 tar-Regolament tal-Kunsill (KE) Nru 659/1999, tat-22 ta’ Marzu 1999, li jistabbilixxi regoli dettaljati għall-applikazzjoni tal-Artikolu [108 TFUE], li ma jeżistix vantaġġ fiskali kompetittiv, li l-benefiċjarju tal-għajnuna mill-Istat ġie ddeterminat b’mod żbaljat, li l-għajnuna mill-Istat hija kompatibbli mas-suq intern, li l-istituzzjoni konvenuta abbużat mis-setgħa tagħha u li kien hemm ksur tal-prinċipji ta’ ugwaljanza u ta’ aspettattivi leġittimi.
Full & Egal Universal Law Academy