EUR-Lex -  62014TN0530 - MT

8.9.2014   

MT

Il-Ġurnal Uffiċjali tal-Unjoni Ewropea

C 303/54

Rikors ippreżentat fil-11 ta’ Lulju 2014 – Verein StHD vs UASI (Rappreżentazzjoni ta’ ċoff iswed)

(Kawża T-530/14)

2014/C 303/64

Lingwa tal-kawża: il-Ġermaniż

Partijiet

Rikorrenti: Verein Sterbehilfe Deutschland (Verein StHD) (Zürich, l-Isvizzera) (rappreżentant: P. Brauns, avukat)

Konvenut: L-Uffiċċju għall-Armonizzazzjoni fis-Suq Intern (Trade marks u Disinni)

Talbiet

—

tannulla ċ-ċaħda parzjali tal-applikazzjoni għal reġistrazzjoni ta’ trade mark Komunitarja Nru 1 1 6 24  483, tat-13 ta’ Awwissu 2013 u tad-deċiżjoni tar-Raba’ Bord tal-Appell tal-Uffiċċju għall-Armonizzazzjoni fis-Suq Intern (Trade marks u Disinni) tal-5 ta’ Mejju 2014 fil-Każ R 1940/2013-4;

—

tordna r-reġistrazzjoni tal-applikazzjoni ta’ trade mark Komunitarja Nru 1 1 6 24  483 (ukoll) għas-servizzi li ġejjin:

—

35: Servizzi ta’ qtugħ ta’ siltiet ta’ aħbarijiet; Tqassim ta’ avviżi tar-reklamar; Reklamar dirett bil-posta;;

—

41: Pubblikazzjoni ta’ kotba; Xogħlijiet ta’ relazzjonijiet pubbliċi ġenerali dwar is-suġġett ta’ “mewt” permezz ta’ avvenimenti bħal seminarji, vjaġġi ta’ djalogu u korsijiet ta’ taħriġ avvanzati oħrajn; Pubblikazzjoni u editjar ta’ materjal stampat dwar is-suġġett ta’ “mewt”;

—

44: Konsulenza farmaċewtika; Assistenza medika; Konsulenza medika; Kura ta’ infermiera; Servizzi ta’ terapija; Servizzi ta’ psikoloġiku;

—

45: Servizzi personali u soċjali, ipprovduti minn terzi, li jirrigwardaw bżonnijiet individwali, jiġifieri, sostenn għal familja, sostenn fil-klinika, għajnuna għal persuni b’diżabbiltà, mewt assistita, kura fi tmiem il-ħajja, kura fi tmiem il-ħajja permezz ta’ konsulenza; faraġ u assistenza li dawk affettwati u lil dawk li jgħinuhom, konsulenza fuq il-ħajja ġenerali b’mod partikolari dwar is-suġġett ta’ “mewt”, servizzi matul il-ġurnata, għassa mal-lejl, servizzi ta’ għajnuna l-ġurnata kollha, servizzi l-Ħadd u l-festi pubbliċi, konsulenza mxerrda mal-pajjiż kollu, servizzi ta’ għajnuna ta’ infermiera mxerrda mal-pajjiż kollu;

—

tikkundanna lill-konvenut għall-ispejjeż tal-proċeduri tal-appell R 1940/2013-4 u ta’ dawn il-proċeduri.

Motivi u argumenti prinċipali

Trade mark Komunitarja kkonċernata: it-trade mark figurattiva li tirrappreżenta ċoff iswed għal servizzi fil-klassijiet 35, 41, 44 u 45 – Applikazzjoni għal trade mark Komunitarja Nru 1 1 6 24  483

Deċiżjoni tal-eżaminatur: applikazzjoni miċħuda

Deċiżjoni tal-Bord tal-Appell: appell miċħud

Motivi invokati:

—

Ksur tal-Artikolu 7(1)(b) tar-Regolament Nru 207/2009;

—

Ksur tal-Artikolu 7(1)(b), (c) u (d) tar-Regolament Nru 207/2009;

—

Ksur tal-Artikolu 7(1)(f) tar-Regolament Nru 207/2009

Full & Egal Universal Law Academy