20.4.2015
MT
Il-Ġurnal Uffiċjali tal-Unjoni Ewropea
C 127/10
Rikors ippreżentat fit-2 ta’ Frar 2015 – Il-Kummissjoni Ewropea vs Ir-Renju ta’ Spanja
(Kawża C-38/15)
(2015/C 127/16)
Lingwa tal-kawża: l-Ispanjol
Partijiet
Rikorrenti: Il-Kummissjoni Ewropea (rappreżentanti: E. Manhaeve u D. Loma-Osorio Lerena, aġenti)
Konvenut: Ir-Renju ta’ Spanja
Talbiet
—
tiddikjara li r-Renju ta’ Spanja naqas milli jwettaq l-obbligi tiegħu taħt
—
l-Artikolu 4 tad-Direttiva tal-Kunsill 91/271/KEE (1), tal-21 ta’ Mejju 1991, dwar it-trattament tal-ilma urban mormi, fir-rigward tal-agglomerazzjoni Pontevedra-Marín-Poio-Bueu (Galicia) u
—
l-Artikolu 5(2) u (3) tad-Direttiva tal-Kunsill 91/271/KEE, tal-21 ta’ Mejju 1991, dwar it-trattament tal-ilma urban mormi, fir-rigward tal-agglomerazzjonijiet ta’ Bollulos Par del Condado; Abrera; Berga; Capellades; Figueres; El Terri (Banyoles) u Pontevedra-Marín-Poio-Bueu.
—
tikkundanna lir-Renju ta’ Spanja għall-ispejjeż.
Motivi u argumenti prinċipali
Wara investigazzjoni fil-proċedura ta’ ksur Nru 2002/2123, il-Kummissjoni Ewropea, permezz ta’ ittra ta’ intimazzjoni tad-19 ta’ Diċembru 2003, ġibdet l-attenzjoni tar-Renju ta’ Spanja fir-rigward tat-twettiq tal-obbligi stabbiliti fl-Artikoli 3, 4, 5, 6 u 14 tad-Direttiva 91/271 u b’mod partikolari fir-rigward tat-trattament tal-ilma urban mormi fiż-“żoni sensittivi”.
Is-suġġett tal-proċedura naqas skont ir-ritmu li bih Spanja kienet qegħda tirregolarizza l-installazzjonijiet ta’ tindif, ta’ trattamenti u ta’ rimi ta’ ċerti agglomerazzjonijiet. Madankollu l-ksur tal-Artikoli 4 u 5 tad-Direttiva għadu għaddej fil-mument tal-preżentata tar-rikors fir-rigward tas-sitwazzjoni tal-agglomerazzjonijiet ta’ Bollulos Par del Condado (fil-Comunidad Autónoma de Andalucía); ta’ Abrera, ta’ Berga, ta’ Capellades, ta’ Figueres u ta’ El Terri-Banyoles (fil-Comunidad Autónoma de Cataluña) u ta’ Pontevedra-Marín-Poio-Bueu (fil-Comunidad Autónoma de Galicia).
(1) ĠU Edizzjoni Speċjali bil-Malti, Kapitolu 15, Vol. 2, p. 26.
Full & Egal Universal Law Academy