5.10.2015
MT
Il-Ġurnal Uffiċjali tal-Unjoni Ewropea
C 328/22
Rikors ippreżentat fl-4 ta’ Awwissu 2015 – Eden Green Vivai Piante di Verdesca Giuseppe et vs Il-Kummissjoni
(Kawża T-437/15)
(2015/C 328/22)
Lingwa tal-kawża: it-Taljan
Partijiet
Rikorrenti: Eden Green Vivai Piante di Verdesca Giuseppe (Copertino, l-Italja), Azienda Agricola Cairo & Doutcher di Cairo Uzi & C. Ss (Copertino, l-Italja), Ss Agricola Cairo Vito & Strafella Maria Rosa (Copertino, l-Italja), Vivai Del Salento Di Castrignano' Carmelo Antonio (Sanarica, l-Italja), Società Agricola Castrignano' Vivai Srl (Muro Leccese, l-Italja), Piante In Di Cipressa Carmine (Copertino, l-Italja), D’Elia Simone (Leverano, l-Italja), De Laurenzis Giuseppe (Copertino, l-Italja), Verde Giuranna Di Giuranna Alessio Mauro (Parabita, l-Italja), Maiorano Maurizio (Copertino, l-Italja), Vivai Mazzotta Di Mazzotta Carmine (Copertino, l-Italja), Società Agricola Mello Vivai di Mello Antonio Snc (Veglie, l-Italja), Mello Alessandro (Leverano, l-Italja), Mello Lucio (Carmiano, l-Italja), Romano Alessio Luigi (Giurdignano, l-Italja), Sansone Antonio (Copertino, l-Italja), Vivai Tarantino Ss (Cavallino, l-Italja), Verdesca Paolo (Copertino, l-Italja), Verdesca Giuseppe (Copertino, l-Italja), Hobby Flora di Miggiano Luigi (Poggiardo, l-Italja), Mauro Stefano (Muro Leccese, l-Italja), Miggiano Emanuele (Montesano Salentino, l-Italja), Miggiano Garden Center Sas di Miggiano Gianluigi & C. (San Cassiano, l-Italja), Miggiano Claudio (Maglie, l-Italja), Vivai Piante Rizzo Carmelo (Lecce, l-Italja), Cairo Antonio (Nardo', l-Italja), Floricoltura Marti di Marti Sandro (Porto Cesareo, l-Italja), Azienda Agricola Mariani Fabrizio (Alliste, l-Italja), Giannotta Giuseppe (Leverano, l-Italja), Ligetta & Solida Srl (Alezio, l-Italja), Vivai Caputo Sas di Carbone R. & F. Ss (San Donaci, l-Italja), Perrone Cosimo (Leverano, l-Italja), Durante Giuseppina (Leverano, l-Italja), Società Agricola CO.VI.SER Srl (Arnesano, l-Italja), Miggiano Antonio (Sanarica, l-Italja), Castrignano' Antonio (Sanarica, l-Italja), Stincone Giorgio (Sanarica, l-Italja), Zecca Fabio (Leverano, l-Italja), Società Agricola Florsilva Srl (Copertino, l-Italja) (rappreżentanti: G. Manelli, avukat)
Konvenuta: Il-Kummissjoni Ewropea
Talbiet
Ir-rikorrenti jitolbu li l-Qorti Ġenerali jogħġobha tannulla d-Deċiżjoni ta’ Implementazzjoni (UE) Nru 2015/789, tat-18 ta’ Mejju 2015 u ppubblikata fil-ĠUUE fil-21 ta’ Mejju 2015.
Motivi u argumenti prinċipali
Insostenn tar-rikors tagħhom, ir-rikorrenti jinvokaw tliet motivi.
1.
Il-ksur tar-regoli proċedurali sostanzjali, in-nuqqas assolut ta’ motivazzjoni, in-nuqqas ta’ razzjonalità manifesta u l-ksur tal-prinċipju ta’ proporzjonalità
Ir-rikorrenti jsostnu li:
—
Il-Kummissjoni Ewropea, minkejja l-fatt li rrikonoxxiet serje ta’ studji li saru fil-kuntest Ewropew, ma tgħaddix ir-riżultati ta’ tali studji u għaldaqstant ma tippermettix li jiġi evalwat jekk il-miżuri applikati humiex adegwati jew le. Hija lanqas ma tagħti spjegazzjoni tar-raġunijiet għala qieset li kellha taċċetta lista ta’ iktar minn 180 pjanta speċifikata li, minkejja l-fatt li teoretikament jistgħu jkunu ospiti tal-Xylella fastidiosa, dawn ma nstabux fil-Provinċja ta’ Lecce; lanqas ma tispjega r-raġunijiet għala qieset li kellha tindika fi ħdan l-Anness I numru ta’ speċi li jaqbeż l-180 fejn kienu inklużi anki pjanti sensittivi għaż-żoni “mhux Ewropej”, li ovvjament ma humiex rilevanti fit-territorju kkonċernat.
—
Il-Kummissjoni Ewropea ma tispjegax ir-raġunijiet għala dehrilha li kellha tapplika projbizzjoni b’mod indiskriminat taċ-ċaqlieq tal-pjanti msemmija fl-Anness I u b’hekk qed tiġi eskluża mill-bidu l-possibbiltà li jintużaw miżuri alternattivi li jistgħu jieħdu ħsieb jilqgħu r-riskju ta’ diffużjoni.
—
Il-Kummissjoni Ewropea ma tispjegax liema regola tal-Unjoni Ewropea tiġġustifika l-adozzjoni tad-deċiżjoni ta’ implementazzjoni, ma tispjegax ir-raġunijiet għala tmur lil hinn mill-prinċipju ta’ sussidjarjetà, f’sitwazzjoni fejn l-Istat Membru mhux biss għandu l-kompetenza, iżda eżerċita wkoll ir-rwol rilevanti u ma tispjegax ir-raġunijiet li minħabba fihom id-deċiżjoni għandha titqies proporzjonata fir-rigward tal-għan segwit, fl-assenza ta’ paragun, jew fi kliem ieħor, ibbilanċjar espliċitu tal-interessi.
2.
Il-ksur tar-regoli proċedurali sostanzjali taħt aspett ieħor, in-nuqqas assolut ta’ motivazzjoni, in-nuqqas ta’ razzjonalità manifesta u l-ksur tal-prinċipju ta’ proporzjonalità.
—
Skont ir-rikorrenti ma huwiex ċar abbażi ta’ liema preżunzjonijiet xjentifiċi l-pjanti speċifikati ma jistgħux ikunu s-suġġett ta’ ċaqlieq ladarba kienu rrikonoxxuti, permezz ta’ eżamijiet xierqa li għandhom valur xjentifiku, u li ma humiex attakkati mill-patoġenu. Lanqas ma huwa ċar għal liema raġunijiet pjanta li kkompletat parti miċ-ċiklu ta’ żvillupp tagħha 'l barra mis-sistema tal-iscreen house ma tistax tiġi introdotta f’sistemi oħra sabiex tikkompleta ċ-ċiklu ta’ ħajja tagħha b’mod korrett sabiex imbagħad titqiegħed għall-bejgħ.
3.
Il-ksur tal-Artikolu 5(3) u (4) tat-Trattat u tar-regoli tad-dritt dwar l-applikazzjoni tiegħu, il-ksur tal-prinċipju ta’ sussidjarjetà u l-ksur tal-prinċipju ta’ proporzjonalità.
Skont ir-rikorrenti:
—
Id-deċiżjoni Komunitarja hija illeġittimà b’riferiment speċifiku għar-regola fl-Artikolu 6 intitolat “Miżuri ta’ qerda”. Ir-regola hija abberranti u żejda peress li l-applikazzjoni tagħha hija imposta fuq pjanti b’saħħithom jew anki fuq pjanti li hemm is-suspett biss li huma infettati sa 100 metru mis-sit tal-pjanta infettata. Tali leġiżlazzjoni ma għandha l-ebda loġika fuq bażi xjentifika u iktar minn hekk hija sproporzjonata fid-dawl tal-għan li trid taqdi.
—
Id-deċiżjoni Komunitarja hija illeġittimà anki b’riferiment għar-regola fl-Artikolu 9 intitolat “Ċaqlieq tal-pjanti speċifikati fi ħdan l-Unjoni” peress li timponi projbizzjoni b’mod indiskriminat u inġustifikata taċ-ċaqlieq indipendentement mill-istat tas-saħħa tal-pjanta. Element bħal dan jidher iktar serju jekk wieħed jaħseb biss dwar il-fatt li projbizzjoni inkwistjoni hija imposta kemm barra miż-żona delimitata, kif ukoll fi ħdanha.
—
Id-deċiżjoni kkontestata tikser il-prinċipji ta’ proporzjonalità u ta’ sussidjarjetà.
—
Id-deċiżjoni Komunitarja hija illeġittima b’riferiment speċifiku għall-Artikolu 9(2)(d), (f) u (h), fejn, għall-finijiet tad-deroga mid-dispożizzjoni msemmija fl-ewwel paragrafu, hemm impost żona ta’ rispett ta’ 200 metru madwar is-sit ta’ fejn hemm il-kultivazzjoni u hemm previst serje ta’ xogħlijiet f’din l-istess żona. Tali deroga evidentement ma tistax tiġi attwata peress li ż-żona ta’ rispett ta’ madwar is-sit ta’ fejn hemm il-kultivazzjoni tista’ ma taqax taħt il-kontroll tal-impriżi għat-tkabbir tal-pjanti, fil-każijiet kollha fejn tali żona tagħmel parti mill-proprjetà ta’ terzi.
Full & Egal Universal Law Academy