19.9.2016
MT
Il-Ġurnal Uffiċjali tal-Unjoni Ewropea
C 343/18
Talba għal deċiżjoni preliminari mressqa mill-Finanzgericht Münster (Il-Ġermanja) fis-26 ta’ April 2016 – X vs Finanzamt I
(Kawża C-238/16)
(2016/C 343/29)
Lingwa tal-kawża: il-Ġermaniż
Qorti tar-rinviju
Finanzgericht Münster
Partijiet fil-kawża prinċipali
Rikorrenti: X
Konvenut: Finanzamt I
Domandi preliminari
1)
L-Artikolu 132(1)(d) tad-Direttiva 2006/112/KE (1) għandu jiġi interpretat fis-sens li l-provvisti ta’ demm tal-bniedem jinkludu wkoll il-provvisti ta’ plażma miksuba mid-demm tal-bniedem?
2)
Fil-każ li r-risposta għall-ewwel domanda tkun fl-affermattiv, dan japplika wkoll għall-plażma li ma hijiex intiża direttament għal użu terapewtiku iżda esklużivament għall-manifattura ta’ prodotti mediċinali?
3)
Fil-każ li r-risposta għat-tieni domanda tkun fin-negattiv, il-klassifikazzjoni tal-plażma bħala “demm” tiddependi biss mill-għan tagħha jew għandu jittieħed inkunsiderazzjoni wkoll l-użu teoretiku li jista’ jsir minnha?
4)
Fil-każ li r-risposta għall-ewwel u għat-tieni domandi tkun fl-affermattiv, tranżazzjoni eżentata mill-VAT fi Stat Membru, skont l-Artikolu 132(1)(d) tad-Direttiva 2006/112/KE, timplika l-esklużjoni tad-dritt għal tnaqqis tat-taxxa tal-input imħallsa, prevista fl-Artikolu 168 tad-Direttiva 2006/112/KE, indipendentement mis-sistema tal-VAT applikabbli fil-pajjiż terz, anki jekk din it-tranżazzjoni tikkostitwixxi provvista għall-esportazzjoni li, konformement mal-Artikolu 169(b) tad-Direttiva 2006/112/KE, moqri flimkien mal-Artikolu 146(1) ta’ din id-direttiva, tagħti lok għat-tnaqqis tat-taxxa tal-input imħallsa?
(1) Direttiva tal-Kunsill 2006/112/KE, tat-28 ta’ Novembru 2006, dwar is-sistema komuni ta’ taxxa fuq il-valur miżjud (ĠU L 347, p. 1).