22.1.2018
MT
Il-Ġurnal Uffiċjali tal-Unjoni Ewropea
C 22/40
Digriet tal-Qorti Ġenerali tat-22 ta’ Novembru 2017 – Digital Rights Ireland vs Il-Kummissjoni
(Kawża T-670/16) (1)
((“Rikors għal annullament - Spazju ta’ libertà, sigurtà u ġustizzja - Protezzjoni ta’ persuni fiżiċi fir-rigward tal-ipproċessar ta’ data personali - Trasferiment ta’ data personali lejn l-Istati Uniti - Kumpannija mingħajr skop ta’ lukru rregolata mid-dritt Irlandiż - Assenza ta’ protezzjoni ta’ data personali għall-persuni ġuridiċi - Persuna responsabbli għall-ipproċessar - Rikors f’isem il-membri u s-sostenituri - Rikors fl-interess pubbliku - Inammissibbiltà”))
(2018/C 022/56)
Lingwa tal-kawża: l-Ingliż
Partijiet
Rikorrenti: Digital Rights Ireland Ltd (Bennettsbridge, l-Irlanda) (rappreżentant: E. McGarr, solicitor)
Konvenuta: Il-Kummissjoni Ewropea (rappreżentanti: H. Kranenborg u D. Nardi, aġenti)
Suġġett
Talba bbażata fuq l-Artikolu 263 TFUE u intiża għall-annullament tad-Deċiżjoni ta’ Implimentazzjoni tal-Kummissjoni (UE) 2016/1250 tat-12 ta’ Lulju 2016 skont id-Direttiva Nru 95/46/KE tal-Parlament Ewropew u tal-Kunsill dwar l-adegwatezza tal-protezzjoni pprovduta mill-Ħarsien tal-Privatezza UE-U.S. (ĠU 2016, L 207, p. 1).
Dispożittiv
1)
Ir-rikors huwa inammissibbli.
2)
Ma hemmx iżjed lok li tingħata deċiżjoni fuq it-talbiet għal intervent tar-Repubblika Ċeka, tar-Repubblika Federali tal-Ġermanja, tal-Irlanda, tar-Renju Unit tal-Gran Brittanja u l-Irlanda ta’ Fuq, tal-Istati Uniti tal-Amerika, tar-Renju tal-Pajjiżi l-Baxxi, tar-Repubblika Franċiża, tal-Business Software Alliance (BSA), tal-Microsoft Corporation, tal-Quadrature du Net, tal-French Data Network, tal-Fédération des Fournisseurs d’Accès à Internet Associatifs u tal-Union fédérale des consommateurs – Que choisir (UFC – Que choisir).
3)
Digital Rights Ireland Ltd hija kkundannata għall-ispejjeż bl-eċċezzjoni ta’ dawk relatati mat-talbiet għal intervent.
4)
Ir-Repubblika Ċeka, ir-Repubblika Federali tal-Ġermanja, l-Irlanda, ir-Renju Unit tal-Gran Brittanja u l-Irlanda ta’ Fuq, l-Istati Uniti tal-Amerika, ir-Renju tal-Pajjiżi l-Baxxi, ir-Repubblika Franċiża, il-Business Software Alliance (BSA), il-Microsoft Corporation, il-Quadrature du Net, il-French Data Network, il-Fédération des Fournisseurs d’Accès à Internet Associatifs u l-UFC – Que choisir, għandhom ibatu l-ispejjeż rispettivi tagħhom relatati mat-talbiet għal intervent.
(1) ĠU C 410, 7.11.2016.