EUR-Lex -  62019TN0171 - MT

20.5.2019   

MT

Il-Ġurnal Uffiċjali tal-Unjoni Ewropea

C 172/39

Rikors ippreżentat fl-20 ta’ Marzu 2019 — Hebberecht vs SEAE

(Kawża T-171/19)

(2019/C 172/53)

Lingwa tal-kawża: il-Franċiż

Partijiet

Rikorrenti: Chantal Hebberecht (Lussemburgu, il-Lussemburgu) (rappreżentant: K. Bicard, avukat)

Konvenuta: Is-Servizz Ewropew għall-Azzjoni Esterna (SEAE)

Talbiet

Ir-rikorrenti titlob li l-Qorti Ġenerali jogħġobha:

—

tiddikkjara t-talba ta’ C. Hebberecht ammissibbli u fondata;

—

tannulla s-sanzjoni deċiża fil-konfront tar-rikorrenti;

—

tikkundanna lis-Servizz Ewropew għall-Azzjoni Esterna (SEAE) iħallas lir-rikorrenti EUR 36 000 ta’ arretrati tas-salarju kif ukoll l-interessi moratorji;

—

tikkundanna lis-SEAE iħallas lir-rikorrenti EUR 450 000 bħala kumpens għad-dannu fuq saħħitha, id-dannu materali u d-dannu morali;

—

sussidjarjament, tikkundanna lis-SEAE iħallas lir-rikorrenti EUR 300 000 bħala kumpens għall-istess dannu;

—

iktar sussidjarjament, tikkundanna lis-SEAE iħallas lir-rikorrenti EUR 150 000 bħala kumpens għall-istess dannu;

—

jerġa’ iktar sussidjarjament, tikkundanna lis-SEAE iħallas lir-rikorrenti EUR 50 000 bħala kumpens għall-istess dannu;

—

tikkundanna lis-SEAE għall-ispejjeż.

Motivi u argumenti prinċipali

Insostenn tar-rikors tagħha, ir-rikorrenti tinvoka l-fatt li ma wettqitx il-fatti miżmuma kontriha mit-tribunal de première instance du Hainaut (il-Qorti tal-Ewwel Istanza ta’ Hainaut (il-Belġju)) fis-sentenza tagħha tat-13 ta’ Diċembru 2017 u invokati mis-SEAE bħala li jikkostitwixxu nuqqas partikolarment gravi għall-obbligi li għandhom l-uffiċjali, b’mod partikolari abbażi tal-Artikolu 12 tar-Regolamenti tal-Persunal. Hija tinvoka wkoll in-natura diskriminatorja tas-sanzjonijiet meħuda kontra tagħha.

Full & Egal Universal Law Academy