EUR-Lex -  62019TN0192 - MT

17.6.2019   

MT

Il-Ġurnal Uffiċjali tal-Unjoni Ewropea

C 206/48

Rikors ippreżentat fl-4 ta’ April 2019 — Ceramica Flaminia vs EUIPO — Ceramica Cielo (goclean)

(Kawża T-192/19)

(2019/C 206/51)

Lingwa tar-rikors: it-Taljan

Partijiet

Rikorrenti: Ceramica Flaminia SpA (Civita Castellana, l-Italja) (rappreżentanti: A. Improda u R. Arista, avukati)

Konvenut: L-Uffiċċju tal-Proprjetà Intellettwali tal-Unjoni Ewropea (EUIPO)

Parti oħra quddiem il-Bord tal-Appell: Ceramica Cielo SpA (Fabrica di Roma, l-Italja)

Informazzjoni dwar il-proċedimenti quddiem l-EUIPO

Proprjetarju tat-trade mark kontenzjuża: ir-rikorrenti

Trade mark kontenzjuża kkonċernata: it-trade mark tal-Unjoni Ewropea figurattiva “goclean” — Trade mark tal-Unjoni Ewropea Nru 13 270 046

Proċedimenti quddiem l-EUIPO: proċedimenti għal dikjarazzjoni ta’ invalidità

Deċiżjoni kkontestata: id-deċiżjoni tat-Tieni Bord tal-Appell tal-EUIPO tat-30 ta’ Jannar 2019 fil-Każ R 991/2018-2

Talbiet

Ir-rikorrenti titlob li l-Qorti Ġenerali jogħġobha:

—

tannulla u tirriforma d-deċiżjoni kkontestata;

u b’konsegwenza ta’ dan

—

tirrikonoxxi l-validità tat-trade mark tal-Unjoni “goclean” Nru 13270046 irreġistrata fid-9 ta’ Frar 2013 b’riferiment għall-prodotti kollha jew parti minnhom li jaqgħu fil-klassi 11 (Tankijiet tal-flushing għal WCs, Bwieqi tat-toilet, Impjanti għad-distribuzzjoni ta’ ilma);

—

tikkundanna lill-EUIPO u/jew il-parti l-oħra quddiem il-Bord tal-Appell Ceramica Cielo S.p.A. għall-ħlas tal-ispejjeż ta’ dawn il-proċeduri, kif ukoll taż-żewġ fażijiet preċedenti quddiem id-Diviżjoni tal-Kanċellazzjoni u tal-Bord tal-Appell, favur Ceramica Flaminia S.p.A.

Motivi invokati

—

Ksur u applikazzjoni żbaljata tal-Artikolu 7(1)(b) tar-Regolament Nru 2017/1001 tal-Parlament Ewropew u tal-Kunsill;

—

Interpretazzjoni tal-karattru distintiv skont l-Artikolu 7(1)(b) tar-Regolament (UE) 2017/1001 tal-Parlament Ewropew u tal-Kunsill;

—

Infondatezza tal-kwalifika tat-trade mark bħala slogan;

—

Ksur u applikazzjoni żbaljata tal-Artikolu 95(1) b’rabta mal-Artikolu 59 tar-Regolament (UE) 2017/1001 tal-Parlament Ewropew u tal-Kunsill;

—

Ksur u applikazzjoni żbaljata tal-Artikolu 7(3) u tal-Artikolu 59(2) tar-Regolament (UE) 2017/1001 tal-Parlament Ewropew u tal-Kunsill.

Full & Egal Universal Law Academy