Regolament (UE) 2023/2844 tal

Il-Ġurnal Uffiċjali
ta'l-Unjoni Ewropea

MT

Serje L

2023/2844

27.12.2023

REGOLAMENT (UE) 2023/2844 TAL-PARLAMENT EWROPEW U TAL-KUNSILL

tat-13 ta’ Diċembru 2023

dwar id-diġitalizzazzjoni tal-kooperazzjoni ġudizzjarja u l-aċċess għall-ġustizzja f’materji ċivili, kummerċjali u kriminali transfruntieri, u li jemenda ċerti atti fil-qasam tal-kooperazzjoni ġudizzjarja

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikolu 81(2), il-punti (e) u (f) u l-Artikolu 82(1), il-punt (d), tiegħu,

Wara li kkunsidraw il-proposta tal-Kummissjoni Ewropea,

Wara li l-abbozz tal-att leġiżlattiv intbagħat lill-parlamenti nazzjonali,

Wara li kkunsidraw l-opinjoni tal-Kumitat Ekonomiku u Soċjali Ewropew (1),

Filwaqt li jaġixxu f’konformità mal-proċedura leġiżlattiva ordinarja (2),

Billi:

(1)

Fil-komunikazzjoni tagħha tat-2 ta’ Diċembru 2020 intitolata “Id-diġitalizzazzjoni tal-ġustizzja fl-Unjoni Ewropea - Strumentarju ta’ opportunitajiet”, il-Kummissjoni identifikat il-ħtieġa li jiġi mmodernizzat il-qafas leġiżlattiv tal-proċeduri transfruntieri tal-Unjoni fid-dritt ċivili, kummerċjali u kriminali, f’konformità mal-prinċipju “diġitali b’mod awtomatiku”, filwaqt li jiġi żgurat li huma stabbiliti s-salvagwardji kollha meħtieġa biex tiġi evitata l-esklużjoni soċjali, u jiġu żgurati l-fiduċja reċiproka, l-interoperabbiltà u s-sigurtà.

(2)

Sabiex jinkiseb spazju ta’ libertà, sigurtà u ġustizzja li jiffunzjona bis-sħiħ, huwa importanti li l-Istati Membri kollha jfittxu li jnaqqsu kwalunkwe disparità eżistenti fir-rigward tad-diġitalizzazzjoni tas-sistemi u jieħdu vantaġġ mill-opportunitajiet offruti mill-mekkaniżmi ta’ finanzjament rilevanti tal-Unjoni.

(3)

Għall-finijiet tat-tisħiħ tal-kooperazzjoni ġudizzjarja u l-aċċess għall-ġustizzja, jenħtieġ li l-atti legali tal-Unjoni li jipprevedu l-komunikazzjoni bejn l-awtoritajiet kompetenti, inkluż il-korpi u l-aġenziji tal-Unjoni, u bejn l-awtoritajiet kompetenti u l-persuni fiżiċi u ġuridiċi f’materji ċivili u kummerċjali, jiġu kkomplementati billi jiġu stabbiliti kundizzjonijiet għat-twettiq ta’ tali komunikazzjoni permezz ta’ mezzi diġitali.

(4)

Dan ir-Regolament ifittex li jtejjeb l- effiċjenza u l-effettività tal-proċeduri ġudizzjarji u li jiffaċilita l-aċċess għall-ġustizzja billi jiddiġitalizza l-mezzi ta’ komunikazzjoni eżistenti, li għandu jwassal għall-iffrankar tal-ispejjeż u tal-ħin, għal tnaqqis tal-piż amministrattiv, u għal reżiljenza mtejba f’ċirkostanzi ta’ force majeure għall-awtoritajiet kollha involuti fil-kooperazzjoni ġudizzjarja transfruntiera. Jenħtieġ li l-użu ta’ kanali diġitali ta’ komunikazzjoni bejn l-awtoritajiet kompetenti jwassal għal tnaqqis fid-dewmien fl-ipproċessar tal-każijiet, fuq terminu qasir ta’ żmien kif ukoll terminu twil. Jenħtieġ li dan ikun ta’ benefiċċju għall-individwi, l-entitajiet legali u l-awtoritajiet kompetenti tal-Istati Membri, u jsaħħaħ il-fiduċja fis-sistemi tal-ġustizzja. Id-diġitalizzazzjoni tal-kanali ta’ komunikazzjoni tkun ta’ benefiċċju wkoll fil-qasam tal-proċedimenti kriminali transfruntieri u fil-kuntest tal-ġlieda tal-Unjoni kontra l-kriminalità. F’dak ir-rigward, il-livell għoli ta’ sigurtà li l-kanali diġitali ta’ komunikazzjoni jistgħu jipprovdu jikkostitwixxi pass ‘il quddiem, anke fir-rigward tas-salvagwardja tad-drittijiet tal-persuni kkonċernati, bħad-dritt għar-rispett għall-ħajja privata u tal-familja u d-dritt għall-protezzjoni ta’ data personali.

(5)

Id-drittijiet u l-libertajiet fundamentali tal-persuni kollha kkonċernati mill-iskambju elettroniku ta’ data skont dan ir-Regolament, b’mod partikolari d-dritt għal aċċess effettiv għall-ġustizzja, id-dritt għal proċess ġust, il-prinċipju ta’ nondiskriminazzjoni, id-dritt għar-rispett għall-ħajja privata u tal-familja u d-dritt għall-protezzjoni tad-data personali, jenħtieġ li jiġu rispettati bis-sħiħ f’konformità mal-liġi tal-Unjoni.

(6)

Jenħtieġ li, meta jissodisfaw l-obbligi tagħhom skont dan ir-Regolament, l-entitajiet kollha jirrispettaw il-prinċipju tal-indipendenza tal-ġudikatura, filwaqt li jqisu l-prinċipju tas-separazzjoni tas-setgħat u l-prinċipji l-oħra tal-istat tad-dritt.

(7)

L-aċċess effettiv għall-ġustizzja huwa objettiv ewlieni tal-ispazju ta’ libertà, sigurtà u ġustizzja. It-trasformazzjoni diġitali hija pass ewlieni biex jitjieb l-aċċess għall-ġustizzja u l-effiċjenza, il-kwalità u t-trasparenza tas-sistemi tal-ġustizzja.

(8)

Huwa importanti li jiġu żviluppati mezzi u għodod xierqa sabiex jiġi żgurat li s-sistemi tal-ġustizzja jkunu jistgħu jikkooperaw b’mod diġitali b’mod effiċjenti. Għalhekk, huwa essenzjali li jiġi stabbilit, fil-livell tal-Unjoni, strument uniformi tat-teknoloġija tal-informazzjoni li jippermetti skambju elettroniku transfruntier rapidu, dirett, interoperabbli, affidabbli, aċċessibbli, sigur u effiċjenti ta’ data relatata mal-kawżi bejn l-awtoritajiet kompetenti. Jenħtieġ li l-Kummissjoni u l-Istati Membri jiżguraw li l-professjonisti legali jkunu involuti fit-trasformazzjoni diġitali tas-sistemi tal-ġustizzja.

(9)

Ġew żviluppati għodod għall-iskambju diġitali ta’ data relatata mal-kawżi, li jagħmluha possibbli li tiġi evitata s-sostituzzjoni ta’ sistemi tal-IT eżistenti diġà stabbiliti fl-Istati Membri jew il-ħtieġa ta’ modifiki għaljin għalihom. Is-sistema ta’ Komunikazzjoni fil-qasam tal-e-Ġustizzja permezz tal-Iskambju ta’ Data Online (e-CODEX), li l-qafas legali tagħha huwa stabbilit bir-Regolament (UE) 2022/850 tal-Parlament Ewropew u tal-Kunsill (3), hija l-għodda ewlenija ta’ dak it-tip żviluppata s’issa biex jiġi żgurat skambju elettroniku transfruntier ta’ data relatata mal-kawżi bejn l-awtoritajiet kompetenti, li huwa rapidu, dirett, interoperabbli, affidabbli, u sigur.

(10)

Jenħtieġ li d-diġitalizzazzjoni tal-proċedimenti tiżgura aċċess għall-ġustizzja għal kulħadd, inkluż il-persuni b’diżabbiltà. Jenħtieġ li s-sistema tal-IT deċentralizzata u l-punt ta’ aċċess elettroniku Ewropew stabbiliti b’dan ir-Regolament jikkonformaw mar-rekwiżiti ta’ aċċessibbiltà għall-web stipulati fid-Direttiva (UE) 2016/2102 tal-Parlament Ewropew u tal-Kunsill (4). Fl-istess ħin, jenħtieġ li l-metodi ta’ pagament elettroniku msemmija f’dan ir-Regolament jikkonformaw mar-rekwiżiti ta’ aċċessibbiltà stipulati fid-Direttiva (UE) 2019/882 tal-Parlament Ewropew u tal-Kunsill (5).

(11)

L-istabbiliment ta’ kanali diġitali għall-komunikazzjoni transfruntiera jikkontribwixxi direttament għat-titjib tal-aċċess għall-ġustizzja, billi jippermetti lill-persuni fiżiċi u ġuridiċi jitolbu l-protezzjoni tad-drittijiet tagħhom u jasserixxu t-talbiet tagħhom, jibdew proċedimenti, u jiskambjaw data relatata mal-kawżi f’forma diġitali ma’ awtoritajiet ġudizzjarji jew awtoritajiet kompetenti oħra, fi proċeduri li jaqgħu fil-kamp ta’ applikazzjoni tal-liġi tal-Unjoni fil-qasam ta’ materji ċivili u kummerċjali.

(12)

Sabiex jiġi żgurat li l-għodod tal-komunikazzjoni elettronika jkollhom impatt pożittiv fuq l-aċċess għall-ġustizzja, jenħtieġ li l-Istati Membri jallokaw biżżejjed riżorsi għat-titjib tal-ħiliet u l-litteriżmu diġitali taċ-ċittadini u jenħtieġ li jagħtu attenzjoni partikolari biex jiżguraw li nuqqas ta’ ħiliet diġitali ma jsirx ostaklu għall-użu tas-sistema tal-IT deċentralizzata. Jenħtieġ li l-Istati Membri jiżguraw li jiġi offrut taħriġ lill-professjonisti kollha tal-ġustizzja kkonċernati, inkluż il-prosekuturi, l-imħallfin u l-persunal amministrattiv, u l-awtoritajiet kompetenti, sabiex jiġi żgurat l-użu effettiv tas-sistema tal-IT deċentralizzata. Jenħtieġ li tali taħriġ ikollu l-għan li jtejjeb il-funzjonament tas-sistemi tal-ġustizzja fl-Unjoni kollha, kif ukoll ir-rispett tad-drittijiet u l-valuri fundamentali, b’mod partikolari billi jippermetti lill-professjonisti tal-ġustizzja jindirizzaw b’mod effiċjenti kwalunkwe sfida li tista’ tinqala’ matul proċedimenti jew seduti ta’ smigħ li jsiru permezz ta’ vidjokonferenza jew teknoloġija oħra ta’ komunikazzjoni mill-bogħod, minħabba n-natura virtwali tagħhom. Jenħtieġ li l-Istati Membri jiġu mħeġġa u appoġġati mill-Kummissjoni biex japplikaw għal għotjiet għal attivitajiet ta’ taħriġ skont il-programmi finanzjarji rilevanti tal-Unjoni.

(13)

Jenħtieġ li dan ir-Regolament ikopri d-diġitalizzazzjoni tal-komunikazzjoni f’kawżi b’implikazzjonijiet transfruntieri li jaqgħu fil-kamp ta’ applikazzjoni ta’ ċerti atti legali tal-Unjoni f’materji ċivili, kummerċjali u kriminali. Jenħtieġ li dawk l-atti jkunu elenkati fl-Annessi għal dan ir-Regolament. Jenħtieġ li l-komunikazzjoni bejn l-awtoritajiet kompetenti u l-korpi u l-aġenziji tal-Unjoni, bħall-Uffiċċju tal-Prosekutur Pubbliku Ewropew jew l-Eurojust f’każijiet fejn huma kompetenti skont l-atti legali elenkati fl- Anness II tkun koperta wkoll minn dan ir-Regolament. Fejn il-prattikanti fl-insolvenza jkunu kompetenti skont il-liġi nazzjonali biex jirċievu pretensjonijiet imressqa minn kreditur barrani fi proċedimenti ta’ insolvenza skont ir-Regolament (UE) 2015/848 tal-Parlament Ewropew u tal-Kunsill (6), jenħtieġ li jitqiesu li huma awtoritajiet kompetenti skont it-tifsira ta’ dan ir-Regolament.

(14)

Jenħtieġ li dan ir-Regolament ma jaffettwax ir-regoli li jirregolaw proċeduri ġudizzjarji transfruntieri stabbiliti mill-atti legali elenkati fl-Anness I u II għajr għar-regoli relatati mal-komunikazzjoni b’mezzi diġitali introdotti b’dan ir-Regolament. Jenħtieġ li dan ir-Regolament ikun mingħajr preġudizzju għal-liġi nazzjonali dwar il-ħatra ta’ kwalunkwe awtorità, persuna jew korp li jittrattaw kwalunkwe aspett tal-verifika u tal-preżentazzjoni ta’ applikazzjonijiet, dokumenti u informazzjoni. Jenħtieġ li r-rekwiżiti skont il-liġi nazzjonali applikabbli dwar l-awtentiċità, il-preċiżjoni, l-affidabbiltà, il-kredibbiltà u l-forma ġuridika xierqa tad-dokumenti jew tal-informazzjoni ma jkunux affettwati, ħlief għar-regoli relatati mal-komunikazzjoni b’mezzi diġitali introdotti minn dan ir-Regolament.

(15)

Jenħtieġ li d-determinazzjoni ta’ jekk kawża għandhiex titqies bħala kwistjoni b’implikazzjonijiet transfruntieri issir skont l-atti legali elenkati fl-Annessi I u II. Fejn l-atti legali elenkati fl-Annessi I u II jiddikjaraw b’mod espliċitu li jenħtieġ li l-liġi nazzjonali tirregola proċedura ta’ komunikazzjoni bejn l-awtoritajiet kompetenti, jenħtieġ li dan ir-Regolament ma japplikax.

(16)

Jenħtieġ li l-obbligi skont dan ir-Regolament ma japplikawx għall-komunikazzjoni orali bħal pereżempju bit-telefown jew wiċċ imb’wiċċ.

(17)

Jenħtieġ li dan ir-Regolament ma japplikax għan-notifika ta’ dokumenti skont ir-Regolament (UE) 2020/1784 tal-Parlament Ewropew u tal-Kunsill (7), u lanqas għall-kumpilazzjoni tax-xhieda skont ir-Regolament (UE) 2020/1783 tal-Parlament Ewropew u tal-Kunsill (8).Dawk ir-Regolamenti diġà jipprevedu regoli speċifiċi dwar id-diġitalizzazzjoni tal-kooperazzjoni ġudizzjarja. Madankollu, sabiex tissaħħaħ in-notifika elettronika ta’ dokumenti li għandha ssir direttament lil persuna li għandha indirizz magħruf għan-notifika fi Stat Membru ieħor, jenħtieġ li dan ir-Regolament jintroduċi ċerti emendi għar-Regolament (UE) 2020/1784.

(18)

Meta l-Kummissjoni tikkollabora ma’ atturi esterni fl-istadji tad-disinn u tal-bini tal-punt ta’ aċċess elettroniku Ewropew, jenħtieġ li tali atturi jkollhom esperjenza fl-iżvilupp ta’ IT sigura, faċli għall-utent u aċċessibbli.

(19)

Sabiex tiġi żgurata komunikazzjoni sigura, effiċjenti, rapida, interoperabbli, kunfidenzjali u affidabbli bejn l-Istati Membri għall-finijiet ta’ proċeduri ġudizzjarji transfruntieri f’materji ċivili, kummerċjali u kriminali, jenħtieġ li tintuża teknoloġija ta’ komunikazzjoni xierqa, dment li jiġu ssodisfati ċerti kundizzjonijiet relatati mas-sigurtà, l-integrità u l-affidabbiltà tad-dokument riċevut u l-identifikazzjoni tal-parteċipanti fil-komunikazzjoni. Għalhekk, jenħtieġ li tiġi stabbilita sistema tal-IT deċentralizzata sigura, effiċjenti u affidabbli għall-iskambji tad-data fi proċeduri ġudizzjarji transfruntieri. Jenħtieġ li n-natura deċentralizzata tas-sistema tal-IT ikollha l-għan tippermetti skambji siguri ta’ data bejn l-awtoritajiet kompetenti, mingħajr ma tkun involuta ebda istituzzjonijiet tal-Unjoni fis-sustanza ta’ dawk l-iskambji. Jenħtieġ li s-sistema tal-IT deċentralizzata tagħmel possibbli wkoll skambji siguri ta’ data bejn Stat Membru u korpi u aġenziji tal-Unjoni, bħall-Eurojust, f’kawżi li jaqgħu fil-kamp ta’ applikazzjoni tal-atti legali elenkati fl-Anness II.

(20)

Jenħtieġ li s-sistema tal-IT deċentralizzata tkun magħmula minn sistemi back-end fl-Istati Membri u l-korpi u l-aġenziji rilevanti tal-Unjoni, u punti ta’ aċċess interoperabbli, li permezz tagħhom dawk is-sistemi huma ikkonnettjati bl-użu ta’ interkonnessjonijiet siguri. Jenħtieġ li l-punti ta’ aċċess tas-sistema tal-IT deċentralizzata jkunu bbażati fuq is-sistema e-CODEX.

(21)

Għall-finijiet ta’ dan ir-Regolament, jenħtieġ li l-Istati Membri jkunu jistgħu jużaw software żviluppat mill-Kummissjoni (software ta’ implimentazzjoni ta’ referenza) minflok sistema tal-IT nazzjonali. Jenħtieġ li dak is-software ta’ implimentazzjoni ta’ referenza jkun ibbażat fuq arranġament modulari, li jfisser li s-software jiġi ppakkjat u kkonsenjat separatament mill-komponenti e-CODEX meħtieġa biex jiġi kkonnettjat mas-sistema tal-IT deċentralizzata. Jenħtieġ li tali arranġament jippermetti lill-Istati Membri jużaw mill-ġdid jew itejbu l-infrastruttura tal-komunikazzjoni ġudizzjarja nazzjonali eżistenti tagħhom għall-fini tal-użu transfruntier. Għal kwistjonijiet relatati mal-obbligi ta’ manutenzjoni, l-Istati Membri jistgħu jużaw ukoll software żviluppat mill-Konferenza ta’ The Hague dwar id-Dritt Internazzjonali Privat (iSupport).

(22)

Jenħtieġ li l-Kummissjoni tkun responsabbli għall-ħolqien, l-iżvilupp u l-manutenzjoni tas-software ta’ implimentazzjoni ta’ referenza, f’konformità mal-prinċipji tal-protezzjoni tad-data mid-disinn u b’mod awtomatiku, u mar-rekwiżiti ta’ aċċessibbiltà. Jenħtieġ li l-Kummissjoni tfassal, tiżviluppa u tmantni s-software ta’ implimentazzjoni ta’ referenza f’konformità mar-rekwiżiti u l-prinċipji tal-protezzjoni tad-data stabbiliti fir-Regolament (UE) 2018/1725 (9) u (UE) 2016/679 (10) tal-Parlament Ewropew u tal-Kunsill, u d-Direttiva (UE) 2016/680 tal-Parlament Ewropew u tal-Kunsill (11), b’mod partikolari l-prinċipji tal-protezzjoni tad-data mid-disinn u b’mod awtomatiku kif ukoll livell għoli ta’ ċibersigurtà. B’mod partikolari, jenħtieġ li kwalunkwe persuna fiżika jew ġuridika li tieħu sehem fil-ħolqien, l-iżvilupp jew il-manutenzjoni ta’ sistemi nazzjonali tal-IT jew is-software ta’ implimentazzjoni ta’ referenza tkun marbuta b’dawk ir-rekwiżiti u l-prinċipji. Jenħtieġ li s-software ta’ implimentazzjoni ta’ referenza jinkludi wkoll miżuri tekniċi xierqa u jenħtieġ li jippermetti miżuri organizzattivi, inkluż is-sorveljanza meħtieġa biex jiġi żgurat livell ta’ sigurtà u interoperabbiltà li huwa xieraq għall-iskambju ta’ informazzjoni fil-kuntest ta’ proċeduri ġudizzjarji transfruntieri. Sabiex tiġi żgurata l-interoperabbiltà mas-sistemi nazzjonali tal-IT, jenħtieġ li s-software ta’ implimentazzjoni ta’ referenza jkun jista’ jimplimenta l-istandards proċedurali diġitali, kif definiti fir-Regolament (UE) 2022/850, għall-atti legali korrispondenti elenkati fl-Annessi I u II għal dan ir-Regolament.

(23)

Sabiex tingħata assistenza rapida, sigura u effiċjenti lill-applikanti, jenħtieġ li l-komunikazzjoni bejn l-awtoritajiet kompetenti, bħall-qrati u l-awtoritajiet ċentrali stabbiliti skont ir-Regolamenti tal-Kunsill (KE) Nru 4/2009 (12) u (UE) 2019/1111 (13), bħala regola, titwettaq permezz tas-sistema tal-IT deċentralizzata.

(24)

It-trażmissjoni permezz tas-sistema tal-IT deċentralizzata tista’ tkun impossibbli minħabba interruzzjoni fis-sistema. Jenħtieġ li kwalunkwe interruzzjoni fis-sistema tkun solvuta kemm jista’ jkun malajr mill-korpi rilevanti tal-Unjoni u mill-Istati Membri. It-trażmissjoni tista’ wkoll tkun impossibbli fil-prattika minħabba n- natura fiżika jew teknika ta’ dak li jrid jiġi trażmess, bħat- trażmissjoni ta’ evidenza fiżika jew il-ħtieġa li d-dokument oriġinali jiġi trażmess f’format stampat biex tiġi vvalutata l-awtentiċità tiegħu, jew minħabba force majeure. Sitwazzjonijiet ta’ force majeure, bħala regola ġenerali, jirriżultaw minn avvenimenti imprevedibbli u inevitabbli li jinħolqu minn kawża esterna għall-awtorità kompetenti. Fejn ma tintużax is-sistema tal-IT deċentralizzata, jenħtieġ li t-trażmissjoni titwettaq bil-mezzi alternattivi l-aktar xierqa. Jenħtieġ li tali mezzi alternattivi jinkludu, fost l-oħrajn, li t-trażmissjoni ssir kemm jista’ jkun malajr u b’mod sigur permezz ta’ mezzi elettroniċi siguri oħrajn, bis-servizz postali jew bi trażmissjoni fiżika fejn tkun possibbli tali trażmissjoni.

(25)

Jenħtieġ li s-sistema tal-IT deċentralizzata tintuża b’mod awtomatiku fil-komunikazzjoni bejn l-awtoritajiet kompetenti. Madankollu, għall-finijiet li tiġi żgurata l-flessibbiltà tal-kooperazzjoni ġudizzjarja, mezzi oħra ta’ komunikazzjoni jistgħu jkunu aktar xierqa f’ċerti sitwazzjonijiet. Dan jista’ jkun il-każ fejn l-awtoritajiet kompetenti jkunu jeħtieġu komunikazzjoni personali diretta, u b’mod partikolari għall-komunikazzjoni diretta bejn il-qrati skont ir-Regolamenti (UE) 2015/848 u (UE) 2019/1111, kif ukoll għall-komunikazzjoni diretta bejn l-awtoritajiet kompetenti skont id-Deċiżjonijiet Qafas tal-Kunsill 2005/214/ĠAI (14), 2006/783/ĠAI (15), 2008/909/ĠAI (16), 2008/947/ĠAI (17), 2009/829/ĠAI (18), id-Direttiva 2014/41/UE tal-Parlament Ewropew u tal-Kunsill (19) jew ir-Regolament (UE) 2018/1805 tal-Parlament Ewropew u tal-Kunsill (20) fejn il-komunikazzjoni bejn l-awtoritajiet kompetenti tista’ titwettaq bi kwalunkwe mezz jew kwalunkwe mezz xieraq, kif previst f’dawk l-atti. F’każijiet bħal dawn, l-awtoritajiet kompetenti jistgħu jużaw mezzi ta’ komunikazzjoni inqas formali, bħall-email.

Mezzi oħra ta’ komunikazzjoni jistgħu jkunu xierqa wkoll meta l-komunikazzjoni tinvolvi t-trattament ta’ data sensittiva jew meta l-konverżjoni ta’ dokumentazzjoni voluminuża f’forma elettronika timponi piż amministrattiv sproporzjonat fuq l-awtorità kompetenti li tibgħat id-dokumentazzjoni. Meta jitqies li l-awtoritajiet kompetenti jittrattaw data sensittiva, jenħtieġ li dejjem tiġi żgurata s-sigurtà u l-affidabbiltà tal-iskambju ta’ informazzjoni meta jintgħażlu l-mezzi xierqa ta’ komunikazzjoni. Jenħtieġ li s-sistema tal-IT deċentralizzata dejjem titqies bħala l-aktar mezz xieraq għall-iskambju ta’ formoli stabbiliti skont l-atti legali elenkati fl-Annessi I u II għal dan ir-Regolament. Madankollu, il-formoli jistgħu jiġu skambjati b’mezzi oħra f’każijiet fejn l-awtoritajiet kompetenti ta’ Stati Membri differenti jkunu preżenti fl-istess post fi Stat Membru għall-fini ta’ assistenza fl-eżekuzzjoni ta’ proċeduri ta’ kooperazzjoni ġudizzjarja skont l-atti legali elenkati fl-Anness II għal dan ir-Regolament, jekk ikun meħtieġ minħabba l-urġenza tal-kwistjoni, bħal f’sitwazzjonijiet skont id-Direttiva 2014/41/UE fejn l-awtorità emittenti tassisti fl-eżekuzzjoni tal-Ordni ta’ Investigazzjoni Ewropea fl-Istat ta’ eżekuzzjoni jew fejn l-awtoritajiet kompetenti ta’ Stati Membri differenti jikkoordinaw il-proċeduri ta’ kooperazzjoni ġudizzjarja skont l-atti legali elenkati fl-Anness II għal dan ir-Regolament f’laqgħa wiċċ imb’ wiċċ.

(26)

Fir-rigward tal-komponenti tas-sistema tal-IT deċentralizzata li huma taħt ir-responsabbiltà tal-Unjoni, f’konformità mar-rekwiżiti ta’ sigurtà stabbiliti bir-Regolament (UE) 2022/850, jenħtieġ li l-entità li tiġġestixxi l-komponenti tas-sistema jkollha biżżejjed riżorsi sabiex tiżgura l-funzjonament xieraq tagħhom.

(27)

Għall-fini tal-iffaċilitar tal-aċċess minn persuni fiżiċi u ġuridiċi għall-awtoritajiet kompetenti, f’materji ċivili u kummerċjali, jenħtieġ li dan ir-Regolament jistabbilixxi punt ta’ aċċess fil-livell tal-Unjoni, “punt ta’ aċċess elettroniku Ewropew”, bħala parti mis-sistema tal-IT deċentralizzata, li jenħtieġ li jkun fih informazzjoni għall-persuni fiżiċi u ġuridiċi dwar id-dritt tagħhom għal għajnuna legali, u li permezz tiegħu jenħtieġ li jkunu jistgħu jippreżentaw talbiet, iressqu rikjesti, jibagħtu, jitolbu u jirċievu informazzjoni proċeduralment rilevanti, inkluż proċessi tal-kawżi diġitalizzati jew partijiet tagħhom, u jikkomunikaw mal-awtoritajiet kompetenti, jew iqabbdu lir-rappreżentant tagħhom jagħmel dan f’isimhom, fl-istanzi koperti minn dan ir-Regolament jew jiġu notifikati b’dokumenti ġudizzjarji jew ekstraġudizzjarji. Jenħtieġ li l-punt ta’ aċċess elettroniku Ewropew jiġi ospitat fuq il-Portal Ewropew tal-Ġustizzja elettronika, li jservi bħala punt uniku ta’ servizz għall-informazzjoni u s-servizzi ġudizzjarji fl-Unjoni.

(28)

Japplika d-dritt għal għajnuna legali jew assistenza legali kif previst mil-liġi tal-Unjoni u dik nazzjonali, b’mod partikolari d-dritt għall-għajnuna legali kif stabbilit bir-Regolament (UE) Nru 650/2012 tal-Parlament Ewropew u tal-Kunsill (21), bir-Regolamenti tal-Kunsill (KE) Nru 4/2009 u (UE) 2019/1111 u bid-Direttiva tal-Kunsill 2003/8/KE (22). Jenħtieġ li l-persuni fiżiċi u ġuridiċi jkunu jistgħu jaċċessaw informazzjoni rilevanti fuq il-Portal tal-Ġustizzja elettronika permezz ta’ links tal-punt ta’ aċċess elettroniku Ewropew.

(29)

Fil-kuntest tal-komunikazzjoni minn persuni fiżiċi u ġuridiċi mal-awtoritajiet kompetenti f’materji ċivili u kummerċjali f’kawżi transfruntieri, jenħtieġ li l-komunikazzjoni elettronika tintuża bħala alternattiva għall-mezzi ta’ komunikazzjoni eżistenti, inkluż mezzi nazzjonali, mingħajr effett fuq kif il-persuni fiżiċi jew ġuridiċi jikkomunikaw mal-awtoritajiet nazzjonali tagħhom, f’konformità mal-liġi nazzjonali. Fil-każ ta’ komunikazzjoni minn persuni ġuridiċi mal-awtoritajiet kompetenti, jenħtieġ li jitħeġġeġ l-użu b’mod awtomatiku ta’ mezzi elettroniċi. Madankollu, sabiex jiġi żgurat li l-aċċess għall-ġustizzja permezz ta’ mezzi diġitali ma jikkontribwixxix għal aktar twessigħ tad-distakk diġitali, l-għażla tal-mezzi ta’ komunikazzjoni bejn il-komunikazzjoni elettronika, kif prevista minn dan ir-Regolament, u mezzi oħra ta’ komunikazzjoni jenħtieġ li titħalla għad-diskrezzjoni tal-persuni kkonċernati. Dan huwa partikolarment importanti biex jiġu indirizzati ċ-ċirkostanzi speċifiċi ta’ persuni li jista’ ma jkollhomx il-mezzi tekniċi jew il-ħiliet diġitali meħtieġa biex jaċċessaw is-servizzi diġitali u persuni b’diżabbiltà, peress li l-Istati Membri u l-Unjoni impenjaw ruħhom li jieħdu miżuri xierqa f’konformità mal-Konvenzjoni tan-Nazzjonijiet Uniti dwar id-Drittijiet ta’ Persuni b’Diżabbiltà.

(30)

Sabiex jittejbu l-komunikazzjoni u t-trażmissjoni elettroniċi transfruntieri tad-dokumenti permezz tas-sistema tal-IT deċentralizzata, inkluż permezz tal-punt ta’ aċċess elettroniku Ewropew, jenħtieġ li d-dokumenti trażmessi permezz tas-sistema tal-IT deċentralizzata ma jiġux miċħuda effett legali u jenħtieġ li ma jitqisux inammissibbli fil-proċedimenti biss minħabba li jkunu f’forma elettronika. Madankollu, jenħtieġ li dak il-prinċipju jkun mingħajr preġudizzju għall-valutazzjoni tal-effetti legali jew l-ammissibbiltà ta’ dawk id-dokumenti, li jistgħu jikkostitwixxu evidenza f’konformità mal-liġi nazzjonali.

(31)

Sabiex jiġu ffaċilitati s-seduti ta’ smigħ orali fi proċedimenti f’materji ċivili, kummerċjali u kriminali b’implikazzjonijiet transfruntieri, jenħtieġ li dan ir-Regolament jipprevedi l-użu fakultattiv ta’ vidjokonferenza jew teknoloġija oħra ta’ komunikazzjoni mill-bogħod.

(32)

Jenħtieġ li l-vidjokonferenza jew teknoloġija oħra ta’ komunikazzjoni mill-bogħod tippermetti lill-awtorità kompetenti tawtentika l-identità tal-persuni li għandhom jinstemgħu jew tippermetti l-komunikazzjoni viżiva, awdjo u orali matul is-seduta ta’ smigħ. Jenħtieġ li sempliċi telefonata ma titqiesx bħala teknoloġija xierqa ta’ komunikazzjoni mill-bogħod għal seduti ta’ smigħ orali. Jenħtieġ li t-teknoloġija użata tissodisfa l-istandards applikabbli għall-protezzjoni tad-data personali, tal-kunfidenzjalità tal-komunikazzjonijiet u tas-sigurtà tad-data, irrispettivament mit-tip ta’ seduta ta’ smigħ li tintuża għaliha.

(33)

Jenħtieġ li t-twettiq ta’ seduta ta’ smigħ permezz ta’ vidjokonferenza jew teknoloġija oħra ta’ komunikazzjoni mill-bogħod ma jiġix irrifjutat biss għaliex ma jeżistux regoli nazzjonali li jirregolaw l-użu ta’ teknoloġija ta’ komunikazzjoni mill-bogħod. F’każ bħal dan, jenħtieġ li japplikaw mutatis mutandis ir-regoli l-aktar xierqa disponibbli skont il-liġi nazzjonali, bħar-regoli għall-kumpilazzjoni tax-xhieda.

(34)

Jeħtieġ li d-dritt għall-interpretazzjoni ma jkunx affettwat minn dan ir-Regolament u jenħtieġ li l-vidjokonferenza jew teknoloġija oħra ta’ komunikazzjoni mill-bogħod użati fi proċedimenti f’materji ċivili, kummerċjali jew kriminali jippermettu l-użu tal-interpretazzjoni.

(35)

Sabiex jiġu ffaċilitati s-seduti ta’ smigħ orali fi proċedimenti f’materji ċivili u kummerċjali b’implikazzjonijiet transfruntieri, jenħtieġ li dan ir-Regolament jipprevedi l-użu fakultattiv ta’ vidjokonferenza jew teknoloġija oħra ta’ komunikazzjoni mill-bogħod għall-parteċipazzjoni tal-partijiet jew tar-rappreżentanti tagħhom f’tali seduti ta’ smigħ, soġġett għad-disponibbiltà tat-teknoloġija rilevanti, il-possibbiltà li l-partijiet jippreżentaw opinjoni dwar l-użu ta’ tali teknoloġija u l-adegwatezza tal-użu ta’ tali teknoloġija fiċ-ċirkostanzi speċifiċi tal-kawża. Jenħtieġ li dan ir-Regolament ma jipprekludi la l-persuni li jassistu parti u lanqas prosekuturi pubbliċi f’materji ċivili u kummerċjali milli jattendu s-seduti ta’ smigħ permezz ta’ vidjokonferenza jew teknoloġija oħra ta’ komunikazzjoni mill-bogħod, f’konformità mal-liġi nazzjonali applikabbli.

(36)

Jenħtieġ li l-proċedura għall-bidu u t-twettiq ta’ seduti ta’ smigħ permezz ta’ vidjokonferenza jew teknoloġija oħra ta’ komunikazzjoni mill-bogħod tkun irregolata, f’materji ċivili u kummerċjali, mil-liġi tal-Istat Membru fejn iseħħu l-proċedimenti. Fejn ir-reġistrazzjoni tas-seduti ta’ smigħ hija prevista skont il-liġi nazzjonali tal-Istat Membru li jwettaq is-seduta ta’ smigħ f’materji ċivili jew kummerċjali, jenħtieġ li l-partijiet jiġu infurmati b’dawk id-dispożizzjonijiet, u, fejn previst, bil-possibbiltà għalihom li joġġezzjonaw għar-reġistrazzjoni.

(37)

Jenħtieġ li, meta tiddeċiedi jekk tippermettix il-parteċipazzjoni tal-partijiet u tar-rappreżentanti tagħhom f’seduta ta’ smigħ f’materji ċivili u kummerċjali permezz ta’ vidjokonferenza jew teknoloġija oħra ta’ komunikazzjoni mill-bogħod, l-awtorità kompetenti tagħżel metodu xieraq biex tesplora l-opinjonijiet tal-partijiet f’konformità mal-liġi proċedurali nazzjonali.

(38)

Fejn awtorità kompetenti fi proċedimenti f’materji ċivili jew kummerċjali tkun iddeċidiet li tippermetti l-parteċipazzjoni ta’ mill-inqas waħda mill-partijiet jew persuni oħra f’seduta ta’ smigħ permezz ta’ vidjokonferenza, jenħtieġ li dik l-awtorità kompetenti tiżgura li tali persuni jkollhom aċċess għal dik is-seduta’ smigħ permezz ta’ vidjokonferenza. B’mod partikolari, jenħtieġ li l-awtorità kompetenti tibgħat link lil tali persuni biex ikunu jistgħu jipparteċipaw f’dik il-vidjokonferenza u tipprovdi assistenza teknika. Pereżempju, jenħtieġ li l-awtorità kompetenti tipprovdi struzzjonijiet dwar is-software li ser jintuża u torganizza, fejn meħtieġ, test tekniku qabel is-seduta ta’ smigħ. Jenħtieġ li l-awtorità kompetenti tqis il-ħtiġijiet speċifiċi tal-persuni b’diżabbiltà.

(39)

Fejn minuri jipparteċipaw fi proċedimenti f’materji ċivili jew kummerċjali, b’mod partikolari bħala parti, skont il-liġi nazzjonali, jenħtieġ li l-minuri jkunu jistgħu jipparteċipaw fis-seduta ta’ smigħ permezz ta’ vidjokonferenza jew teknoloġija oħra ta’ komunikazzjoni mill-bogħod prevista minn dan ir-Regolament, filwaqt li jitqiesu d-drittijiet proċedurali tagħhom. Min-naħa l-oħra, meta l-minuri jkunu qed jipparteċipa fil-proċedimenti għall-fini ta’ kumpilazzjoni ta’ xhieda f’materji ċivili jew kummerċjali, pereżempju fejn il-minuri ikunu ser jinstemgħu bħala xhud, il-minuri jistgħu jinstemgħu wkoll permezz ta’ vidjokonferenza jew teknoloġija oħra ta’ komunikazzjoni mill-bogħod f’konformità mar-Regolament (UE) 2020/1783.

(40)

Fejn awtorità kompetenti titlob il-parteċipazzjoni ta’ persuna għall-fini ta’ kumpilazzjoni ta’ xhieda f’materji ċivili jew kummerċjali, jenħtieġ li l-parteċipazzjoni ta’ tali persuna fis-seduta ta’ smigħ permezz ta’ vidjokonferenza jew teknoloġija oħra ta’ komunikazzjoni mill-bogħod tkun irregolata mir-Regolament (UE) 2020/1783.

(41)

Jenħtieġ li dan ir-Regolament ma japplikax għall-użu ta’ vidjokonferenza jew teknoloġija oħra ta’ komunikazzjoni mill-bogħod f’materji ċivili u kummerċjali fejn tali użu jkun diġà previst fl-atti legali elenkati fl-Anness I, jew f’materji li ma għandhomx implikazzjonijiet transfruntieri. Minbarra dan, jenħtieġ li dan ir-Regolament ma japplikax għall-użu ta’ vidjokonferenza jew għal teknoloġija oħra ta’ komunikazzjoni mill-bogħod fi proċeduri ta’ awtentikazzjoni notarili.

(42)

F’materji kriminali, jenħtieġ li l-proċedura għall-bidu u t-twettiq ta’ seduti ta’ smigħ permezz ta’ vidjokonferenza jew teknoloġija oħra ta’ komunikazzjoni mill-bogħod tkun irregolata mil-liġi tal-Istat Membru li jwettaq is-seduta ta’ smigħ. Jenħtieġ li l-Istat Membru li jwettaq is-seduta ta’ smigħ permezz ta’ vidjokonferenza jew teknoloġija oħra ta’ komunikazzjoni mill-bogħod jinftiehem bħala l-Istat Membru li talab l-użu ta’ vidjokonferenza jew teknoloġija oħra ta’ komunikazzjoni mill-bogħod.

(43)

Jenħtieġ li r-regoli stabbiliti f’dan ir-Regolament dwar l-użu ta’ vidjokonferenza jew teknoloġija oħra ta’ komunikazzjoni mill-bogħod għal seduti ta’ smigħ fi proċeduri ta’ kooperazzjoni ġudizzjarja f’materji kriminali ma japplikawx għal seduti ta’ smigħ permezz ta’ vidjokonferenza jew teknoloġija oħra ta’ komunikazzjoni mill-bogħod għall-finijiet ta’ kumpilazzjoni ta’ xhieda jew tal-organizzazzjoni ta’ proċess li jista’ jirriżulta f’deċiżjoni dwar il-ħtija jew l-innoċenza ta’ persuna suspettata jew akkużata. Jenħtieġ li dan ir-Regolament ikun mingħajr preġudizzju għad-Direttiva 2014/41/UE, il-Konvenzjoni dwar Assistenza Reċiproka f’Materji Kriminali bejn l-Istati Membri tal-Unjoni Ewropea, u għad-Deċiżjoni Kwadru tal-Kunsill 2002/465/ĠAI (23).

(44)

Sabiex jiġu salvagwardjati d-dritt għal proċess ġust u d-drittijiet tad-difiża, jenħtieġ li l-persuna suspettata, akkużata jew ikkundannata, jew persuna affettwata, kif definit fir-Regolament (UE) 2018/1805, għajr persuna suspettata jew akkużata jew ikkundannata, tagħti l-kunsens tagħha għall-użu ta’ vidjokonferenza jew teknoloġija oħra ta’ komunikazzjoni mill-bogħod għal seduta ta’ smigħ fi proċeduri ta’ kooperazzjoni ġudizzjarja f’materji kriminali. Jenħtieġ li jkun possibbli għall-awtorità kompetenti li tidderoga mir-rekwiżit li tfittex il-kunsens tal-persuna suspettata, tal-persuna akkużata jew ikkundannata jew tal-persuna affettwata, biss f’ċirkostanzi eċċezzjonali li fihom tali deroga tkun debitament ġustifikata minn theddid serju għas-sigurtà pubblika u għas-saħħa pubblika, li jintwera li huwa ġenwin u preżenti jew prevedibbli. Jenħtieġ li l-użu ta’ eżenzjoni fir-rigward tat-tfittxija ta’ kunsens għall-vidjokonferenza jkun limitat għal dak li huwa meħtieġ u jenħtieġ li jirrispetta bis-sħiħ il-Karta tad-Drittijiet Fundamentali tal-Unjoni Ewropea (il-“Karta”). Fin-nuqqas ta’ tfittxija għall-kunsens, jenħtieġ li l-persuna suspettata, il-persuna akkużata jew ikkundannata jew il-persuna affettwata jkollha l-possibbiltà li titlob rieżami f’konformità mal-liġi nazzjonali u f’konformità sħiħa mal-Karta.

(45)

Jenħtieġ li, fejn id-drittijiet ta’ persuna suspettata, jew ta’ persuna akkużata jew ikkundannata jinkisru fil-kuntest ta’ seduta ta’ smigħ permezz ta’ vidjokonferenza jew teknoloġija oħra ta’ komunikazzjoni mill-bogħod, l-aċċess għal rimedju effettiv jiġi garantit f’konformità mal-Artikolu 47 tal-Karta. Jenħtieġ li l-aċċess għal rimedju effettiv ikun garantit ukoll għal persuni affettwati, għajr persuna suspettata jew persuna akkużata jew ikkundannata, fil-kuntest tas-seduta ta’ smigħ tagħhom permezz ta’ vidjokonferenza jew teknoloġija oħra ta’ komunikazzjoni mill-bogħod fi proċedimenti skont ir-Regolament (UE) 2018/1805.

(46)

Jenħtieġ li l-awtoritajiet kompetenti responsabbli għal seduta ta’ smigħ permezz ta’ vidjokonferenza jew teknoloġija oħra ta’ komunikazzjoni mill-bogħod f’materji kriminali jiżguraw li l-komunikazzjoni bejn il-persuna suspettata, il-persuna akkużata jew ikkundannata jew il-persuna affettwata fi proċedimenti skont ir-Regolament (UE) 2018/1805 u l-avukat tagħha, kemm immedjatament qabel kif ukoll matul is-seduta ta’ smigħ, tkun kunfidenzjali f’konformità mal-liġi nazzjonali applikabbli.

(47)

Meta seduta ta’ smigħ permezz ta’ vidjokonferenza jew teknoloġija oħra ta’ komunikazzjoni mill-bogħod tkun organizzata f’materji kriminali, jenħtieġ li l-awtorità kompetenti li tirċievi t-talba sabiex torganizza tali seduta ta’ smigħ (l-“awtorità kompetenti li ssirilha t-talba”) tiżgura li l-persuna suspettata, il-persuna akkużata jew ikkundannata, jew il-persuna affettwata kif definit fir-Regolament (UE) 2018/1805, inkluż persuni b’diżabbiltà, ikollhom aċċess għall-infrastruttura meħtieġa biex jużaw il-vidjokonferenza jew teknoloġija oħra ta’ komunikazzjoni mill-bogħod. Jenħtieġ li dan jinkludi responsabbiltà li jingħata aċċess, pereżempju, għall-bini fejn għandha ssir is-seduta ta’ smigħ u għat-tagħmir tekniku disponibbli. Meta t-tagħmir tekniku ma jkunx disponibbli fil-bini tal-awtorità kompetenti li ssirilha t-talba, jenħtieġ li jkun possibbli għal dik l-awtorità li tagħmel l-arranġamenti prattiċi billi torganizza s-seduta ta’ smigħ fil-bini ta’ awtorità oħra għall-fini li s-seduta ta’ smigħ issir permezz ta’ vidjokonferenza jew teknoloġija oħra ta’ komunikazzjoni mill-bogħod, jekk possibbli f’konformità mal-proċeduri nazzjonali.

(48)

Ir-Regolament (UE) Nru 910/2014 tal-Parlament Ewropew u tal-Kunsill (24) jistabbilixxi qafas regolatorju komuni tal-Unjoni għar-rikonoxximent ta’ mezzi ta’ identifikazzjoni elettronika u servizzi fiduċjarji elettroniċi (“servizzi fiduċjarji e-IDAS”), b’mod partikolari firem elettroniċi, siġilli elettroniċi, kronogrammi, servizzi ta’ konsenja elettroniċi u awtentikazzjoni ta’ siti web, li huma rikonoxxuti bejn il-fruntieri bħala li għandhom l-istess status legali bħall-ekwivalenti fiżiċi tagħhom. Għalhekk, jenħtieġ li dan ir-Regolament jipprovdi għall-użu tas-servizzi fiduċjarji e-IDAS għall-finijiet tal-komunikazzjoni diġitali.

(49)

Jenħtieġ li, meta dokument trażmess bħala parti mill-komunikazzjoni elettronika prevista f’dan ir-Regolament ikun jeħtieġ siġill jew firma, l-awtoritajiet kompetenti jużaw siġill elettroniku jew firma elettronika kwalifikata kif definita fir-Regolament (UE) Nru 910/2014 u jenħtieġ li persuni fiżiċi jew ġuridiċi jużaw firma elettronika kwalifikata jew identifikazzjoni elettronika kwalifikata. Madankollu, jenħtieġ li dan ir-Regolament ma jaffettwax ir-rekwiżiti formali applikabbli għad-dokumenti prodotti b’appoġġ għal talba, li jistgħu jkunu oriġinali diġitali jew kopji ċċertifikati. Jenħtieġ ukoll li dan ir-Regolament ikun mingħajr preġudizzju għal-liġi nazzjonali rigward il-konverżjoni ta’ dokumenti u għal kwalunkwe rekwiżit rigward l-awtentiċità, il-preċiżjoni, l-affidabbiltà, il-kredibbiltà u l-forma ġuridika xierqa tad-dokumenti jew tal-informazzjoni, ħlief fir-rigward tal-kundizzjonijiet relatati mal-komunikazzjoni b’mezzi diġitali introdotti minn dan ir-Regolament.

(50)

Għall-finijiet tal-iffaċilitar tal-pagament tat-tariffi f’każijiet b’implikazzjonijiet transfruntieri li jaqgħu fil-kamp ta’ applikazzjoni tal-atti legali tal-Unjoni f’materji ċivili u kummerċjali elenkati fl-Anness I, jenħtieġ li l-mezzi tekniċi ta’ pagament elettroniku tat-tariffi jikkonformaw mar-regoli applikabbli dwar l-aċċessibbiltà. Jenħtieġ li l-użu ta’ metodi ta’ pagament disponibbli b’mod wiesa’ madwar l-Unjoni, bħal kards ta’ kreditu, kards ta’ debitu, portafoll elettroniku u trasferimenti bankarji jkunu possibbli f’ambjent online u aċċessibbli permezz tal-punt ta’ aċċess elettroniku Ewropew.

(51)

Għall-finijiet li tiġi żgurata l-kisba sħiħa tal-objettivi ta’ dan ir-Regolament u għall-allinjament tal-atti legali eżistenti tal-Unjoni f’materji ċivili, kummerċjali u kriminali ma’ dan ir-Regolament, jenħtieġ li dan ir-Regolament jintroduċi emendi fl-atti legali li ġejjin: Ir-Regolamenti (KE) Nru 805/2004 (25), (KE) Nru 1896/2006 (26), (KE) Nru 861/2007 (27), (UE) Nru 606/2013 (28), (UE) Nru 655/2014 (29), (UE) 2015/848 u (UE) 2018/1805 tal-Parlament Ewropew u tal-Kunsill. Dawk l-emendi jfittxu li jiżguraw li l-komunikazzjoni ssir f’konformità mar-regoli u l-prinċipji stabbiliti f’dan ir-Regolament. L-emendi għad-Direttivi u d-Deċiżjonijiet Qafas f’materji ċivili, kummerċjali u kriminali huma introdotti fid-Direttiva (UE) 2023/2843 tal-Parlament Ewropew u tal-Kunsill (30).

(52)

F’konformità mal-paragrafi 22 u 23 tal-Ftehim Interistituzzjonali tat- 13 ta’ April 2016 dwar it-Tfassil Aħjar tal-Liġijiet (31), jenħtieġ li l-Kummissjoni tevalwa dan ir-Regolament abbażi tal-informazzjoni miġbura permezz ta’ arranġamenti ta’ monitoraġġ speċifiċi, inkluż valutazzjonijiet kwantitattivi u kwalitattivi għal kull wieħed mill-atti legali elenkati fl-Annessi I u II għal dan ir-Regolament sabiex tivvaluta l-effetti reali ta’ dan ir-Regolament fuq il-post, b’mod partikolari biex teżamina l-impatt fuq l-effiċjenza u l-effettività tad-diġitalizzazzjoni tal-kooperazzjoni ġudizzjarja transfruntiera u l-ħtieġa ta’ kwalunkwe azzjoni ulterjuri.

(53)

Jenħtieġ li s-software ta’ implimentazzjoni ta’ referenza żviluppat mill-Kummissjoni bħala sistema back-end jiġbor b’mod programmatiku d-data meħtieġa għall-finijiet ta’ monitoraġġ u jenħtieġ li tali data tiġi trażmessa lill-Kummissjoni. Meta l-Istati Membri jagħżlu li jużaw sistema tal-IT nazzjonali minflok is-software ta’ implimentazzjoni ta’ referenza żviluppat mill-Kummissjoni, dik is-sistema tista’ tiġi mgħammra sabiex tiġbor b’mod programmatiku dik id-data u, f’dak il-każ, jenħtieġ li dik id-data tiġi trażmessa lill-Kummissjoni. Il-konnettur e-CODEX jista’ jkun mgħammar ukoll b’funzjonalità li tippermetti l-irkupru ta’ data statistika rilevanti.

(54)

F’każijiet fejn id-data dwar l-għadd ta’ seduti ta’ smigħ li fihom intużat vidjokonferenza ma tistax tinġabar awtomatikament, u għall-fini li jiġi limitat il-piż amministrattiv addizzjonali tal-ġbir tad-data, jenħtieġ li kull Stat Membru jaħtar tal-anqas qorti jew awtorità kompetenti waħda għall-fini li jiġi stabbilit kampjun ta’ monitoraġġ. Jenħtieġ li l-qorti jew l-awtorità kompetenti maħtura tingħata l-kompitu li tiġbor u tipprovdi lill-Kummissjoni b’tali data dwar is-seduti ta’ smigħ tagħha stess, li jenħtieġ li sservi sabiex tipprovdi stima dwar l-ammont ta’ data meħtieġa għall-evalwazzjoni ta’ dan ir-Regolament għal Stat Membru partikolari. Jenħtieġ li l-qorti jew l-awtorità kompetenti maħtura tkun kompetenti biex twettaq seduti ta’ smigħ permezz ta’ vidjokonferenza f’konformità ma’ dan ir-Regolament. F’oqsma fejn awtoritajiet, li mhumiex qrati jew prosekuturi, jitqiesu awtoritajiet kompetenti skont it-tifsira ta’ dan ir-Regolament, bħan-nutara, jenħtieġ li l-kampjun ta’ monitoraġġ deżinjat ikun rappreżentattiv ukoll tal-implimentazzjoni tagħhom tar-Regolament.

(55)

L-applikazzjoni ta’ dan ir-Regolament hija mingħajr preġudizzju għas-separazzjoni tas-setgħat u l-indipendenza tal-ġudikatura fl-Istati Membri, kif ukoll għad-drittijiet proċedurali kif minquxa fil-Karta u fil-liġi tal-Unjoni, bħad-direttivi dwar id-drittijiet proċedurali, jiġifieri d-Direttivi 2010/64/UE (32), 2012/13/UE (33), 2013/48/UE (34), (UE) 2016/343 (35), (UE) 2016/800 (36), (UE) 2016/1919 (37) tal-Parlament Ewropew u tal-Kunsill, u b’mod partikolari għad-dritt għal interpretazzjoni, id-dritt ta’ aċċess għal avukat, id-dritt ta’ aċċess għall-fajl tal-kawża, id-dritt għal għajnuna legali, id-dritt għall-preżenza waqt il-proċess.

(56)

Ir-Regolamenti (UE) 2016/679 u (UE) 2018/1725 u d-Direttiva (UE) 2016/680 japplikaw għall-ipproċessar ta’ data personali mwettaq fis-sistema tal-IT deċentralizzata. Sabiex tiġi ċċarata r-responsabbiltà għall-ipproċessar ta’ data personali mibgħuta jew riċevuta permezz tas-sistema tal-IT deċentralizzata, jenħtieġ li dan ir-Regolament jindika min għandu jitqies bħala l-kontrollur tad-data personali. Għal dak il-għan, jenħtieġ li kull entità mittenti jew riċeventi titqies li ddeterminat l-għan u l-mezzi tal-ipproċessar tad-data personali separatament.

(57)

Sabiex jiġu żgurati kundizzjonijiet uniformi għall-implimentazzjoni ta’ dan ir-Regolament fir-rigward tal-istabbiliment tas-sistema tal-IT deċentralizzata, jenħtieġ li jingħataw setgħat ta’ implimentazzjoni lill-Kummissjoni. Jenħtieġ li dawk is-setgħat ikunu eżerċitati f’konformità mar-Regolament (UE) Nru 182/2011 tal-Parlament Ewropew u tal-Kunsill (38). Jenħtieġ li l-atti ta’ implimentazzjoni jippermettu lill-Istati Membri jadattaw is-sistemi tal-IT nazzjonali rilevanti tagħhom għall-fini ta’ konnessjoni mas-sistema tal-IT deċentralizzata.

(58)

Minħabba li l-objettivi ta’ dan ir-Regolament, b’mod partikolari d-diġitalizzazzjoni armonizzata tal-kooperazzjoni ġudizzjarja transfruntiera, ma jistgħux jinkisbu b’mod suffiċjenti mill-Istati Membri li jaġixxu waħedhom, minħabba, fost oħrajn, li mhijiex possibbli li tiġi ggarantita l-interoperabbiltà tas-sistemi tal-IT tal-Istati Membri u tal-korpi u l-aġenziji tal-Unjoni, iżda jistgħu pjuttost, minħabba azzjoni koordinata tal-Unjoni, jinkisbu aħjar fil-livell tal-Unjoni, l-Unjoni tista’ tadotta miżuri, f’konformità mal-prinċipju ta’ sussidjarjetà kif stabbilit fl-Artikolu 5 tat-Trattat dwar l-Unjoni Ewropea (TUE). F’konformità mal-prinċipju ta’ proporzjonalità kif stabbilit f’dak l-Artikolu, dan ir-Regolament ma jmurx lil hinn minn dak li huwa meħtieġ sabiex jinkisbu dawk l-objettivi.

(59)

F’konformità mal-Artikoli 1 u 2 tal-Protokoll Nru 22 dwar il-pożizzjoni tad-Danimarka, anness mat-TUE u mat-Trattat dwar il-Funzjonament tal-Unjoni Ewropea (TFUE), id-Danimarka mhix qed tieħu sehem fl-adozzjoni ta’ dan ir-Regolament u mhix marbuta bih jew soġġetta għall-applikazzjoni tiegħu.

(60)

F’konformità mal-Artikoli 1 u 2 u l-Artikolu 4a(1) tal-Protokoll Nru 21 dwar il-pożizzjoni tar-Renju Unit u l-Irlanda fir-rigward tal-Ispazju ta’ Libertà, Sigurtà u Ġustizzja, anness mat-TUE u mat-TFUE, u mingħajr preġudizzju għall-Artikolu 4 ta’ dak il-Protokoll, l-Irlanda mhix qed tieħu sehem fl-adozzjoni ta’ dan ir-Regolament u mhix marbuta bih jew soġġetta għall-applikazzjoni tiegħu.

(61)

Il-Kontrollur Ewropew għall-Protezzjoni tad-Data ġie kkonsultat skont l-Artikolu 42(1) tar-Regolament (KE) 2018/1725 u ta l-kummenti formali tiegħu fil-25 ta’ Jannar 2022,

ADOTTAW DAN IR-REGOLAMENT:

KAPITOLU I

DISPOŻIZZJONIJIET ĠENERALI

Artikolu 1

Suġġett u kamp ta’ applikazzjoni

1.   Dan ir-Regolament jistabbilixxi qafas legali uniformi għall-użu tal-mezzi ta’ komunikazzjoni elettronika bejn l-awtoritajiet kompetenti fi proċeduri ta’ kooperazzjoni ġudizzjarja f’materji ċivili, kummerċjali u kriminali u għall-użu tal-mezzi ta’ komunikazzjoni elettronika bejn il-persuni fiżiċi jew ġuridiċi u l-awtoritajiet kompetenti fil-proċeduri ġudizzjarji f’materji ċivili u kummerċjali.

Barra minn hekk, jistabbilixxi regoli dwar:

(a)

l-użu tal-vidjokonferenza jew teknoloġija oħra ta’ komunikazzjoni mill-bogħod għal finijiet oħra minbarra l-kumpilazzjoni tax-xhieda skont ir-Regolament (UE) 2020/1783;

(b)

l-applikazzjoni tal-firem elettroniċi u s-siġilli elettroniċi;

(c)

l-effetti legali tad-dokumenti elettroniċi;

(d)

il-pagament elettroniku tat-tariffi.

2.   Dan ir-Regolament japplika għall-komunikazzjoni elettronika fi proċeduri ta’ kooperazzjoni ġudizzjarja f’materji ċivili, kummerċjali u kriminali, kif previst fl-Artikoli 3 u 4, u seduti ta’ smigħ permezz ta’ vidjokonferenza jew mezzi oħra ta’ teknoloġija ta’ komunikazzjoni mill-bogħod f’materji ċivili, kummerċjali u kriminali, kif previst fl-Artikoli 5 u 6.

Artikolu 2

Definizzjonijiet

Għall-finijiet ta’ dan ir-Regolament, japplikaw id-definizzjonijiet li ġejjin:

(1)

“awtorità kompetenti” tfisser qorti, uffiċċju ta’ prosekutur pubbliku, awtorità ċentrali u awtoritajiet kompetenti oħra definiti, maħturin jew li huma soġġetti għal notifika f’konformità mal-atti legali elenkati fl-Annessi I u II, kif ukoll korpi u aġenziji tal-Unjoni li jieħdu sehem fi proċeduri ta’ kooperazzjoni ġudizzjarja f’konformità mal-atti legali elenkati fl-Anness II; għall-finijiet tal-Artikolu 5, “awtorità kompetenti” tfisser ukoll kwalunkwe qorti jew awtorità oħra kompetenti skont il-liġi tal-Unjoni jew dik nazzjonali biex twettaq seduti ta’ smigħ permezz ta’ vidjokonferenza jew teknoloġija oħra ta’ komunikazzjoni mill-bogħod f’materji ċivili u kummerċjali; għall-finijiet tal-Artikolu 6, “awtorità kompetenti” tfisser ukoll kwalunkwe qorti jew awtorità oħra li tieħu sehem fil-proċeduri stipulati fl-atti legali elenkati fl-Anness II;

(2)

“komunikazzjoni elettronika” tfisser l-iskambju diġitali ta’ informazzjoni fuq l-internet jew network ieħor ta’ komunikazzjoni elettronika;

(3)

“sistema tal-IT deċentralizzata” tfisser network ta’ sistemi tal-IT u punti ta’ aċċess interoperabbli, li joperaw taħt ir-responsabbiltà u l-ġestjoni individwali ta’ kull Stat Membru, korp jew aġenzija tal-Unjoni, li jippermetti l-iskambju transfruntier sigur u affidabbli ta’ informazzjoni;

(4)

“punt ta’ aċċess elettroniku Ewropew” tfisser portal li huwa aċċessibbli għal persuni fiżiċi u ġuridiċi jew ir-rappreżentanti tagħhom, fl-Unjoni kollha, u huwa kkonnettjat ma’ punt ta’ aċċess interoperabbli fil-kuntest tas-sistema tal-IT deċentralizzata;

(5)

“tariffi” tfisser pagamenti imposti mill-awtoritajiet kompetenti fil-kuntest tal-proċedimenti skont l-atti legali elenkati fl-Anness I;

(6)

“vidjokonferenza” tfisser teknoloġija ta’ trażmissjoni awdjoviżiva li tippermetti komunikazzjoni bidirezzjonali u simultanja ta’ immaġni u ħoss, u b’hekk tippermetti interazzjoni viżiva, awdjo u orali.

KAPITOLU II

KOMUNIKAZZJONI BEJN L-AWTORITAJIET KOMPETENTI

Artikolu 3

Mezzi ta’ komunikazzjoni bejn l-awtoritajiet kompetenti

1.   Il-komunikazzjoni skont l-atti legali elenkati fl-Anness I bejn l-awtoritajiet kompetenti ta’ Stati Membri differenti, u, skont l-atti legali elenkati fl-Anness II, bejn awtoritajiet kompetenti ta’ Stati Membri differenti u bejn awtorità kompetenti nazzjonali u korp jew aġenzija tal-Unjoni, inkluż l-iskambju ta’ formoli stipulati b’dawk l-atti, għandha titwettaq permezz ta’ sistema tal-IT deċentralizzata sigura, effiċjenti u affidabbli.

2.   Il-komunikazzjoni tista’, madankollu, titwettaq mill-awtoritajiet kompetenti b’mezzi alternattivi fejn il-komunikazzjoni elettronika skont il-paragrafu 1 ma tkunx possibbli minħabba:

(a)

l-interruzzjoni fis-sistema tal-IT deċentralizzata;

(b)

in-natura fiżika jew teknika tal-materjal trażmess; jew

(c)

force majeure.

Għall-finijiet tal-ewwel subparagrafu, l-awtoritajiet kompetenti għandhom jiżguraw li l-mezzi alternattivi ta’ komunikazzjoni użati jkunu l-aktar rapidi u xierqa u li jiżguraw skambju sigur u affidabbli ta’ informazzjoni.

3.   Minbarra l-eċċezzjonijiet imsemmija fil-paragrafu 2, fejn l-użu tas-sistema tal-IT deċentralizzata ma jkunx xieraq f’sitwazzjoni partikolari, jista’ jintuża kwalunkwe mezz ieħor ta’ komunikazzjoni. L-awtoritajiet kompetenti għandhom jiżguraw li l-iskambju ta’ informazzjoni skont dan il-paragrafu jseħħ b’mod sigur u affidabbli.

4.   Il-paragrafu 3 ma għandux japplika għall-iskambju ta’ formoli previsti bl-atti legali elenkati fl- Annessi I u II.

F’kawżi fejn l-awtoritajiet kompetenti ta’ Stati Membri differenti jkunu preżenti fl-istess post fi Stat Membru bl-għan li jassistu fl-eżekuzzjoni ta’ proċeduri ta’ kooperazzjoni ġudizzjarja skont l-atti legali elenkati fl-Anness II, huma jistgħu jiskambjaw il-formoli b’mezzi oħra xierqa jekk dan ikun neċessarju minħabba l-urġenza tal-kwistjoni. L-awtoritajiet kompetenti għandhom jiżguraw li l-iskambju ta’ formoli msemmi f’dan is-subparagrafu jseħħ b’mod sigur u affidabbli.

5.   Dan l-Artikolu huwa mingħajr preġudizzju għad-dispożizzjonijiet proċedurali applikabbli fil-liġi tal-Unjoni u dik nazzjonali dwar l-ammissibbiltà tad-dokumenti, bl-eċċezzjoni tar-rekwiżiti relatati mal-mezzi ta’ komunikazzjoni.

6.   Kull Stat Membru jista’ jiddeċiedi li juża s-sistema tal-IT deċentralizzata għall-komunikazzjoni bejn l-awtoritajiet nazzjonali tiegħu f’kawżi li jaqgħu fil-kamp ta’ applikazzjoni tal-atti legali elenkati fl-Anness I jew II.

7.   Il-korpi jew l-aġenziji tal-Unjoni jistgħu jiddeċiedu li jużaw is-sistema tal-IT deċentralizzata għall-komunikazzjoni fi ħdan il-korp jew l-aġenzija f’kawżi li jaqgħu fil-kamp ta’ applikazzjoni tal-atti legali elenkati fl-Anness II.

KAPITOLU III

KOMUNIKAZZJONI BEJN PERSUNI FIŻIĊI JEW ĠURIDIĊI U AWTORITAJIET KOMPETENTI F’MATERJI ĊIVILI U KUMMERĊJALI

Artikolu 4

Punt ta’ aċċess elettroniku Ewropew

1.   Għandu jiġi stabbilit punt ta’ aċċess elettroniku Ewropew fuq il-Portal Ewropew tal-Ġustizzja Elettronika.

2.   Il-punt ta’ aċċess elettroniku Ewropew jista’ jintuża għall-komunikazzjoni elettronika bejn persuni fiżiċi jew ġuridiċi jew ir-rappreżentanti tagħhom u l-awtoritajiet kompetenti fil-każijiet li ġejjin:

(a)

il-proċeduri previsti fir-Regolamenti (KE) Nru 1896/2006, (KE) Nru 861/2007 u (UE) Nru 655/2014;

(b)

il-proċeduri previsti fir-Regolament (KE) Nru 805/2004;

(c)

il-proċedimenti għar-rikonoxximent, id-dikjarazzjoni ta’ eżegwibbiltà jew ir-rifjut ta’ rikonoxximent previsti fir-Regolamenti (UE) Nru 650/2012, (UE) Nru 1215/2012 (39) u (UE) Nru 606/2013 tal-Parlament Ewropew u tal-Kunsill u r-Regolamenti tal-Kunsill (KE) Nru 4/2009, (UE) 2016/1103 (40), (UE) 2016/1104 (41) u (UE) 2019/1111;

(d)

proċeduri relatati mal-ħruġ, ir-rettifika u l-irtirar ta’:

(i)

l-estratti previsti fir-Regolament (KE) Nru 4/2009,

(ii)

iċ-Ċertifikat Ewropew tas-Suċċessjoni u l-attestazzjonijiet previsti fir-Regolament (UE) Nru 650/2012,

(iii)

iċ-ċertifikati previsti fir-Regolament (UE) Nru 1215/2012,

(iv)

iċ-ċertifikati previsti fir-Regolament (UE) Nru 606/2013,

(v)

l-attestazzjonijiet previsti fir-Regolament (UE) 2016/1103,

(vi)

l-attestazzjonijiet previsti fir-Regolament (UE) 2016/1104,

(vii)

iċ-ċertifikati previsti fir-Regolament (UE) 2019/1111;

(e)

il-preżentazzjoni ta’ talba minn kreditur barrani f’proċedimenti ta’ insolvenza skont l-Artikolu 53 tar-Regolament (UE) 2015/848;

(f)

komunikazzjoni bejn persuni fiżiċi jew ġuridiċi jew ir-rappreżentanti tagħhom mal-Awtoritajiet Ċentrali skont ir-Regolament (KE) Nru 4/2009 u r-Regolament (UE) 2019/1111 jew l-awtoritajiet kompetenti skont il-Kapitolu IV tad-Direttiva 2003/8/KE.

3.   Il-Kummissjoni għandha tkun responsabbli għall-ġestjoni teknika, l-iżvilupp, l-aċċessibbiltà, il-manutenzjoni, is-sigurtà, l-aċċessibbiltà, u l-assistenza teknika għall-utenti tal-punt ta’ aċċess elettroniku Ewropew. Il-Kummissjoni għandha tipprovdi l-assistenza teknika għall-utenti mingħajr ħlas.

4.   Il-punt ta’ aċċess elettroniku Ewropew għandu jkun fih informazzjoni għall-persuni fiżiċi u ġuridiċi dwar id-dritt tagħhom għal għajnuna legali, inkluż fi proċedimenti transfruntieri. Għandu jippermetti wkoll li r-rappreżentanti tagħhom jaġixxu f’isimhom. Il-punt ta’ aċċess elettroniku Ewropew għandu jippermetti lill-persuni fiżiċi u ġuridiċi, jew lir-rappreżentanti tagħhom, fil-każijiet imsemmija fil-paragrafu 2, biex jippreżentaw talbiet, iressqu rikjesti, jibagħtu u jirċievu informazzjoni proċeduralment rilevanti u jikkomunikaw mal-awtoritajiet kompetenti jew jiġu nnotifikati b’dokumenti ġudizzjarji jew ekstraġudizzjarji.

Il-komunikazzjoni permezz tal-punt ta’ aċċess elettroniku Ewropew għandha tikkonforma mar-rekwiżiti tal-liġi tal-Unjoni u dik nazzjonali tal-Istat Membru rilevanti, b’mod partikolari fir-rigward tal-forma, il-lingwa u r-rappreżentanza.

5.   L-awtoritajiet kompetenti għandhom jaċċettaw il-komunikazzjoni permezz tal-punt ta’ aċċess elettroniku Ewropew fil-każijiet imsemmija fil-paragrafu 2.

6.   Dment li persuna fiżika jew ġuridika jew ir-rappreżentant tagħhom ikun ta kunsens espliċitu minn qabel għall-użu tal-punt ta’ aċċess elettroniku Ewropew bħala mezz ta’ komunikazzjoni jew metodu ta’ notifika, l-awtoritajiet kompetenti għandhom jikkomunikaw ma’ dik il-persuna fiżika jew ġuridika jew mar-rappreżentant tagħhom fil-każijiet imsemmija fil-paragrafu 2 permezz ta’ dak il-punt ta’ aċċess, u jistgħu jinnotifikawlhom dokumenti permezz ta’ dak il-punt ta’ aċċess. Kull każ ta’ kunsens għandu jkun speċifiku għall-proċedura li fiha jingħata u għandu jingħata separatament għall-finijiet ta’ komunikazzjoni u notifika ta’ dokumenti. Meta persuna fiżika jew ġuridika jkollha l-intenzjoni li tuża l-punt ta’ aċċess elettroniku Ewropew fuq inizjattiva tagħha stess għal komunikazzjoni fi proċedimenti, hija għandha tkun tista’ tindika l-kunsens tagħha f’dik il-komunikazzjoni inizjali.

7.   Il-punt ta’ aċċess elettroniku Ewropew għandu jkun tali li jiżgura li l-utenti jiġu identifikati.

KAPITOLU IV

SEDUTA TA’ SMIGĦ PERMEZZ TA’ VIDJOKONFERENZA JEW TEKNOLOĠIJA OĦRA TA’ KOMUNIKAZZJONI MILL-BOGĦOD

Artikolu 5

Parteċipazzjoni f’seduta ta’ smigħ permezz ta’ vidjokonferenza jew teknoloġija oħra ta’ komunikazzjoni mill-bogħod f’materji ċivili u kummerċjali

1.   Mingħajr preġudizzju għad-dispożizzjonijiet speċifiċi li jirregolaw l-użu tal-vidjokonferenza jew ta’ teknoloġija oħra ta’ komunikazzjoni mill-bogħod fi proċedimenti skont ir-Regolamenti (KE) Nru 861/2007, (UE) Nru 655/2014 u (UE) 2020/1783, u fuq it-talba ta’ parti jew ir-rappreżentat tagħha jew, meta previst skont il-liġi nazzjonali, fuq l-inizjattiva tagħha stess, fi proċedimenti f’materji ċivili u kummerċjali fejn waħda mill-partijiet jew ir-rappreżentant tagħhom ikun preżenti fi Stat Membru ieħor, l-awtorità kompetenti għandha tiddeċiedi dwar il-parteċipazzjoni tal-partijiet u tar-rappreżentanti tagħhom f’seduta ta’ smigħ permezz ta’ vidjokonferenza jew teknoloġija oħra ta’ komunikazzjoni mill-bogħod, abbażi ta’:

(a)

id-disponibbiltà ta’ tali teknoloġija;

(b)

l-opinjoni tal-partijiet għall-proċedimenti dwar l-użu ta’ tali teknoloġija; u

(c)

l-adegwatezza tal-użu ta’ tali teknoloġija fiċ-ċirkostanzi speċifiċi tal-każ.

2.   L-awtorità kompetenti li twettaq is-seduta ta’ smigħ għandha tiżgura li l-partijiet u r-rappreżentanti tagħhom, inkluż il-persuni b’diżabbiltà, ikollhom aċċess għall-vidjokonferenza għas-seduta ta’ smigħ.

3.   Meta r-reġistrazzjoni tas-seduti ta’ smigħ tkun prevista fil-liġi nazzjonali ta’ Stat Membru li fihom iseħħu l-proċedimenti, l-istess regoli għandhom japplikaw għal seduti ta’ smigħ imwettqa permezz ta’ vidjokonferenza jew teknoloġija oħra ta’ komunikazzjoni mill-bogħod. L-Istat Membru li fih iseħħu l-proċedimenti għandu jieħdu l-miżuri xierqa f’konformità mal-liġi nazzjonali biex jiżgura li tali reġistrazzjonijiet isiru u jinħażnu b’mod sigur u ma jixxerdux pubblikament.

4.   Mingħajr preġudizzju għall-paragrafi 1, 2 u 3, il-proċedura għal seduta ta’ smigħ permezz ta’ vidjokonferenza jew teknoloġija oħra ta’ komunikazzjoni mill-bogħod għandha tkun irregolata mil-liġi nazzjonali tal-Istat Membru li jwettaq is-seduta ta’ smigħ.

Artikolu 6

Seduta ta’ smigħ permezz ta’ vidjokonferenza jew teknoloġija oħra ta’ komunikazzjoni mill-bogħod f’ materji kriminali

1.   Dan l-Artikolu għandu japplika fi proċedimenti skont l-atti legali li ġejjin:

(a)

id-Deċiżjoni Qafas tal-Kunsill 2002/584/ĠAI (42), b’mod partikolari l-Artikolu 18(1)(a) tagħha;

(b)

id-Deċiżjoni Qafas 2008/909/ĠAI, b’mod partikolari l-Artikolu 6(3) tagħha;

(c)

id-Deċiżjoni Qafas 2008/947/ĠAI, b’mod partikolari l-Artikolu 17(4) tagħha;

(d)

id-Deċiżjoni Qafas 2009/829/ĠAI, b’mod partikolari l-Artikolu 19(4) tagħha;

(e)

id-Direttiva 2011/99/UE tal-Parlament Ewropew u tal-Kunsill (43), b’mod partikolari l-Artikolu 6(4) tagħha;

(f)

ir-Regolament (UE) 2018/1805, b’mod partikolari l-Artikolu 33(1) tiegħu.

2.   Meta l-awtorità kompetenti ta’ Stat Membru (l-“awtorità kompetenti li tagħmel it-talba”) titlob is-smigħ ta’ persuna suspettata, jew ta’ persuna akkużata jew ikkundannata jew ta’ persuna affettwata, kif definit fl-Artikolu 2, il-punt 10 tar-Regolament (UE) 2018/1805, għajr persuna suspettata jew ta’ persuna akkużata jew ikkundannata, preżenti fi Stat Membru ieħor fi proċedimenti skont l-atti legali elenkati fil-paragrafu 1 ta’ dan l-Artikolu, l-awtorità kompetenti ta’ dak l-Istat Membru l-ieħor (l-“awtorità kompetenti li ssirilha t-talba”) għandha tippermetti lil tali persuni li jipparteċipaw fis-seduta ta’ smigħ permezz ta’ vidjokonferenza jew teknoloġija oħra ta’ komunikazzjoni mill-bogħod, dment li:

(a)

iċ-ċirkostanzi partikolari tal-kawża jiġġustifikaw l-użu ta’ tali teknoloġija; u

(b)

il-persuna suspettata, il-persuna akkużata jew ikkundannata jew il-persuna affettwata tkun tat il-kunsens tagħha għall-użu ta’ vidjokonferenza jew teknoloġija oħra ta’ komunikazzjoni mill-bogħod għal dik is-seduta ta’ smigħ f’konformità mar-rekwiżiti msemmija fit-tieni, it-tielet u r-raba’ subparagrafi ta’ dan il-paragrafu.

Qabel ma tagħti l-kunsens għall-użu tal-vidjokonferenza jew ta’ teknoloġija oħra ta’ komunikazzjoni mill-bogħod, il-persuna suspettata jew il-persuna akkużata għandu jkollha l-possibbiltà li tfittex il-parir ta’ avukat f’konformità mad-Direttiva 2013/48/UE. L-awtoritajiet kompetenti għandhom jipprovdu lill-persuna li għandha tinstema’ b’informazzjoni dwar il-proċedura għat-twettiq ta’ seduta ta’ smigħ permezz ta’ vidjokonferenza jew teknoloġija oħra ta’ komunikazzjoni mill-bogħod, kif ukoll dwar id-drittijiet proċedurali tagħha, inkluż id-dritt għall-interpretazzjoni u d-dritt ta’ aċċess għal avukat qabel ma jingħata l-kunsens.

Il-kunsens għandu jingħata volontarjament u b’mod inekwivoku, u l-awtorità kompetenti li tagħmel it-talba għandha tivverifika dak il-kunsens qabel ma tibda tali seduta ta’ smigħ. Il-verifika tal-kunsens għandha tiġi rreġistrata fir-rekords tas-seduta ta’ smigħ f’konformità mal-liġi nazzjonali tal-Istat Membru li jagħmel it-talba.

Mingħajr preġudizzju għall-prinċipju ta’ proċess ġust u d-dritt għal rimedju legali skont il-liġi proċedurali nazzjonali, l-awtorità kompetenti tista’ tiddeċiedi li ma titlobx il-kunsens tal-persuni msemmija fil-punt (b) tal-ewwel subparagrafu ta’ dan il-paragrafu fejn il-parteċipazzjoni f’seduta ta’ smigħ wiċċ imb’ wiċċ tkun ta’ theddida serja għas-sigurtà pubblika jew għas-saħħa pubblika li jirriżulta li hija ġenwina u preżenti jew prevedibbli.

3.   L-awtorità kompetenti li ssirilha t-talba għandha tiżgura li l-persuni msemmija fil-paragrafu 2, inkluż il-persuni b’diżabbiltà, ikollhom aċċess għall-infrastruttura meħtieġa biex jużaw il-vidjokonferenza jew teknoloġija oħra ta’ komunikazzjoni mill-bogħod.

4.   Dan l-Artikolu huwa mingħajr preġudizzju għall-atti legali l-oħra tal-Unjoni li jipprevedu l-użu ta’ vidjokonferenza jew teknoloġija oħra ta’ komunikazzjoni mill-bogħod f’materji kriminali.

5.   Il-kunfidenzjalità tal-komunikazzjoni bejn persuna suspettata, persuna akkużata jew ikkundannata jew persuna affettwata u l-avukat tagħhom qabel u waqt is-seduta ta’ smigħ permezz tal-vidjokonferenza jew teknoloġija oħra ta’ komunikazzjoni mill-bogħod għandha tiġi żgurata f’konformità mal-liġi nazzjonali applikabbli.

6.   Qabel is-seduta ta’ smigħ ta’ wild minuri permezz ta’ vidjokonferenza jew teknoloġija oħra ta’ komunikazzjoni mill-bogħod, id-detenturi tar-responsabbiltà tal-ġenituri kif definiti fl-Artikolu 3, il-punt (2) tad-Direttiva (UE) 2016/800 jew adult xieraq ieħor kif imsemmi fl-Artikolu 5(2) ta’ dik id-Direttiva għandu jiġi infurmat minnufih. Meta tiddeċiedi jekk wild minuri jinstemax permezz ta’ vidjokonferenza jew teknoloġija oħra ta’ komunikazzjoni mill-bogħod, l-awtorità kompetenti għandha tieħu inkunsiderazzjoni l-aħjar interessi tal-wild minuri.

7.   Meta r-reġistrazzjoni tas-seduti ta’ smigħ tkun prevista fil-liġi nazzjonali ta’ Stat Membru għal kawżi domestiċi, l-istess regoli għandhom japplikaw għal seduti ta’ smigħ imwettqa permezz ta’ vidjokonferenza jew teknoloġija oħra ta’ komunikazzjoni mill-bogħod f’kawżi transfruntieri. L-Istat Membru li jagħmel it-talba għandu jieħu l-miżuri xierqa f’konformità mal-liġi nazzjonali biex jiżgura li tali reġistrazzjonijiet isiru u jinħażnu b’mod sigur u ma jixxerdux pubblikament.

8.   Persuna suspettata, persuna akkużata jew ikkundannata jew persuna affettwata għandha, fil-każ ta’ ksur tar-rekwiżiti jew tal-garanziji previsti f’dan l-Artikolu, ikollha l-possibbiltà li tfittex rimedju effettiv, f’konformità mal-liġi nazzjonali u b’rispett sħiħ tal-Karta.

9.   Mingħajr preġudizzju għall-paragrafi 1 sa 8, il-proċedura għat-twettiq ta’ seduta ta’ smigħ permezz ta’ vidjokonferenza jew teknoloġija oħra ta’ komunikazzjoni mill-bogħod għandha tiġi rregolata mil-liġi nazzjonali tal-Istat Membru li jagħmel it-talba. L-awtoritajiet kompetenti li jagħmlu talba u dawk li lilhom issir talba għandhom jaqblu dwar l-arranġamenti prattiċi għas-seduta ta’ smigħ.

KAPITOLU V

SERVIZZI FIDUĊJARJI, EFFETTI LEGALI TA’ DOKUMENTI ELETTRONIĊI U PAGAMENT ELETTRONIKU TA’ TARIFFI

Artikolu 7

Firem elettroniċi u siġilli elettroniċi

1.   Il-qafas legali ġenerali għall-użu ta’ servizzi fiduċjarji stipulat fir-Regolament (UE) Nru 910/2014 għandu japplika għal komunikazzjoni elettronika skont dan ir-Regolament.

2.   Meta dokument trażmess bħala parti mill-komunikazzjoni elettronika msemmija fl-Artikolu 3 ta’ dan ir-Regolament ikun jeħtieġ siġill jew firma f’konformità mal-atti legali elenkati fl-Annessi I u II ta’ dan ir-Regolament, id-dokument għandu jkollu siġill elettroniku kwalifikat jew firma elettronika kwalifikata kif definit fir-Regolament (UE) Nru 910/2014.

3.   Meta dokument trażmess bħala parti minn komunikazzjoni elettronika fil-każijiet imsemmija fl- Artikolu 4(2) ta’ dan ir-Regolament ikun jeħtieġ il-firma tal-persuna li tittrażmetti d-dokument, dik il-persuna għandha tissodisfa dak ir-rekwiżit permezz ta’:

(a)

identifikazzjoni elettronika b’livell ta’ assigurazzjoni għoli kif speċifikat fl-Artikolu 8(2), il-punt (c), tar-Regolament (UE) Nru 910/2014; jew

(b)

firma elettronika kwalifikata kif definita fl-Artikolu 3(12) tar-Regolament (UE) Nru 910/2014.

Artikolu 8

Effetti legali ta’ dokumenti elettroniċi

Id-dokumenti trażmessi bħala parti minn komunikazzjoni elettronika ma għandhomx jiġu miċħuda effett legali jew jitqiesu inammissibbli fil-kuntest ta’ proċeduri ġudizzjarji transfruntieri skont l-atti legali elenkati fl-Annessi I u II għar-raġuni biss li huma f’forma elettronika.

Artikolu 9

Pagament elettroniku tat-tariffi

1.   L-Istati Membri għandhom jipprevedu l-possibbiltà ta’ pagament elettroniku ta’ tariffi, inkluż minn Stati Membri differenti minn dawk fejn tkun tinsab l-awtorità kompetenti.

2.   Il-mezzi tekniċi għall-pagament elettroniku ta’ tariffi għandhom jikkonformaw mar-regoli applikabbli dwar l-aċċessibbiltà. Meta l-mezzi disponibbli ta’ pagament elettroniku tat-tariffi jippermettu dan, dawn għandhom ikunu aċċessibbli permezz tal-punt ta’ aċċess elettroniku Ewropew.

KAPITOLU VI

DISPOŻIZZJONIJIET PROĊEDURALI U EVALWAZZJONI

Artikolu 10

Adozzjoni ta’ atti ta’ implimentazzjoni mill-Kummissjoni

1.   Il-Kummissjoni għandha tadotta atti ta’ implimentazzjoni dwar is-sistema tal-IT deċentralizzata msemmija fl-Artikolu 3(1) ta’ dan ir-Regolament u l-punt ta’ aċċess elettroniku Ewropew imsemmi fl-Artikolu 4(1) ta’ dan ir-Regolament, li jistipulaw dan li ġej:

(a)

l-ispeċifikazzjonijiet tekniċi għall-metodi ta’ komunikazzjoni b’mezzi elettroniċi għall-finijiet tas-sistema tal-IT deċentralizzata;

(b)

l-ispeċifikazzjonijiet tekniċi għall-protokolli ta’ komunikazzjoni;

(c)

l-objettivi tas-sigurtà tal-informazzjoni u l-miżuri tekniċi rilevanti li jiżguraw l-istandards minimi tas-sigurtà tal-informazzjoni u livell għoli ta’ ċibersigurtà għall-ipproċessar u l-komunikazzjoni ta’ informazzjoni fis-sistema tal-IT deċentralizzata;

(d)

l-objettivi tad-disponibbiltà minima u r-rekwiżiti tekniċi relatati possibbli għas-servizzi pprovduti mis-sistema tal-IT deċentralizzata;

(e)

standards proċedurali diġitali kif definiti fl-Artikolu 3(9) tar-Regolament (UE) 2022/850;

(f)

skeda ta’ żmien għall-implimentazzjoni li tistipula, fost l-oħrajn, id-dati tad-disponibbiltà tas-software ta’ implimentazzjoni ta’ referenza, imsemmi fl-Artikolu 12 ta’ dan ir-Regolament, l-installazzjoni tiegħu mill-awtoritajiet kompetenti, u, fejn rilevanti, it-tlestija tal-aġġustamenti għas-sistemi tal-IT nazzjonali meħtieġa biex tiġi żgurata l-konformità mar-rekwiżiti msemmija fil-punti (a) sa (e) ta’ dan il-paragrafu; u

(g)

l-ispeċifikazzjonijiet tekniċi għall-punt ta’ aċċess elettroniku Ewropew, inkluż il-mezzi użati għall-identifikazzjoni elettronika tal-utent fil-livell ta’ assigurazzjoni għoli kif speċifikat fl-Artikolu 8(2), il-punt (c), tar-Regolament (UE) Nru 910/2014 u l-perjodu ta’ żamma għall-ħżin ta’ informazzjoni u dokumenti.

2.   L-atti ta’ implimentazzjoni msemmija fil-paragrafi 1 ta’ dan l-Artikolu għandhom jiġu adottati f’konformità mal-proċedura ta’ eżami msemmija fl-Artikolu 15(2).

3.   L-atti ta’ implimentazzjoni msemmija fil-paragrafu 1 ta’ dan l-Artikolu għandhom jiġu adottati sa:

(a)

is-17 ta’ Jannar 2026 għall-atti legali elenkati fil-punti 3 u 4 tal-Anness I u l-atti legali elenkati fil-punti 1, 10 u 11 tal-Anness II;

(b)

is-17 ta’ Jannar 2027 għall-atti legali elenkati fil-punti 1, 8, 9 u 10 tal-Anness I u l-atti legali elenkati fil-punti 5 u 9 tal-Anness II;

(c)

is-17 ta’ Jannar 2028 għall-atti legali elenkati fil-punti 6, 11 u 12 tal-Anness I u l-atti legali elenkati fil-punti 2, 3, 4 u 8 tal-Anness II; u

(d)

is-17 ta’ Jannar 2029 għall-atti legali elenkati fil-punti 2, 5, 7 u 13 tal-Anness I u l-atti legali elenkati fil-punti 6 u 7 tal-Anness II.

Artikolu 11

Taħriġ

1.   L-Istati Membri għandhom jiżguraw li l-professjonisti tal-ġustizzja kkonċernati u l-awtoritajiet kompetenti jiġu offruti t-taħriġ neċessarju għall-użu effiċjenti tas-sistema tal-IT deċentralizzata u għall-użu xieraq ta’ vidjokonferenza jew teknoloġija oħra ta’ komunikazzjoni mill-bogħod. Mingħajr preġudizzju għall-indipendenza ġudizzjarja u d-differenzi fl-organizzazzjoni tal-ġudikatura fl-Unjoni kollha u bir-rispett dovut għall-indipendenza tal-professjoni legali, l-Istati Membri għandhom jinkoraġġixxu tali taħriġ għall-imħallfin, il-prosekuturi u professjonisti oħra tal-ġustizzja.

2.   Il-Kummissjoni għandha tiżgura li t-taħriġ tal-professjonisti tal-ġustizzja fl-użu effiċjenti tas-sistema tal-IT deċentralizzata jkun fost il-prijoritajiet ta’ taħriġ appoġġati mill-programmi finanzjarji rilevanti tal-Unjoni.

3.   L-Istati Membri għandhom iħeġġu lill-awtoritajiet jikkondividu l-aħjar prattiki fir-rigward tal-vidjokonferenza sabiex inaqqsu l-ispejjeż u jżidu l-effiċjenza.

4.   Il-Kummissjoni għandha tinforma lill-Istati Membri dwar il-possibbiltajiet ta’ applikazzjoni għal għotjiet biex jappoġġaw l-attivitajiet imsemmija fil-paragrafi 1 u 3, taħt il-programmi finanzjarji rilevanti tal-Unjoni.

Artikolu 12

Software ta’ implimentazzjoni ta’ referenza

1.   Il-Kummissjoni għandha tkun responsabbli għall-ħolqien, l-aċċessibbiltà, l-iżvilupp u l-manutenzjoni tas-software ta’ implimentazzjoni ta’ referenza li l-Istati Membri jistgħu jagħżlu li japplikaw bħala s-sistema back-end tagħhom minflok sistema tal-IT nazzjonali. Il-ħolqien, l-iżvilupp u l-manutenzjoni tas-software ta’ implimentazzjoni ta’ referenza għandhom jiġu ffinanzjati mill-baġit ġenerali tal-Unjoni.

2.   Il-Kummissjoni għandha tipprovdi, iżżomm u tappoġġa s-software ta’ implimentazzjoni ta’ referenza fuq bażi mingħajr ħlas.

3.   Is-software ta’ implimentazzjoni ta’ referenza għandu joffri interfaċċa komuni għall-komunikazzjoni ma’ sistemi tal-IT nazzjonali oħra.

Artikolu 13

Spejjeż tas-sistema tal-IT deċentralizzata, tal-punt ta’ aċċess elettroniku Ewropew u tas-sistemi tal-IT nazzjonali

1.   Kull Stat Membru jew entità li topera punt ta’ aċċess e-CODEX awtorizzat kif definit fl-Artikolu 3(4) tar-Regolament (UE) 2022/850 għandha ġġarrab l-ispejjeż tal-installazzjoni, l-operat u l-manutenzjoni tal-punti ta’ aċċess tas-sistema tal-IT deċentralizzata li għalihom hija responsabbli.

2.   Kull Stat Membru jew entità li topera punt ta’ aċċess e-CODEX awtorizzat kif definit fl-Artikolu 3(4) tar-Regolament (UE) 2022/850 għandha ġġarrab l-ispejjeż tal-istabbiliment u l-aġġustament tas-sistemi tal-IT nazzjonali rilevanti tagħha jew, fejn applikabbli, sistemi tal-IT oħra biex tagħmilhom interoperabbli mal-punti ta’ aċċess, u għandha ġġarrab l-ispejjeż tal-amministrazzjoni, l-operat u l-manutenzjoni ta’ dawk is-sistemi.

3.   Il-Kummissjoni għandha tinforma lill-Istati Membri dwar il-possibbiltà li japplikaw għal għotjiet biex jappoġġaw l-attivitajiet imsemmija fil-paragrafi 1 u 2, taħt il-programmi finanzjarji rilevanti tal-Unjoni.

4.   Il-korpi u l-aġenziji tal-Unjoni għandhom iġarrbu l-ispejjeż tal-installazzjoni, l-operat u l-manutenzjoni tal-komponenti tas-sistema tal-IT deċentralizzata taħt ir-responsabbiltà tagħhom.

5.   Il-korpi u l-aġenziji tal-Unjoni għandhom iġarrbu l-ispejjeż marbuta mal-istabbiliment u l-aġġustament tas-sistemi tagħhom ta’ ġestjoni tal-kawżi sabiex jagħmluhom interoperabbli mal-punti ta’ aċċess, u għandhom iġarrbu l-ispejjeż marbuta mal-amministrazzjoni, l-operat u l-manutenzjoni ta’ dawk is-sistemi.

6.   Il-Kummissjoni għandha iġarrab l-ispejjeż kollha relatati mal-punt ta’ aċċess elettroniku Ewropew.

Artikolu 14

Protezzjoni tal-informazzjoni trażmessa

1.   L-awtorità kompetenti għandha titqies bħala kontrollur skont it-tifsira tar-Regolamenti (UE) 2016/679 u (UE) 2018/1725 jew tad-Direttiva (UE) 2016/680 fir-rigward tal-ipproċessar ta’ data personali mibgħuta jew riċevuta permezz tas-sistema tal-IT deċentralizzata.

2.   Il-Kummissjoni għandha titqies bħala kontrollur skont it-tifsira tar-Regolament (UE) 2018/1725 fir-rigward tal-ipproċessar ta’ data personali mill-punt ta’ aċċess elettroniku Ewropew.

3.   L-awtoritajiet kompetenti għandhom jiżguraw li l-informazzjoni trażmessa fil-kuntest ta’ proċeduri ġudizzjarji transfruntieri lil awtorità kompetenti oħra u li titqies kunfidenzjali skont il-liġi tal-Istat Membru li minnu tkun qed tintbagħat l-informazzjoni, tkun soġġetta għar-regoli dwar il-kunfidenzjalità kif stipulat fil-liġi tal-Unjoni u dik nazzjonali tal-Istat Membru li lilu tkun qed tintbagħat l-informazzjoni.

Artikolu 15

Proċedura ta’ kumitat

1.   Il-Kummissjoni għandha tkun megħjuna minn kumitat. Dak il-kumitat għandu jkun kumitat fis-sens tar-Regolament (UE) Nru 182/2011.

2.   Fejn issir referenza għal dan il-paragrafu, għandu japplika l-Artikolu 5 tar-Regolament (UE) Nru 182/2011.

Artikolu 16

Monitoraġġ u Evalwazzjoni

1.   Erba’ snin mid-data tad-dħul fis-seħħ tal-atti ta’ implimentazzjoni msemmija fl-Artikolu 10(3)(d) u kull ħames snin wara dan, il-Kummissjoni għandha twettaq evalwazzjoni ta’ dan ir-Regolament u tippreżenta lill-Parlament Ewropew u lill-Kunsill rapport appoġġat minn informazzjoni pprovduta mill-Istati Membri lill-Kummissjoni u informazzjoni miġbura minnha. Il-Kummissjoni għandha tinkludi wkoll valutazzjoni tal-effett tal-komunikazzjoni elettronika fuq l-ugwaljanza tal-armi fil-kuntest ta’ proċedimenti ċivili u kriminali transfruntieri. Il-Kummissjoni għandha tivvaluta, b’mod partikolari, l-applikazzjoni tal-Artikolu 5. Abbażi ta’ dik il-valutazzjoni, il-Kummissjoni għandha tippreżenta, jekk ikun xieraq, proposta leġiżlattiva li tobbliga lill-Istati Membri jagħmlu disponibbli l-vidjokonferenza jew teknoloġija oħra ta’ komunikazzjoni mill-bogħod, li tispeċifika t-teknoloġija rilevanti u l-istandards tal-interoperabbiltà u tistabbilixxi kooperazzjoni ġudizzjarja għall-finijiet li l-partijiet għall-proċedimenti jingħataw aċċess għall-infrastruttura neċessarja għall-użu ta’ vidjokonferenza jew teknoloġija oħra ta’ komunikazzjoni mill-bogħod fil-bini tal-awtoritajiet kompetenti fl-Istat Membru fejn parti tkun preżenti.

2.   Sakemm ma tapplikax proċedura ta’ notifika ekwivalenti skont atti legali oħra tal-Unjoni, l-Istati Membri għandhom jipprovdu lill-Kummissjoni fuq bażi annwali l-informazzjoni li ġejja rilevanti għall-evalwazzjoni tal-operat u l-applikazzjoni ta’ dan ir-Regolament:

(a)

tliet snin mid-data tad-dħul fis-seħħ ta’ kull wieħed mill-atti ta’ implimentazzjoni msemmija fl-Artikolu 10(3), l-ispejjeż imġarrba għall-istabbiliment jew l-aġġustament tas-sistemi tal-IT nazzjonali rilevanti tagħhom biex jagħmluhom interoperabbli mal-punti ta’ aċċess;

(b)

tliet snin mid-dħul fis-seħħ ta’ kull wieħed mill-atti ta’ implimentazzjoni msemmija fl-Artikolu 10(3)(b), it-tul tal-proċedimenti ġudizzjarji tal-prim’istanza, minn meta l-awtorità kompetenti tirċievi r-rikors sad-data tad-deċiżjoni, skont l-atti legali elenkati fl-Anness I, il-punti 3, 4 u 9, fejn tali informazzjoni tkun disponibbli;

(c)

tliet snin mid-data tad-dħul fis-seħħ ta’ kull wieħed mill-atti ta’ implimentazzjoni msemmija fl-Artikolu 10(3), it-tul ta’ żmien meħtieġ biex tiġi trażmessa informazzjoni rigward id-deċiżjoni dwar ir-rikonoxximent u l-eżekuzzjoni ta’ sentenza jew deċiżjoni ġudizzjarja jew, jekk mhux applikabbli, biex tiġi trażmessa informazzjoni dwar ir-riżultati tal-eżekuzzjoni ta’ tali sentenza jew deċiżjoni ġudizzjarja, skont l-atti legali elenkati fil-punti 1 sa 7 u 9 sa 11 tal-Anness II, miġbura skont l-att legali korrispondenti, fejn disponibbli;

(d)

tliet snin mid-data tad-dħul fis-seħħ ta’ kull wieħed mill-atti ta’ implimentazzjoni msemmija fl-Artikolu 10(3), l-għadd ta’ talbiet trażmessi permezz tas-sistema tal-IT deċentralizzata f’konformità mal-Artikolu 3(1) u (2), fejn tali informazzjoni tkun disponibbli.

3.   Għall-fini tal-istabbiliment ta’ kampjun, kull Stat Membru għandu jaħtar awtorità kompetenti waħda jew aktar biex tiġbor id-data dwar l-għadd ta’ seduti ta’ smigħ imwettqa minn dawk l-awtoritajiet, f’liema jkunu ntużaw il-vidjokonferenza jew teknoloġiji ta’ komunikazzjoni mill-bogħod oħra f’konformità mal-Artikoli 5 u 6. Tali data għandha tiġi pprovduta lill-Kummissjoni mit-2 ta’ Mejju 2026.

4.   Is-software ta’ implimentazzjoni ta’ referenza u, fejn tkun mgħammra biex tagħmel dan, is-sistema back-end nazzjonali għandhom jiġbru b’mod programmatiku d-data msemmija fil- paragrafu 2, il-punti (b), (c) u (d) u jittrażmettuha lill-Kummissjoni fuq bażi annwali.

5.   L-Istati Membri għandhom jagħmlu kull sforz biex jiġbru d-data msemmija fil-paragrafu 2, il-punti (b), (c) u (d).

Artikolu 17

Informazzjoni li għandha tiġi kkomunikata lill-Kummissjoni

1.   L-Istati Membri għandhom jikkomunikaw sas-17 ta’ Lulju 2024 lill-Kummissjoni l-informazzjoni li ġejja bil-ħsieb li jagħmluha disponibbli permezz tal-Portal Ewropew tal-Ġustizzja Elettronika:

(a)

dettalji tal-portali tal-IT nazzjonali, fejn applikabbli;

(b)

deskrizzjoni tal-liġijiet u l-proċeduri nazzjonali applikabbli għall-vidjokonferenza f’konformità mal-Artikoli 5 u 6;

(c)

informazzjoni dwar it-tariffi dovuti;

(d)

dettalji dwar il-metodi ta’ pagament elettroniċi disponibbli għat-tariffi dovuti f’kawżi transfruntieri;

(e)

l-awtoritajiet b’kompetenza skont l-atti legali elenkati fl-Annessi I u II, fejn ma jkunux diġà ġew innotifikati lill-Kummissjoni f’konformità ma’ dawk l-atti legali.

L-Istati Membri għandhom jikkomunikaw lill-Kummissjoni kwalunkwe tibdil fir-rigward tal-informazzjoni msemmija fl-ewwel subparagrafu mingħajr dewmien.

2.   L-Istati Membri għandhom jinnotifikaw lill-Kummissjoni jekk ikunu f’pożizzjoni li japplikaw l-Artikolu 5 jew 6 jew li joperaw is-sistema tal-IT deċentralizzata qabel iż-żmien meħtieġ minn dan ir-Regolament. Il-Kummissjoni għandha tagħmel din l-informazzjoni disponibbli elettronikament, b’mod partikolari permezz tal-Portal Ewropew tal-Ġustizzja elettronika.

KAPITOLU VII

EMENDI GĦALL-ATTI LEGALI FIL-QASAM TAL-KOOPERAZZJONI ĠUDIZZJARJA F’MATERJI ĊIVILI U KUMMERĊJALI

Artikolu 18

Emendi għar-Regolament (KE) Nru 805/2004

Fl-Artikolu 13(1) tar-Regolament (KE) Nru 805/2004, jiżdied il-punt li ġej:

“(e)

mezzi elettroniċi ta’ notifika previsti fl-Artikoli 19 u 19a tar-Regolament (UE) 2020/1784 tal-Parlament Ewropew u tal-Kunsill (*1).

Artikolu 19

Emendi għar-Regolament (KE) Nru 1896/2006

Ir-Regolament (KE) Nru 1896/2006 huwa emendat kif ġej:

(1)

fl-Artikolu 7, il-paragrafu 5 huwa sostitwit b’dan li ġej:

“5.   L-applikazzjoni għandha tiġi sottomessa bil-mezzi ta’ komunikazzjoni elettronika previsti fl-Artikolu 4 tar-Regolament (UE) 2023/2844 tal-Parlament Ewropew u tal-Kunsill (*2), f’forma stampata jew bi kwalunkwe mezz ieħor ta’ komunikazzjoni, inkluż il-forma elettronika, aċċettat mill-Istat Membru ta’ oriġini u disponibbli għall-qorti ta’ oriġini.

(*2)  Ir-Regolament (UE) 2023/2844 tal-Parlament Ewropew u tal-Kunsill tat-13 ta’ Diċembru 2023 dwar id-diġitalizzazzjoni tal-kooperazzjoni ġudizzjarja u l-aċċess għall-ġustizzja f’materji ċivili, kummerċjali u kriminali transfruntieri, u li jemenda ċerti atti fil-qasam tal-kooperazzjoni ġudizzjarja (ĠU L, 2023/2844, 27.12.2023, ELI: http://data.europa.eu/eli/reg/2023/2844/oj).”;"

(2)

fl-Artikolu 7(6), l-ewwel subparagrafu huwa sostitwit b’dan li ġej:

“L-applikazzjoni għandha tkun iffirmata mill-attur jew, fejn applikabbli, mir-rappreżentant tar-rikorrent. Meta l-applikazzjoni tiġi ppreżentata f’forma elettronika f’konformità mal-paragrafu 5 ta’ dan l-Artikolu, ir-rekwiżit li tiġi ffirmata l-applikazzjoni għandu jiġi ssodisfat f’konformità mal-Artikolu 7(3) tar-Regolament (UE) 2023/2844. Il-firma elettronika għandha tiġi rikonoxxuta fl-Istat Membru ta’ oriġini u ma tistax tiġi soġġetta għal rekwiżiti addizzjonali.”;

(3)

fl-Artikolu 13, jiżdied il-paragrafu li ġej:

“L-ordni ta’ pagament Ewropew tista’ tiġi nnotifikata lill-konvenut b’mezzi elettroniċi ta’ notifika previsti fl-Artikoli 19 u 19a tar-Regolament (UE) 2020/1784 tal-Parlament Ewropew u tal-Kunsill (*3).

(*3)  Ir-Regolament (UE) 2020/1784 tal-Parlament Ewropew u tal-Kunsill tal-25 ta’ Novembru 2020 dwar in-notifika fl-Istati Membri ta’ dokumenti ġudizzjarji u ekstraġudizzjarji f’materji ċivili jew kummerċjali (notifika ta’ dokumenti) (ĠU L 405, 2.12.2020, p. 40).”;"

(4)

L-Artikolu 16 huwa emendat kif ġej:

(a)

il-paragrafu 4 huwa sostitwit b’dan li ġej:

“4.   Id-dikjarazzjoni ta’ oppożizzjoni għandha tiġi ppreżentata bil-mezzi ta’ komunikazzjoni elettronika previsti fl-Artikolu 4 tar-Regolament (UE) 2023/2844, f’forma stampata jew bi kwalunkwe mezz ieħor ta’ komunikazzjoni, inkluż il-forma elettronika, aċċettat mill-Istat Membru ta’ oriġini u disponibbli għall-qorti ta’ oriġini.”

;

(b)

fil-paragrafu 5, l-ewwel subparagrafu huwa sostitwit b’dan li ġej:

“Id-dikjarazzjoni ta’ oppożizzjoni għandha tkun iffirmata mill-konvenut jew, fejn applikabbli, mir-rappreżentant tal-konvenut. Meta d-dikjarazzjoni ta’ oppożizzjoni tiġi ppreżentata f’forma elettronika f’konformità mal-paragrafu 4 ta’ dan l-Artikolu, ir-rekwiżit li tiġi ffirmata d-dikjarazzjoni ta’ oppożizzjoni għandu jiġi ssodisfat f’konformità mal-Artikolu 7(3) tar-Regolament (UE) 2023/2844. Il-firma elettronika għandha tiġi rikonoxxuta fl-Istat Membru ta’ oriġini u tista’ ma tiġix soġġetta għal rekwiżiti addizzjonali”.

Artikolu 20

Emendi għar-Regolament (KE) Nru 861/2007

Ir-Regolament (KE) Nru 861/2007 huwa emendat kif ġej:

(1)

fl-Artikolu 4, il-paragrafu 1 huwa sostitwit b’dan li ġej:

“1.   L-attur għandu jagħti bidu għall-Proċedura Ewropea għal Talbiet Żgħar billi jimla l-Formola tat-talba standard A, kif tinsab fl-Anness I ta’ dan ir-Regolament, u jippreżentaha fil-qorti jew fit-tribunal b’ġuriżdizzjoni direttament, bil-posta, bil-mezzi ta’ komunikazzjoni elettronika previsti fl-Artikolu 4 tar-Regolament (UE) 2023/2844 tal-Parlament Ewropew u tal-Kunsill (*4) jew bi kwalunkwe mezz ieħor ta’ komunikazzjoni, bħall-fax jew bħall-posta elettronika, aċċettabbli għall-Istat Membru fejn tinbeda l-proċedura. Il-formola tat-talba għandha tinkludi deskrizzjoni tal-provi li jappoġġaw it-talba u tkun akkumpanjata, skont il-każ, minn kwalunkwe dokument rilevanti ta’ sostenn.

(*4)  Ir-Regolament (UE) 2023/2844 tal-Parlament Ewropew u tal-Kunsill tat-13 ta’ Diċembru 2023 dwar id-diġitalizzazzjoni tal-kooperazzjoni ġudizzjarja u l-aċċess għall-ġustizzja f’materji ċivili, kummerċjali u kriminali transfruntieri, u li jemenda ċerti atti fil-qasam tal-kooperazzjoni ġudizzjarja (ĠU L, 2023/2844, 27.12.2023, ELI: http://data.europa.eu/eli/reg/2023/2844/oj).”;"

(2)

fl-Artikolu 13(1), il-punt (a) huwa sostitwit b’dan li ġej:

“(a)

permezz ta’ servizz postali,”;

(3)

fl-Artikolu 13(1), il-punt (b) huwa sostitwit b’dan li ġej:

“(b)

b’mezzi elettroniċi ta’ notifika previsti fl-Artikoli 19 u 19a tar-Regolament (UE) 2020/1784 tal-Parlament Ewropew u tal-Kunsill (*5); jew

(*5)  Ir-Regolament (UE) 2020/1784 tal-Parlament Ewropew u tal-Kunsill tal-25 ta’ Novembru 2020 dwar in-notifika fl-Istati Membri ta’ dokumenti ġudizzjarji u ekstraġudizzjarji f’materji ċivili jew kummerċjali (notifika ta’ dokumenti) (ĠU L 405, 2.12.2020, p. 40).”;"

(4)

fl-Artikolu 13(1), jiżdied il-punt li ġej:

“(c)

permezz tal-punt ta’ aċċess elettroniku Ewropew stipulat skont l-Artikolu 4(1) tar-Regolament (UE) 2023/2844, dment li d-destinatarju jkun ta l-kunsens espliċitu minn qabel għall-użu ta’ dan il-mezz għan-notifika ta’ dokumenti matul il-Proċedura Ewropea għal Talbiet Żgħar ikkonċernata.”;

(5)

fl-Artikolu 13, il-paragrafu 2 huwa sostitwit b’dan li ġej:

“2.   Il-komunikazzjoni kollha mhux imsemmija fil-paragrafu 1 bejn il-qorti jew it-tribunal u l-partijiet jew persuni oħra involuti fil-proċedimenti għandhom jitwettqu jew:

(a)

b’mezzi elettroniċi attestati b’konferma tar-riċevuta, fejn tali mezzi jkunu teknikament disponibbli u ammissibbli skont ir-regoli proċedurali tal-Istat Membru li fih titmexxa l-Proċedura Ewropea għal Talbiet Żgħar ikkonċernata, dment li l-parti jew il-persuna kkonċernata tkun aċċettat minn qabel tali mezzi ta’ komunikazzjoni jew tkun, f’konformità mar-regoli proċedurali tal-Istat Membru li fih dik il-parti jew persuna tkun domiċiljata jew abitwalment residenti, taħt obbligu legali li taċċetta tali mezzi ta’ komunikazzjoni; jew

(b)

bil-mezzi ta’ komunikazzjoni elettronika previsti fl-Artikolu 4 tar-Regolament (UE) 2023/2844.”

;

(6)

fl-Artikolu 15a, il-paragrafu 2 huwa sostitwit b’dan li ġej:

“2.   L-Istati Membri għandhom jiżguraw li l-partijiet jistgħu jagħmlu pagamenti elettroniċi tat-tariffi tal-qorti permezz ta’ metodi ta’ pagament mill-bogħod li jippermettu lill-partijiet jagħmlu l-pagament ukoll minn Stat Membru li mhuwiex l-Istat Membru fejn tinsab il-qorti jew it-tribunal, f’konformità mal-Artikolu 9 tar-Regolament (UE) 2023/2844.”

.

Artikolu 21

Emendi għar-Regolament (UE) Nru 606/2013

Ir-Regolament (UE) Nru 606/2013 huwa emendat kif ġej:

(1)

fl-Artikolu 8(2), l-ewwel subparagrafu huwa sostitwit b’dan li ġej:

“Fejn il-persuna li tikkawża r-riskju tirrisjedi fl-Istat Membru ta’ oriġini, in-notifika għandha ssir f’konformità mal-liġi ta’ dak l-Istat Membru. Fejn il-persuna li tikkawża r-riskju tirrisjedi fi Stat Membru li mhux l-Istat Membru ta’ oriġini, in-notifika għandha ssir permezz ta’ ittra reġistrata b’konferma tar-riċevuta jew ekwivalenti jew permezz ta’ mezzi elettroniċi ta’ notifika previsti fl-Artikoli 19 u 19a tar-Regolament (UE) 2020/1784 tal-Parlament Ewropew u tal-Kunsill (*6). Fejn il-persuna li tikkawża r-riskju tirrisjedi f’pajjiż terz, in-notifika għandha ssir permezz ta’ ittra reġistrata b’konferma tar-riċevuta jew ekwivalenti.

(*6)  Ir-Regolament (UE) 2020/1784 tal-Parlament Ewropew u tal-Kunsill tal-25 ta’ Novembru 2020 dwar in-notifika fl-Istati Membri ta’ dokumenti ġudizzjarji u ekstraġudizzjarji f’materji ċivili jew kummerċjali (notifika ta’ dokumenti) (ĠU L 405, 2.12.2020, p. 40).”;"

(2)

fl-Artikolu 11(4), l-ewwel subparagrafu huwa sostitwit b’dan li ġej:

“Fejn il-persuna li tikkawża r-riskju tirrisjedi fl-Istat Membru indirizzat, in-notifika għandha ssir f’konformità mal-liġi ta’ dak l-Istat Membru. Fejn il-persuna li tikkawża r-riskju tirrisjedi fi Stat Membru li mhux l-Istat Membru indirizzat, in-notifika għandha ssir permezz ta’ ittra reġistrata b’konferma tar-riċevuta jew ekwivalenti jew permezz tal-mezzi elettroniċi ta’ notifika previsti fl-Artikoli 19 u 19a tar-Regolament (UE) 2020/1784. Fejn il-persuna li tikkawża r-riskju tirrisjedi f’pajjiż terz, in-notifika għandha ssir permezz ta’ ittra reġistrata b’konferma tar-riċevuta jew ekwivalenti.”.

Artikolu 22

Emendi għar-Regolament (UE) Nru 655/2014

Ir-Regolament (UE) Nru 655/2014 huwa emendat kif ġej:

(1)

fl-Artikolu 8, il-paragrafu 4 huwa sostitwit b’dan li ġej:

“4.   Ir-rikors u d-dokumenti ta’ sostenn jistgħu jiġu ppreżentati bi kwalunkwe mezz ta’ komunikazzjoni, inkluż dak elettroniku, li jkun aċċettat skont ir-regoli proċedurali tal-Istat Membru fejn isir ir-rikors jew bil-mezzi ta’ komunikazzjoni elettronika previsti fl-Artikolu 4 tar-Regolament (UE) 2023/2844 tal-Parlament Ewropew u tal-Kunsill (*7).

(*7)  Ir-Regolament (UE) 2023/2844 tal-Parlament Ewropew u tal-Kunsill tat-13 ta’ Diċembru 2023 dwar id-diġitalizzazzjoni tal-kooperazzjoni ġudizzjarja u l-aċċess għall-ġustizzja f’materji ċivili, kummerċjali u kriminali transfruntieri, u li jemenda ċerti atti fil-qasam tal-kooperazzjoni ġudizzjarja (ĠU L, 2023/2844, 27.12.2023, ELI: http://data.europa.eu/eli/reg/2023/2844/oj).”;"

(2)

fl-Artikolu 17, il-paragrafu 5 huwa sostitwit b’dan li ġej:

“5.   Id-deċiżjoni dwar ir-rikors għandha tiġi nnotifikata lill-kreditur f’konformità mal-proċedura prevista bil-liġi tal-Istat Membru tal-oriġini għal ordnijiet nazzjonali ekwivalenti jew bil-mezzi ta’ komunikazzjoni elettronika previsti fl-Artikolu 4 tar-Regolament (UE) 2023/2844.”

;

(3)

L-Artikolu 29 huwa sostitwit b’dan li ġej:

“Artikolu 29

Trażmissjoni tad-dokumenti

1.   Fejn dan ir-Regolament jipprevedi t-trażmissjoni ta’ dokumenti f’konformità ma’ dan l-Artikolu, tali trażmissjoni għandha titwettaq f’konformità mar-Regolament (UE) 2023/2844 fir-rigward tal-komunikazzjoni bejn l-awtoritajiet, jew bi kwalunkwe mezz xieraq fejn il-komunikazzjoni għandha titwettaq mill-kredituri, dment li l-kontenut tad-dokument riċevut ikun veru u konformi għal dak tad-dokument trażmess u li l-informazzjoni kollha fih tista’ tinqara faċilment.

2.   Il-qorti jew l-awtorità li tkun irċeviet id-dokumenti f’konformità mal-paragrafu 1 ta’ dan l-Artikolu għandha, sa tmiem il-jum tax-xogħol wara l-jum tar-riċevuta, tibgħat lil:

(a)

l-awtorità li ttrażmettiet id-dokumenti konferma tar-riċevuta, f’konformità mal-Artikolu 3 tar-Regolament (UE) 2023/2844; jew

(b)

il-kreditur jew il-bank li ttrażmetta d-dokumenti konferma tar-riċevuta bl-użu tal-aktar mezz rapidu possibbli ta’ trażmissjoni.

Il-qorti jew l-awtorità li tkun irċeviet dokumenti f’konformità mal-paragrafu 1 ta’ dan l-Artikolu għandha tuża l-formola standard għall-konferma tar-riċevuta stabbilita permezz ta’ atti ta’ implimentazzjoni adottati f’konformità mal-proċedura konsultattiva msemmija fl-Artikolu 52(2).”;

(4)

L-Artikolu 36 huwa emendat kif ġej:

(a)

il-paragrafu 1 huwa sostitwit b’dan li ġej:

“1.   Ir-rikors għal rimedju skont l-Artikolu 33, 34 jew 35 għandu jitressaq bl-użu tal-formola ta’ rimedju stabbilita permezz ta’ atti ta’ implimentazzjoni adottati f’konformità mal-proċedura konsultattiva msemmija fl-Artikolu 52(2).

Ir-rikors jista’ jsir fi kwalunkwe mument u jista’ jiġi ppreżentat:

(a)

bi kwalunkwe mezz ta’ komunikazzjoni, inkluż mezzi elettroniċi, li jkunu aċċettati skont ir-regoli proċedurali tal-Istat Membru fejn isir ir-rikors; jew

(b)

bil-mezzi ta’ komunikazzjoni elettronika previsti fl-Artikolu 4 tar-Regolament (UE) 2023/2844.”

;

(b)

il-paragrafu 3 huwa sostitwit b’dan li ġej:

“3.   Ħlief fejn ir-rikors tressaq mid-debitur skont il-punt (a) tal-Artikolu 34(1) jew skont l-Artikolu 35(3), id-deċiżjoni dwar ir-rikors għandha tinħareġ wara li ż-żewġ partijiet ikunu ngħataw l-opportunità li jippreżentaw l-argumenti tagħhom, inkluż b’dawk il-mezzi tat-teknoloġija tal-komunikazzjoni xierqa li jkunu disponibbli u aċċettati skont il-liġi nazzjonali ta’ kull wieħed mill-Istati Membri involuti jew bil-mezzi ta’ komunikazzjoni elettronika prevista skont ir-Regolament (UE) 2023/2844.”

.

Artikolu 23

Emendi għar- Regolament (UE) 2015/848

Ir-Regolament (UE) 2015/848 huwa emendat kif ġej:

(1)

fl-Artikolu 42(3), l-ewwel sentenza hija sostitwita b’dan li ġej:

“Il-kooperazzjoni msemmija fil-paragrafu 1 ta’ dan l-Artikolu għandha tiġi implimentata f’konformità mal-Artikolu 3 tar-Regolament (UE) 2023/2844 tal-Parlament Ewropew u tal-Kunsill (*8).

(*8)  Ir-Regolament (UE) 2023/2844 tal-Parlament Ewropew u tal-Kunsill tat-13 ta’ Diċembru 2023 dwar id-diġitalizzazzjoni tal-kooperazzjoni ġudizzjarja u l-aċċess għall-ġustizzja f’materji ċivili, kummerċjali u kriminali transfruntieri, u li jemenda ċerti atti fil-qasam tal-kooperazzjoni ġudizzjarja (ĠU L, 2023/2844, 27.12.2023, ELI: http://data.europa.eu/eli/reg/2023/2844/oj).”;"

(2)

L-Artikolu 53 huwa sostitwit b’dan li ġej:

“Artikolu 53

Dritt ta’ preżentazzjoni ta’ talbiet

Kwalunkwe kreditur barrani jista’ jippreżenta talba fi proċedimenti ta’ insolvenza bi kwalunkwe mezz ta’ komunikazzjoni, li jkun aċċettat mil-liġi tal-Istat tal-ftuħ tal-proċedimenti jew bil-mezzi ta’ komunikazzjoni elettronika previsti fl-Artikolu 4 tar-Regolament (UE) 2023/2844.

Ir-rappreżentanza minn avukat jew professjonist legali ieħor ma għandhiex tkun obbligatorja għall-iskop uniku tat-tressiq ta’ talbiet.”;

(3)

fl-Artikolu 57(3), l-ewwel sentenza hija sostitwita b’dan li ġej:

“Il-kooperazzjoni msemmija fil-paragrafu 1 ta’ dan l-Artikolu għandha tiġi implimentata f’konformità mal-Artikolu 3 tar-Regolament (UE) 2023/2844.”.

Artikolu 24

Emendi għar-Regolament (UE) 2020/1784

Ir-Regolament (UE) 2020/1784 huwa emendat kif ġej:

(1)

fl-Artikolu 12, il-paragrafu 7 huwa sostitwit b’dan li ġej:

“7.   Għall-finijiet tal-paragrafi 1 u 2, l-aġenti diplomatiċi jew l-uffiċjali konsulari, f’każijiet fejn in-notifika issir f’konformità mal-Artikolu 17, u l-awtorità jew il-persuna, f’każijiet fejn in-notifika ssir f’konformità mal-Artikolu 18, 19, 19a jew 20, għandhom jinfurmaw lid-destinatarju li d-destinatarju jista’ jirrifjuta li jaċċetta d-dokument u li jew il-formola L fl-Anness I jew dikjarazzjoni bil-miktub tar-rifjut trid tintbagħat lil dawk l-aġenti jew l-uffiċjali jew lil dik l-awtorità jew persuna rispettivament.”

;

(2)

fl-Artikolu 13, il-paragrafu 3 huwa sostitwit b’dan li ġej:

“3.   Dan l-Artikolu japplika wkoll għall-mezzi l-oħra ta’ trażmissjoni u ta’ notifika ta’ dokumenti ġudizzjarji previsti fit-Taqsima 2 bl-eċċezzjoni tal-Artikolu 19a.”

;

(3)

jiddaħħal l-Artikolu li ġej:

“Artikolu 19a

Servizz elettroniku permezz tal-punt ta’ aċċess elettroniku Ewropew

1.   In-notifika ta’ dokumenti ġudizzjarji tista’ ssir direttament lil persuna li jkollha indirizz magħruf għan-notifika fi Stat Membru ieħor permezz tal-punt ta’ aċċess elettroniku Ewropew stabbilit skont l-Artikolu 4(1) tar-Regolament (UE) 2023/2844 tal-Parlament Ewropew u tal-Kunsill (*9), dment li d-destinatarju jkun ta kunsens espliċitu minn qabel għall-użu ta’ dak il-mezz elettroniku għan-notifika ta’ dokumenti matul il-proċedimenti legali kkonċernati.

2.   Id-destinatarju għandu jikkonferma li rċieva d-dokumenti b’konferma tar-riċevuta, inkluż id-data tar-riċevuta. Id-data tan-notifika tad-dokumenti għandha tkun id-data speċifikata fil-konferma tar-riċevuta. L-istess regola għandha tapplika fil-każ ta’ notifika ta’ dokumenti rrifjutati li tiġi rimedjata f’konformità mal-Artikolu 12(5).

(*9)  Ir-Regolament (UE) 2023/2844 tal-Parlament Ewropew u tal-Kunsill tat-13 ta’ Diċembru 2023 dwar id-diġitalizzazzjoni tal-kooperazzjoni ġudizzjarja u l-aċċess għall-ġustizzja f’materji ċivili, kummerċjali u kriminali transfruntieri, u li jemenda ċerti atti fil-qasam tal-kooperazzjoni ġudizzjarja (ĠU L, 2023/2844, 27.12.2023, ELI: http://data.europa.eu/eli/reg/2023/2844/oj).”;"

(4)

fl-Artikolu 37, jiżdied il-paragrafu li ġej:

“3.   L-Artikolu 19a għandu japplika mill-ewwel jum tax-xahar wara l-perjodu ta’ sentejn mid-data tad-dħul fis-seħħ tal-atti ta’ implimentazzjoni msemmija fl-Artikolu 10(3)(a) tar-Regolament (UE) 2023/2844.”

.

KAPITOLU VIII

EMENDI GĦAL ATTI LEGALI FIL-QASAM TAL-KOOPERAZZJONI ĠUDIZZJARJA F’MATERJI KRIMINALI

Artikolu 25

Emendi għar-Regolament (UE) 2018/1805

Ir-Regolament (UE) 2018/1805 huwa emendat kif ġej:

(1)

fl-Artikolu 4, il-paragrafu 1 huwa sostitwit b’dan li ġej:

“1.   Ordni ta’ ffriżar għandha tiġi trażmessa permezz ta’ ċertifikat ta’ ffriżar. L-awtorità emittenti għandha tittrażmetti ċ-ċertifikat ta’ ffriżar previst fl-Artikolu 6 direttament lill-awtorità ta’ eżekuzzjoni jew, fejn applikabbli, lill-awtorità ċentrali msemmija fl-Artikolu 24(2).”

;

(2)

fl-Artikolu 7, il-paragrafu 2 huwa sostitwit b’dan li ġej:

“2.   L-awtorità ta’ eżekuzzjoni għandha tirrapporta lill-awtorità emittenti dwar l-eżekuzzjoni tal-ordni ta’ ffriżar, inkluż deskrizzjoni tal-proprjetà ffriżata u, fejn disponibbli, tipprovdi stima tal-valur tagħha. Tali rappurtar għandu jitwettaq mingħajr dewmien żejjed ladarba l-awtorità ta’ eżekuzzjoni tkun ġiet infurmata li l-ordni ta’ ffriżar ġiet eżegwita.”

;

(3)

fl-Artikolu 8, il-paragrafu 3 huwa sostitwit b’dan li ġej:

“3.   Kwalunkwe deċiżjoni sabiex l-ordni ta’ ffriżar ma tiġix rikonoxxuta jew eżegwita għandha tittieħed mingħajr dewmien u tiġi nnotifikata immedjatament lill-awtorità emittenti.”

;

(4)

fl-Artikolu 9, il-paragrafu 4 huwa sostitwit b’dan li ġej:

“4.   L-awtorità ta’ eżekuzzjoni għandha tikkomunika mingħajr dewmien id-deċiżjoni dwar ir-rikonoxximent u l-eżekuzzjoni tal-ordni ta’ ffriżar lill-awtorità emittenti.”

;

(5)

fl-Artikolu 10, il-paragrafi 2 u 3 huma sostitwiti b’dan li ġej:

“2.   L-awtorità ta’ eżekuzzjoni għandha b’mod immedjat tirrapporta lill-awtorità emittenti dwar il-posponiment tal-eżekuzzjoni tal-ordni ta’ ffriżar, u tispeċifika r-raġunijiet għall-posponiment u, fejn possibbli, id-durata prevista tiegħu.

3.   Hekk kif ir-raġunijiet għall-posponiment ma jibqgħux jeżistu, l-awtorità ta’ eżekuzzjoni għandha immedjatament tieħu l-miżuri meħtieġa għall-eżekuzzjoni tal-ordni ta’ ffriżar u tinforma lill-awtorità emittenti b’dan.”

;

(6)

fl-Artikolu 12, il-paragrafu 2 huwa sostitwit b’dan li ġej:

“2.   L-awtorità ta’ eżekuzzjoni, waqt li tikkunsidra ċ-ċirkostanzi tal-kawża, tista’ tagħmel talba motivata lill-awtorità emittenti biex jiġi limitat il-perjodu li għalih għandha tkun iffriżata l-proprjetà. Tali talba, inkluż kwalunkwe informazzjoni ta’ sostenn rilevanti, għandha tiġi trażmessa direttament lill-awtorità emittenti. Meta teżamina talba bħal din, l-awtorità emittenti għandha tieħu kont tal-interessi kollha, inkluż dawk tal-awtorità ta’ eżekuzzjoni. L-awtorità emittenti għandha tirrispondi għal din it-talba malajr kemm jista’ jkun. Jekk l-awtorità emittenti ma taqbilx mal-limitazzjoni, hija għandha tinforma lill-awtorità ta’ eżekuzzjoni bir-raġunijiet għal dan. F’tali każ, il-proprjetà għandha tibqa’ ffriżata f’konformità mal-paragrafu 1. Jekk l-awtorità emittenti ma tirrispondix fi żmien sitt ġimgħat mill-wasla tat-talba, l-awtorità ta’ eżekuzzjoni ma għandhiex tibqa’ obbligata li teżegwixxi l-ordni ta’ ffriżar.”

;

(7)

fl-Artikolu 14, il-paragrafu 1 huwa sostitwit b’dan li ġej:

“1.   Ordni ta’ konfiska għandha tiġi trażmessa permezz ta’ ċertifikat ta’ konfiska. L-awtorità emittenti għandha tittrażmetti ċ-ċertifikat ta’ konfiska previst fl-Artikolu 17 direttament lill-awtorità ta’ eżekuzzjoni jew, fejn applikabbli, lill-awtorità ċentrali msemmija fl-Artikolu 24(2).”

;

(8)

fl-Artikolu 16(3), il-kliem introduttorju huwa sostitwit b’dan li ġej:

“L-awtorità emittenti għandha tinforma minnufih lill-awtorità ta’ eżekuzzjoni fejn: ”;

(9)

fl-Artikolu 18, il-paragrafu 6 huwa sostitwit b’dan li ġej:

“6.   Hekk kif tiġi eżegwita l-ordni ta’ konfiska, l-awtorità ta’ eżekuzzjoni għandha tinforma lill-awtorità emittenti bir-riżultati tal-eżekuzzjoni.”

;

(10)

fl-Artikolu 19, il-paragrafu 3 huwa sostitwit b’dan li ġej:

“3.   Kwalunkwe deċiżjoni sabiex l-ordni ta’ konfiska ma tiġix rikonoxxuta jew eżegwita għandha tittieħed mingħajr dewmien u tiġi nnotifikata immedjatament lill-awtorità emittenti.”

;

(11)

fl-Artikolu 20, il-paragrafu 2 huwa sostitwit b’dan li ġej:

“2.   L-awtorità ta’ eżekuzzjoni għandha tikkomunika mingħajr dewmien id-deċiżjoni dwar ir-rikonoxximent u l-eżekuzzjoni tal-ordni ta’ konfiska lill-awtorità emittenti.”

;

(12)

fl-Artikolu 21, il-paragrafi 3 u 4 huma sostitwiti b’dan li ġej:

“3.   L-awtorità ta’ eżekuzzjoni għandha mingħajr dewmien tirrapporta lill-awtorità emittenti dwar il-posponiment tal-eżekuzzjoni tal-ordni ta’ konfiska, u tispeċifika r-raġunijiet għall-posponiment u, fejn possibbli, id-durata prevista tiegħu.

4.   Hekk kif ir-raġunijiet għall-posponiment ma jibqgħux jeżistu, l-awtorità ta’ eżekuzzjoni għandha, mingħajr dewmien, tieħu l-miżuri meħtieġa għall-eżekuzzjoni tal-ordni ta’ konfiska u tinforma lill-awtorità emittenti b’dan.”

;

(13)

fl-Artikolu 25:

(a)

it-titolu huwa sostitwit b’dan li ġej:

“Mezzi ta’ komunikazzjoni”;

(b)

il-paragrafu 1 huwa sostitwit b’dan li ġej:

“1.   Bl-eċċezzjoni tal-komunikazzjoni skont l-Artikolu 8(2) u (4), l-Artikolu 9(5), l-Artikolu 19(2), l-Artikolu 20(4) u l-Artikolu 29(3), il-komunikazzjoni uffiċjali skont dan ir-Regolament bejn l-awtorità emittenti u l-awtorità ta’ eżekuzzjoni għandha titwettaq f’konformità mal-Artikolu 3 tar-Regolament (UE) 2023/2844 tal-Parlament Ewropew u tal-Kunsill (*10).

2.   Meta Stat Membru jkun ħatar awtorità ċentrali, il-paragrafu 1 għandu japplika wkoll għall-komunikazzjoni uffiċjali mal-awtorità ċentrali ta’ Stat Membru ieħor.

3.   Fejn meħtieġ, l-awtorità emittenti u l-awtorità ta’ eżekuzzjoni għandhom jikkonsultaw lil xulxin mingħajr dewmien sabiex jiżguraw l-applikazzjoni effiċjenti ta’ dan ir-Regolament, bl-użu ta’ kwalunkwe mezz ta’ komunikazzjoni xieraq.

(*10)  Ir-Regolament (UE) 2023/2844 tal-Parlament Ewropew u tal-Kunsill tat-13 ta’ Diċembru 2023 dwar id-diġitalizzazzjoni tal-kooperazzjoni ġudizzjarja u l-aċċess għall-ġustizzja f’materji ċivili, kummerċjali u kriminali transfruntieri, u li jemenda ċerti atti fil-qasam tal-kooperazzjoni ġudizzjarja (ĠU L, ELI: 2023/2844, 27.12.2023, ELI: http://data.europa.eu/eli/reg/2023/2844/oj).”;"

(14)

fl-Artikolu 27, il-paragrafi 2 u 3 huma sostitwiti b’dan li ġej:

“2.   L-awtorità emittenti għandha tinforma b’mod immedjat lill-awtorità ta’ eżekuzzjoni dwar l-irtirar ta’ ordni ta’ ffriżar jew ordni ta’ konfiska u dwar kwalunkwe deċiżjoni jew miżura li tirriżulta fl-irtirar tal-ordni ta’ ffriżar jew l-ordni ta’ konfiska.

3.   L-awtorità ta’ eżekuzzjoni għandha ttemm l-eżekuzzjoni tal-ordni ta’ ffriżar jew l-ordni ta’ konfiska, sakemm l-eżekuzzjoni tkun għadha ma ġietx ikkompletata, hekk kif tkun ġiet infurmata mill-awtorità emittenti f’konformità mal-paragrafu 2. L-awtorità ta’ eżekuzzjoni għandha tibgħat mingħajr dewmien żejjed konferma tat-terminazzjoni lill-Istat emittenti.”

;

(15)

fl-Artikolu 31(2), it-tielet subparagrafu huwa sostitwit b’dan li ġej:

“Il-konsultazzjonijiet, jew tal-inqas ir-riżultat tagħhom, għandhom jiġi rreġistrati.”.

KAPITOLU IX

DISPOŻIZZJONIJIET FINALI

Artikolu 26

Dħul fis-seħħ u applikazzjoni

1.   Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

2.   Għandu japplika mill-1 ta’ Mejju 2025.

3.   Madankollu, l-Artikoli 3 u 4 għandhom japplikaw mill-ewwel jum tax-xahar wara l-perjodu ta’ sentejn mid-data tad-dħul fis-seħħ tal-atti ta’ implimentazzjoni korrispondenti, imsemmija fl-Artikolu 10(3), li jistabbilixxu s-sistema tal-IT deċentralizzata għal kull att legali elenkat fl-Annessi I u II.

4.   L-Artikoli 3 u 4 għandhom japplikaw għal proċedimenti mibdija mill-jum imsemmi fil-paragrafu 3 ta’ dan l-Artikolu.

Dan ir-Regolament għandu jorbot fl-intier tiegħu u japplika direttament fl-Istati Membri f’konformità mat-Trattati.

Magħmul fi Strażburgu, it-13 ta’ Diċembru 2023

Għall-Parlament Ewropew

Il-President

R. METSOLA

Għall-Kunsill

Il-President

P. NAVARRO RÍOS

(1)   ĠU C 323, 26.8.2022, p. 77.

(2)  Il-Pożizzjoni tal-Parlament Ewropew tat-23 ta’ Novembru 2023 (għadha ma ġietx ippubblikata fil-Ġurnal Uffiċjali) u d-Deċiżjoni tal-Kunsill tat-8 ta’ Diċembru 2023.

(3)  Ir-Regolament (UE) 2022/850 tal-Parlament Ewropew u tal-Kunsill tat-30 ta’ Mejju 2022 dwar sistema kompjuterizzata għall-iskambju elettroniku transfruntier ta’ data fil-qasam tal-kooperazzjoni ġudizzjarja f’materji ċivili u kriminali (is-sistema e-CODEX), u li jemenda r-Regolament (UE) 2018/1726 (ĠU L 150, 1.6.2022, p. 1).

(4)  Id-Direttiva (UE) 2016/2102 tal-Parlament Ewropew u tal-Kunsill tas-26 ta’ Ottubru 2016 dwar l-aċċessibbiltà tas-siti elettroniċi u tal-applikazzjonijiet mobbli tal-korpi tas-settur pubbliku (ĠU L 327, 2.12.2016, p. 1).

(5)  Id-Direttiva (UE) 2019/882 tal-Parlament Ewropew u tal-Kunsill tas-17 ta’ April 2019 dwar ir-rekwiżiti ta’ aċċessibbiltà għall-prodotti u għas-servizzi (ĠU L 151, 7.6.2019, p. 70).

(6)  Ir-Regolament (UE) 2015/848 tal-Parlament Ewropew u tal-Kunsill tal-20 ta’ Mejju 2015 dwar proċedimenti ta’ insolvenza (ĠU L 141, 5.6.2015, p. 19).

(7)  Ir-Regolament (UE) 2020/1784 tal-Parlament Ewropew u tal-Kunsill tal-25 ta’ Novembru 2020 dwar in-notifika fl-Istati Membri ta’ dokumenti ġudizzjarji u ekstraġudizzjarji f’materji ċivili jew kummerċjali (notifika ta’ dokumenti) (ĠU L 405, 2.12.2020, p. 40).

(8)  Ir-Regolament (UE) 2020/1783 tal-Parlament Ewropew u tal-Kunsill tal-25 ta’ Novembru 2020 dwar kooperazzjoni bejn il-qrati tal-Istati Membri fil-kumpilazzjoni tax-xhieda f’materji ċivili jew kummerċjali (kumpilazzjoni tax-xhieda)(ĠU L 405, 2.12.2020, p. 1).

(9)  Ir-Regolament (UE) 2018/1725 tal-Parlament Ewropew u tal-Kunsill tat-23 ta’ Ottubru 2018 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta’ tali data, u li jħassar ir-Regolament (KE) Nru 45/2001 u d-Deċiżjoni Nru 1247/2002/KE (ĠU L 295, 21.11.2018, p. 39).

(10)  Ir-Regolament (UE) 2016/679 tal-Parlament Ewropew u tal-Kunsill tas-27 ta’ April 2016 dwar il-protezzjoni tal-persuni fiżiċi fir-rigward tal-ipproċessar ta’ data personali u dwar il-moviment liberu ta’ tali data, u li jħassar id-Direttiva 95/46/KE (Regolament Ġenerali dwar il-Protezzjoni tad-Data) (ĠU L 119, 4.5.2016, p. 1).

(11)  Id-Direttiva (UE) 2016/680 tal-Parlament Ewropew u tal-Kunsill tas-27 ta’ April 2016 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-awtoritajiet kompetenti għall-finijiet tal-prevenzjoni, l-investigazzjoni, is-sejbien jew il-prosekuzzjoni ta’ reati kriminali jew l-eżekuzzjoni ta’ pieni kriminali, u dwar il-moviment liberu ta’ tali data, u li tħassar id-Deċiżjoni Qafas tal-Kunsill 2008/977/ĠAI (ĠU L 119, 4.5.2016, p. 89).

(12)  Ir-Regolament tal-Kunsill (KE) Nru 4/2009 tat-18 ta’ Diċembru 2008 dwar il-ġuriżdizzjoni, il-liġi applikabbli, ir-rikonoxximent u l-eżekuzzjoni tad-deċiżjonijiet u l-kooperazzjoni f’materji relatati ma’ obbligi ta’ manteniment (ĠU L 7, 10.1.2009, p. 1).

(13)  Ir-Regolament tal-Kunsill (UE) 2019/1111 tal-25 ta’ Ġunju 2019 dwar il-ġuriżdizzjoni, ir-rikonoxximent u l-infurzar ta’ deċiżjonijiet fi kwistjonijiet matrimonjali u kwistjonijiet ta’ responsabbiltà tal-ġenituri, u dwar sekwestru internazzjonali ta’ minuri (ĠU L 178, 2.7.2019, p. 1).

(14)  Id-Deċiżjoni Kwadru tal-Kunsill 2005/214/ĠAI tal-24 ta’ Frar 2005 dwar l-applikazzjoni tal-prinċipju ta’ rikonoxximent reċiproku ta’ penali finanzjarji (ĠU L 76, 22.3.2005, p. 16).

(15)  Id-Deċiżjoni Kwadru tal-Kunsill 2006/783/ĠAI tas-6 ta’ Ottubru 2006 dwar l-applikazzjoni tal-prinċipju ta’ rikonoxximent reċiproku għal ordnijiet ta’ konfiska (ĠU L 328, 24.11.2006, p. 59).

(16)  Id-Deċiżjoni Qafas tal-Kunsill 2008/909/ĠAI tas-27 ta’ Novembru 2008 dwar l-applikazzjoni tal-prinċipju ta’ rikonoxximent reċiproku ta’ sentenzi f’materji kriminali li jimponu pieni ta’ kustodja jew miżuri li jinvolvu ċ-ċaħda tal-libertà bil-għan li jiġu infurzati fl-Unjoni Ewropea (ĠU L 327, 5.12.2008, p. 27).

(17)  Id-Deċiżjoni Qafas tal-Kunsill 2008/947/ĠAI tas-27 ta’ Novembru 2008 dwar l-applikazzjoni tal-prinċipju ta’ rikonoxximent reċiproku ta’ sentenzi u deċiżjonijiet li jinvolvu probation bil-ħsieb ta’ sorveljanza ta’ miżuri ta’ probation u ta’ sanzjonijiet alternattivi (ĠU L 337, 16.12.2008, p. 102).

(18)  Id-Deċiżjoni Qafas tal-Kunsill 2009/829/ĠAI tat-23 ta’ Ottubru 2009 dwar l-applikazzjoni bejn l-Istati Membri tal-Unjoni Ewropea tal-prinċipju ta’ rikonoxximent reċiproku għal deċiżjonijiet dwar miżuri ta’ superviżjoni bħala alternattiva għal detenzjoni proviżorja (ĠU L 294, 11.11.2009, p. 20).

(19)  Id-Direttiva 2014/41/UE tal-Parlament Ewropew u tal-Kunsill tat-3 ta’ April 2014 dwar l-Ordni ta’ Investigazzjoni Ewropew f’materji kriminali (ĠU L 130, 1.5.2014, p. 1).

(20)  Ir-Regolament (UE) 2018/1805 tal-Parlament Ewropew u tal-Kunsill tal-14 ta’ Novembru 2018 dwar ir-rikonoxximent reċiproku ta’ ordnijiet ta’ ffriżar u ordnijiet ta’ konfiska (ĠU L 303, 28.11.2018, p. 1).

(21)  Ir-Regolament (UE) Nru 650/2012 tal-Parlament Ewropew u tal-Kunsill tal-4 ta’ Lulju 2012 dwar il-ġuriżdizzjoni, il-liġi applikabbli, ir-rikonoxximent u l-infurzar ta’ deċiżjonijiet u l-aċċettazzjoni u l-infurzar ta’ strumenti awtentiċi fil-qasam tas-suċċessjonijiet u dwar il-ħolqien ta’ Ċertifikat Ewropew tas-Suċċessjoni (ĠU L 201, 27.7.2012, p. 107).

(22)  Id-Direttiva tal-Kunsill 2003/8/KE tas-27 ta’ Jannar 2003 biex ittejjeb l-aċċess għal ġustizzja f’tilwimiet bejn il-konfini billi tistabbilixxi regoli komuni minimi konnessi ma’ għajnuna legali għal tilwimiet bħal dawn (ĠU L 26, 31.1.2003, p. 41).

(23)  Deċiżjoni Kwadru tal-Kunsill 2002/465/ĠAI tat-13 ta’ Ġunju 2002 dwar l-iskwadri ta’ investigazzjoni konġunti (ĠU L 162, 20.6.2002, p. 1).

(24)  Ir-Regolament (UE) Nru 910/2014 tal-Parlament Ewropew u tal-Kunsill tat-23 ta’ Lulju 2014 dwar l-identifikazzjoni elettronika u s-servizzi fiduċjarji għal tranżazzjonijiet elettroniċi fis-suq intern u li jħassar id-Direttiva 1999/93/KE (ĠU L 257, 28.8.2014, p. 73).

(25)  Ir-Regolament (KE) Nru 805/2004 tal-Parlament Ewropew u tal-Kunsill tal-21 ta’ April 2004 li joħloq Ordni Ewropew ta’ Infurzar għal talbiet mhux kontestati (ĠU L 143, 30.4.2004, p. 15).

(26)  Ir-Regolament (KE) Nru 1896/2006 tal-Parlament Ewropew u tal-Kunsill tat-12 ta’ Diċembru 2006 li joħloq proċedura għal ordni ta’ ħlas Ewropea (ĠU L 399, 30.12.2006, p. 1).

(27)  Ir-Regolament (KE) Nru 861/2007 tal-Parlament Ewropew u tal-Kunsill tal-11 ta’ Lulju 2007 li jistabbilixxi Proċedura Ewropea għal Talbiet Żgħar (ĠU L 199, 31.7.2007, p. 1).

(28)  Ir-Regolament (UE) Nru 606/2013 tal-Parlament Ewropew u tal-Kunsill tat-12 ta’ Ġunju 2013 dwar ir-rikonoxximent reċiproku ta’ miżuri ta’ protezzjoni f’materji ċivili (ĠU L 181, 29.6.2013, p. 4).

(29)  Ir-Regolament (UE) Nru 655/2014 tal-Parlament Ewropew u tal-Kunsill tal-15 ta’ Mejju 2014 li jistabbilixxi proċedura ta’ Ordni Ewropea tal-Preservazzjoni tal-Kontijiet sabiex jiġi ffaċilitat l-irkupru transkonfinali tad-dejn f’materji ċivili u kummerċjali (ĠU L 189, 27.6.2014, p. 59).

(30)  Id-Direttiva (UE) 2023/2843 tal-Parlament Ewropew u tal-Kunsill tat-13 ta’ Diċembru 2023 li temenda d-Direttivi 2011/99/UE u 2014/41/UE tal-Parlament Ewropew u tal-Kunsill, id-Direttiva tal-Kunsill 2003/8/KE u d-Deċiżjonijiet Qafas tal-Kunsill 2002/584/ĠAI, 2006/783/ĠAI, 2003/577/ĠAI, 2005/214/ĠAI, 2008/909/ĠAI, 2008/947/ĠAI, 2009/829/ĠAI u 2009/948/ĠAI, fir-rigward tad-diġitalizzazzjoni tal-kooperazzjoni ġudizzjarja (ĠU L, 2023/2843, 27.12.2023, ELI: http://data.europa.eu/eli/dir/2023/2843/oj).

(31)   ĠU L 123, 12.5.2016. p. 1.

(32)  Id-Direttiva 2010/64/UE tal-Parlament Ewropew u tal-Kunsill tal-20 ta’ Ottubru 2010 dwar id-drittijiet għall-interpretazzjoni u għat-traduzzjoni fi proċedimenti kriminali (ĠU L 280, 26.10.2010, p. 1).

(33)  Id-Direttiva 2012/13/UE tal-Parlament Ewropew u tal-Kunsill tat-22 ta’ Mejju 2012 dwar id-dritt għall-informazzjoni fi proċeduri kriminali (ĠU L 142, 1.6.2012, p. 1).

(34)  Id-Direttiva 2013/48/UE tal-Parlament Ewropew u tal-Kunsill tat-22 ta’ Ottubru 2013 dwar id-dritt ta’ aċċess għas-servizzi ta’ avukat fi proċedimenti kriminali u fi proċedimenti ta’ mandat ta’ arrest Ewropew, u dwar id-dritt li tiġi infurmata parti terza dwar iċ-ċaħda tal-libertà u d-dritt għal komunikazzjoni ma’ partijiet terzi u mal-awtoritajiet konsulari, matul iċ-ċaħda tal-libertà (ĠU L 294, 6.11.2013, p. 1).

(35)  Id-Direttiva (UE) 2016/343 tal-Parlament Ewropew u tal-Kunsill tad-9 ta’ Marzu 2016 dwar it-tisħiħ ta’ ċerti aspetti tal-preżunzjoni tal-innoċenza u tad-dritt li wieħed ikun preżenti waqt il-proċess fil-proċedimenti kriminali (ĠU L 65, 11.3.2016, p. 1).

(36)  Id-Direttiva (UE) 2016/800 tal-Parlament Ewropew u tal-Kunsill tal-11 ta’ Mejju 2016 dwar il-garanziji proċedurali għal tfal li huma suspettati jew li huma persuni akkużati fi proċedimenti kriminali (ĠU L 132, 21.5.2016, p. 1).

(37)  Id-Direttiva (UE) 2016/1919 tal-Parlament Ewropew u tal-Kunsill tas-26 ta’ Ottubru 2016 dwar għajnuna legali għal persuni ssuspettati u akkużati fi proċedimenti kriminali u għal persuni rikjesti fi proċedimenti ta’ mandat ta’ arrest Ewropew (ĠU L 297, 4.11.2016, p. 1).

(38)  Ir-Regolament (UE) Nru 182/2011 tal-Parlament Ewropew u tal-Kunsill tas-16 ta’ Frar 2011 li jistabbilixxi r-regoli u l-prinċipji ġenerali dwar il-modalitajiet ta’ kontroll mill-Istati Membri tal-eżerċizzju mill-Kummissjoni tas-setgħat ta’ implimentazzjoni (ĠU L 55, 28.2.2011, p. 13).

(39)  Ir-Regolament (UE) Nru 1215/2012 tal-Parlament Ewropew u tal-Kunsill tat-12 ta’ Diċembru 2012 dwar il-ġuriżdizzjoni u r-rikonoxximent u l-eżekuzzjoni ta’ sentenzi fi kwistjonijiet ċivili u kummerċjali (ĠU L 351, 20.12.2012, p. 1).

(40)  Ir-Regolament tal-Kunsill (UE) 2016/1103 tal-24 ta’ Ġunju 2016 li jimplimenta kooperazzjoni msaħħa fil-qasam tal-ġuriżdizzjoni, il-liġi applikabbli u r-rikonoxximent u l-eżekuzzjoni ta’ deċiżjonijiet f’materji ta’ reġimi ta’ proprjetà matrimonjali (ĠU L 183, 8.7.2016, p. 1).

(41)  Ir-Regolament tal-Kunsill (UE) 2016/1104 tal-24 ta’ Ġunju 2016 li jimplimenta kooperazzjoni msaħħa fil-qasam tal-ġuriżdizzjoni, il-liġi applikabbli u r-rikonoxximent u l-eżekuzzjoni ta’ deċiżjonijiet f’materji tal-konsegwenzi patrimonjali ta’ sħubijiet reġistrati. (ĠU L 183, 8.7.2016, p. 30).

(42)  Id-Deċiżjoni Kwadru tal-Kunsill tat-13 ta’ Ġunju 2002 dwar il-mandat ta’ arrest Ewropew u l-proċeduri ta’ konsenja bejn l-Istati Membri (2002/584/ĠAI) (ĠU L 190, 18.7.2002, p. 1).

(43)  Id-Direttiva 2011/99/UE tal-Parlament Ewropew u tal-Kunsill tat-13 ta’ Diċembru 2011 dwar l-ordni Ewropea ta’ protezzjoni (ĠU L 338, 21.12.2011, p. 2).

ANNESS I

Atti legali fil-qasam tal-kooperazzjoni ġudizzjarja f’materji ċivili u kummerċjali

(1)   

Id-Direttiva tal-Kunsill 2003/8/KE tas-27 ta’ Jannar 2003 biex ittejjeb l-aċċess għal ġustizzja f’tilwimiet bejn il-konfini billi tistabbilixxi regoli komuni minimi konnessi ma’ għajnuna legali għal tilwimiet bħal dawn.

(2)   

Ir-Regolament (KE) Nru 805/2004 tal-Parlament Ewropew u tal-Kunsill tal-21 ta’ April 2004 li joħloq Ordni Ewropew ta’ Infurzar għal talbiet mhux kontestati.

(3)   

Ir-Regolament (KE) Nru 1896/2006 tal-Parlament Ewropew u tal-Kunsill tat-12 ta’ Diċembru 2006 li joħloq proċedura għal ordni ta’ ħlas Ewropea.

(4)   

Ir-Regolament (KE) Nru 861/2007 tal-Parlament Ewropew u tal-Kunsill tal-11 ta’ Lulju 2007 li jistabbilixxi Proċedura Ewropea għal Talbiet Żgħar.

(5)   

Ir-Regolament tal-Kunsill (KE) Nru 4/2009 tat-18 ta’ Diċembru 2008 dwar il-ġuriżdizzjoni, il-liġi applikabbli, ir-rikonoxximent u l-eżekuzzjoni tad-deċiżjonijiet u l-kooperazzjoni f’materji relatati ma’ obbligi ta’ manteniment.

(6)   

Ir-Regolament (UE) Nru 650/2012 tal-Parlament Ewropew u tal-Kunsill tal-4 ta’ Lulju 2012 dwar il-ġuriżdizzjoni, il-liġi applikabbli, ir-rikonoxximent u l-infurzar ta’ deċiżjonijiet u l-aċċettazzjoni u l-infurzar ta’ strumenti awtentiċi fil-qasam tas-suċċessjonijiet u dwar il-ħolqien ta’ Ċertifikat Ewropew tas-Suċċessjoni.

(7)   

Ir-Regolament (UE) Nru 1215/2012 tal-Parlament Ewropew u tal-Kunsill tat-12 ta’ Diċembru 2012 dwar il-ġuriżdizzjoni u r-rikonoxximent u l-eżekuzzjoni ta’ sentenzi fi kwistjonijiet ċivili u kummerċjali (riformulazzjoni).

(8)   

Ir-Regolament (UE) Nru 606/2013 tal-Parlament Ewropew u tal-Kunsill tat-12 ta’ Ġunju 2013 dwar ir-rikonoxximent reċiproku ta’ miżuri ta’ protezzjoni f’materji ċivili.

(9)   

Ir-Regolament (UE) Nru 655/2014 tal-Parlament Ewropew u tal-Kunsill tal-15 ta’ Mejju 2014 li jistabbilixxi proċedura ta’ Ordni Ewropea tal-Preservazzjoni tal-Kontijiet sabiex jiġi ffaċilitat l-irkupru transkonfinali tad-dejn f’materji ċivili u kummerċjali.

(10)   

Ir-Regolament (UE) 2015/848 tal-Parlament Ewropew u tal-Kunsill tal-20 ta’ Mejju 2015 dwar proċedimenti ta’ insolvenza.

(11)   

Ir-Regolament tal-Kunsill (UE) 2016/1103 tal-24 ta’ Ġunju 2016 li jimplimenta kooperazzjoni msaħħa fil-qasam tal-ġuriżdizzjoni, il-liġi applikabbli u r-rikonoxximent u l-eżekuzzjoni ta’ deċiżjonijiet f’materji ta’ reġimi ta’ proprjetà matrimonjali.

(12)   

Ir-Regolament tal-Kunsill (UE) 2016/1104 tal-24 ta’ Ġunju 2016 li jimplimenta kooperazzjoni msaħħa fil-qasam tal-ġuriżdizzjoni, il-liġi applikabbli u r-rikonoxximent u l-eżekuzzjoni ta’ deċiżjonijiet f’materji tal-konsegwenzi patrimonjali ta’ sħubijiet reġistrati.

(13)   

Ir-Regolament tal-Kunsill (UE) 2019/1111 tal-25 ta’ Ġunju 2019 dwar il-ġuriżdizzjoni, ir-rikonoxximent u l-infurzar ta’ deċiżjonijiet fi kwistjonijiet matrimonjali u kwistjonijiet ta’ responsabbiltà tal-ġenituri, u dwar sekwestru internazzjonali ta’ minuri.

ANNESS II

Atti legali fil-qasam tal-kooperazzjoni ġudizzjarja f’materji kriminali

(1)   

Id-Deċiżjoni Kwadru tal-Kunsill 2002/584/ĠAI tat-13 ta’ Ġunju 2002 fuq il-mandat ta’ arrest Ewropew u l-proċeduri ta’ ċediment bejn l-Istati Membri.

(2)   

Id-Deċiżjoni Kwadru tal-Kunsill 2003/577/ĠAI tat-22 ta’ Lulju 2003 dwar it-twettiq fl-Unjoni Ewropea tal-mandati li jiffriżaw xi proprjetà jew xi evidenza (1).

(3)   

Id-Deċiżjoni Kwadru tal-Kunsill 2005/214/ĠAI tal-24 ta’ Frar 2005 dwar l-applikazzjoni tal-prinċipju ta’ rikonoxximent reċiproku ta’ penali finanzjarji.

(4)   

Id-Deċiżjoni Kwadru tal-Kunsill 2006/783/ĠAI tas-6 ta’ Ottubru 2006 dwar l-applikazzjoni tal-prinċipju ta’ rikonoxximent reċiproku għal ordnijiet ta’ konfiska.

(5)   

Id-Deċiżjoni Qafas tal-Kunsill 2008/909/ĠAI tas-27 ta’ Novembru 2008 dwar l-applikazzjoni tal-prinċipju ta’ rikonoxximent reċiproku ta’ sentenzi f’materji kriminali li jimponu pieni ta’ kustodja jew miżuri li jinvolvu ċ-ċaħda tal-libertà bil-għan li jiġu infurzati fl-Unjoni Ewropea.

(6)   

Id-Deċiżjoni Qafas tal-Kunsill 2008/947/ĠAI tas-27 ta’ Novembru 2008 dwar l-applikazzjoni tal-prinċipju ta’ rikonoxximent reċiproku ta’ sentenzi u deċiżjonijiet li jinvolvu probation bil-ħsieb ta’ sorveljanza ta’ miżuri ta’ probation u ta’ sanzjonijiet alternattivi.

(7)   

Id-Deċiżjoni Qafas tal-Kunsill 2009/829/ĠAI tat-23 ta’ Ottubru 2009 dwar l-applikazzjoni bejn l-Istati Membri tal-Unjoni Ewropea tal-prinċipju ta’ rikonoxximent reċiproku għal deċiżjonijiet dwar miżuri ta’ superviżjoni bħala alternattiva għal detenzjoni proviżorja.

(8)   

Id-Deċiżjoni Qafas tal-Kunsill 2009/948/ĠAI tat-30 ta’ Novembru 2009 dwar il-prevenzjoni u r-riżoluzzjoni ta’ konflitti ta’ eżerċizzju ta’ ġuriżdizzjoni fi proċedimenti kriminali (2).

(9)   

Id-Direttiva 2011/99/UE tal-Parlament Ewropew u tal-Kunsill tat-13 ta’ Diċembru 2011 dwar l-ordni Ewropea ta’ protezzjoni.

(10)   

Id-Direttiva 2014/41/UE tal-Parlament Ewropew u tal-Kunsill tat-3 ta’ April 2014 dwar l-Ordni ta’ Investigazzjoni Ewropew f’materji kriminali.

(11)   

Ir-Regolament (UE) 2018/1805 tal-Parlament Ewropew u tal-Kunsill tal-14 ta’ Novembru 2018 dwar ir-rikonoxximent reċiproku ta’ ordnijiet ta’ ffriżar u ordnijiet ta’ konfiska.

(1)   ĠU L 196, 2.8.2003, p. 45.

(2)   ĠU L 328, 15.12.2009, p. 42.

ELI: http://data.europa.eu/eli/reg/2023/2844/oj

ISSN 1977-074X (electronic edition)

Top

Full & Egal Universal Law Academy