© Եվրոպայի խորհուրդ/ Մարդու իրավունքների եվրոպական Դատարան, 2012: Սույն թարգմանությունն իրականացվել է Եվրոպայի խորհրդի Մարդու իրավունքների հավատարմագրային ֆոնդի (/humanrightstrustfund) աջակցությամբ: Այն որևէ կերպ չի պարտավորեցնում Դատարանին: Ավելին իմանալու համար ծանոթացեք սույն փաստաթղթի վերջում ներկայացված հեղինակային իրավունքի վերաբերյալ նշումներին:

© Council of Europe/European Court of Human Rights, 2012. This translation was commissioned with the support of the Human Rights Trust Fund of the Council of Europe (/humanrightstrustfund). It does not bind the Court. For further information see the full copyright indication at the end of this document.

© Conseil de l’Europe/Cour européenne des droits de l’homme, 2012. La présente traduction a été effectuée avec le soutien du Fonds fiduciaire pour les droits de l’homme du Conseil de l’Europe (/humanrightstrustfund). Elle ne lie pas la Cour. Pour plus de renseignements veuillez lire l’indication de copyright/droits d’auteur à la fin du présent document.

Մարդու իրավունքների եվրոպական դատարանի նախադեպային իրավունքի տեղեկագիր թիվ. 154

հուլիս 2012

Ռաելականների շվեյցարական շարժումն ընդդեմ Շվեյցարիայի [GC] - 16354/06

Վճիռ 13.7.2012թ. [GC]

Հոդված 10

Հոդված 10-1

Արտահայտվելու ազատություն

Գովազդային պաստառի հանրային ցուցադրության արգելքը` հրատարակիչների անբարոյական վարքագծի և արգելված ինտերնետ կայքին հղման պատճառով: խախտում տեղի չի ունեցել:

Փաստեր: - Դիմումատուն ոչ առևտրային կազմակերպություն է, որը հանդիսանում է Ռաելական շարժման ազգային մասնաճյուղը, որի հռչակած նպատակը այլմոլորակայինների հետ նախնական կապերի և լավ հարաբերությունների հաստատումն է: 2001թ. այն ոստիկանությունից թույլտվություն է խնդրել պաստառների ցուցադրության համար, որոնք ի թիվս այլոց պատկերում են այլմոլորակայինների դեմքերի պատկերներ, թռչող ափսե և շարժման կայքի հասցեն և հեռախոսային համարը: Թույլատվությունը և միավորման հետագա բոլոր բողոքարկումները մերժվել են:

2011թ. հունվարի 13-ի վճռով (տե՛ս Տեղեկագիր թիվ 137) Դատարանի պալատը միաձայն գտել է, որ տեղի չի ունեցել 10-րդ հոդվածի խախտում, այն հիմքով, որ իշխանությունները բավարար հիմքեր են ունեցել դիմումատու շարժման թույլատվության մերժման որոշումն անհրաժեշտ համարելու համար, հաշվի առնելով Քլոնայդի կայքին հղումը (հատուկ անօրինական կլոնավորման ծառայություններ առաջարկող ընկերություն), Շարժման ներսում անչափահասների նկատմամբ հնարավոր սեռական բռնությունը և «գենիոկրատիայի» քարոզումը (տեսություն, որի համաձայն իշխանությունը պետք է տրվի առավել բարձր ինտելեկտ ունեցող անհատներին):

Իրավունքը: - Հոդված 10: Տեղի է ունեցել օրենքով նախատեսված միջամտություն դիմումատու ընկերության արտահայտվելու իրավունքի իրականացմանը, պաստառի ցուցադրության թույլտվության արգելքի հետ կապված: Այդ միջոցը հետապնդել է հանցագործությունների կանխման և ուրիշների առողջության, բարոյականության և իրավունքների պաշտպանության օրինական նպատակները:

Սույն գործով ծագել է այն հարցը, թե արդյոք ազգային իշխանությունները պետք է թույլ տային դիմումատու միավորմանը տարածել իր գաղափարներն իր պաստառների ցուցադրության միջոցով` դրա համար հանրային տարածք մատչելի դարձնելով: Խնդրո առարկա ցուցադրությունը հիմնականում նպատակ էր հետապնդում հանրության ուշադրությունը հրավիրել ենթադրյալ կրոնական ուղղվածությամբ մի խմբի գաղափարների և գործունեությունների նկատմամբ, որը փոխանցում էր իրենց պնդմամբ այլմոլորակայինների կողմից ստացված ուղերձը` այդ նպատակով վեբ կայքին հղում կատարելով: Խնդրո առարկա վեբ կայքը միայն իմիջիայլոց էր անդրադառնում սոցիալական կամ քաղաքական գաղափարների, քանի որ դրա հիմնական նպատակը դիմումատու ընկերության նպատակներին մարդկանց ներգրավվելն էր: Նույնիսկ եթե դիմումատու միավորման ելույթները դուրս են առևտրային գովազդի ենթատեքստից, այնուամենայնիվ այն ավելի մոտ է առևտրային ելույթին քանի որ որոշակի համոզման գործառույթ ունի: Պետության հայեցողության սահմաններն այդ պատճառով ավելի լայն են: Այդ պատճառով հանրային վահանակների օգտագործ